مـــوقف مـــر بى واحتاج رأيكم !!!
ذهبنا نحن مجموعه صديقات ، الى صديقه لنا فى دارهم كزيارة دورية نقوم بها فى كل فترة ، صديقتنا بعد الاستقبال واللاذى منو وبعد ان دارت حلقات الونسة والشمار فى أثناء كل ذلك ، كان زوج صديقتنا جالس فى ركن من اركان الصالون يشاهد التلفزيون بعد ان سلم علينا عند الحضور ،، صديقتنا -صاحبة الدار- حبت اكرامنا ، فنادت على زوجها بكل دلع (ياعااااطف ):D فما كان من عاطف الا وجدع الرموت فى خفة مفتعلة من يده ، وجأ فى ثوانى ..نعم ياهويدا ! هويدا وهى (قاااعدة وخالفه كراعه) : عليك الله ياعاطف عاوذين لينا شاى عاطف (ياحليلو) : حاااااااااااااااضر عيونا فى ثوانى كان الشاى جاهز ، ومعاهو داك يا الكيك الماخمج ، عاااااطف جهز كل شى وجابو وختى الصينية على جنب ، وجرى حضر الترابيز قدامنا ، وجا ووزع الكبابى !! بصراحه انا كنت فى اثناء كل ده ، ومنذ النداء الاول بتاع يا(عاااااااطف) ولحد توزيع اخر كباية فى حالة ماعرفته ليها اسم كلو كلو ، ولحد الان !! الحصل منى النصيحه ليك يالله ، تظاهرة بانى عاذة اصلى ، ودخلته غرفة هويدا الفقر وناديته جوة ، اها لمن جاتنى قلت ليها ليه تعملى كده وتحرجى زوجك قدام صاحباتك !! العلاقه الخاصه دى مفترض تكون بينك وبينو براكم عشان تحافظى على شكلو وماتضربى برستيجو قدام صاحباتك !! قالت لى ياخ هو مابزعل وعادى ده تعاملنا مع بعض !وهو عمرو ما استنكر الشى ده! اها ياجماعه الخير ....رايكم شنو انتو ؟ |
عاطف راجل الهنا والسرور يايما يابت يا نظرية
تصدقي انه هو مقتنع بالشراكة البينهم كويس وده ما بينقص من قدرو حاجة خصوصا انو شايف صحباتها وعايزة تتونس معاهم ما مشكلة لو هو عمل الشاي او حتى غيرو وبالمقابل لمن يجو اصحابو واهلو هي حتقوم بالواجب وزياده يعني انت الا تناديها وتنكصي عيشتها غايتو الله يديني زي عااااااااطف ده ونكون متفاهمين ويعرف متين يخدمني ومتين ارد ليه البيعملو سجمانه انت |
[align=right]يعني دا راجلن تاني غير راجل عواطف ؟؟؟؟
ما بعرف طريقه التعامل كانت كيف ؟؟؟ لكن على حد قولك انه لابد أنها من المفترض تحتفظ لزوجها بكرامته قدام صديقاتها ... لو جات من عندو يعني انتو قاعدين فجاة .. جاء داخل بالشاي نقول زوق منو .. حب يساعد مرتو قدام صاحبتها ...دي ما فيها حاجة لكن حته تناديهو دي وتقول ليهو عايزين شاي سجم الرجال يا يمه شينه ياخ ... في حقه وفي حقها يقيني أنه أي علاقة في الحياة بصرف النظر عن نوع تلك العلاقة .. صداقة .. زماله .. جيره .. حب .. زواج لازم يكون أساسها منبي على الإحترام ثم الاحترام ثم الإحترام حتى بعد داك يجي الحب والمشاعر الاخرى ... رجال آخر زمن يعني ما الاسد براهو [/align] |
اقتباس:
في فرق كبير بين المساعده وبين الفرض دا الشي دا مفروض عليهو ياخ قالوا ليك قولة يا عواطف رمى الريمتو اذا كانت جات منو ... كان نقول لكن يُومر بيها شينه ياخ بعدين هي يا صاحبة السرور ما عارفه صاحباتها جايات ما تحضر حاجاتها قبل ما يجو هسه اظنو كان متابع ليهو مسلسل تركي ... ناس ما بتريح [/align] |
سمراء ؟ اسي انت مش دايرة مشاكل ؟ يعني هذا (العاطف ) يسوي الشاي ويجيبو شايلين حالو ... يسمع مرتو كلام فارغ ويقول ليها يولية شاي شنو كمان البسويهو ليكم ... تطلعوهو ضد (الجندر) يرمي ريموتو بخفة ... تطلعوهو من القبيلة ... يعاين لي تلفزيونو - في امانة الله - يما يملا عينكم ؟
بيني وبينك عاطف زاتوووووو البيقعدو شنو في جنس المحل دا ؟ ياهو يسوي الشاي سواهو بلى يخمو قتي لي كيكو كارب ؟ كدي أسألي هويدا دي عليك الله الكيك العملو منو ؟ عشان نحدد موقفنا ... والله لكن راجل كارب ... دا تعرفي بيكون شغال بالمثل القائل : اظبط شايك ... وكرّب الكيك ... يحتار عدوك فيك |
اليومين ديل حاصل شنو..؟؟؟:confused:
مره اسد و مره عااطف...:mad: الله يدينا خيركم.. |
اقتباس:
انا غايتو بصراحه الموقف ده مابلعتو ، انا فى فهمى (المتخلف) ده انو اى علاقه عندها خصوصيته ، يعنى انا مابرفض حتى المشاركة فى الحياة بمختلف اشكالها ....بس ده بكون فى حدود ! بمعنى انو المساعدة بالزات فى بعض الاعباء المنزلية ، بتكون بينى وبينو ، وبرانا بس ياخ قدام زميلاتى ، او الضيوف مستحيل اقبل انو زوجى يخدم علينا ! انت عارفه بعد طلوعنا ، كل البنات استنكرو الحركة دى ، واشتغلت القطيعه فى (عااااااطف) وانها حبت تثبت للبنات شوفونى انا لابساهو خاتم . ياجانيت نحن لسه مجتمع عائش بالنظرة الذكورية الاتشربنا بيها ، ومابنقدر نتجاوذ ككتير من المفاهيم ، بالزات مفهوم الراجل الاترسم لينا فى مخيلتنا ... بالرغم من انو شبه (انعدم ):D |
اذا أتتني مذمة من ناقص فهي شهادة لي يأني كاملgoood:Dgoood |
اقتباس:
فى كررى :D ياهمس حقو عاطف ده يعرس عواطف ، ونخلص نحنا زااااااااتنا بس بينى وبينك الغلطان منو اسع !! عااااااطف ....ولا هويدا الحقارة ؟؟ |
يابنات هي
شنو عاطف عواطف انا غايتو في راي لو الراجل قام عمل حاجة في بيتو ليها ولا لي صحباتها ما بينقص منو حاجة بس طبعا علي حسب طريقة الطلب المن مرتو يعني طايرة ليكم قطيعه بس يا سمرا بس البيمشي بالهرشة ده ويعمل حاجة غصبا عنو ده كلو نواقص انا شخصيا لو راجلي ما حاحترمو تاني بس لو بالطلب الرقي ونوع من المساعده احييهو واديه وسام الحياة الزوجية المثالية |
اقتباس:
غايتو يا اسامة شكيت محنك للخلقك :D هسع انت الحرقك فى الموضوع ده اوع يكون موقف مشابه (سويت)فوقو الشاى looool ياخ انا ماضد الناس تساعد بعض ، بس النصيحه ليك يا الله كان عندى راجل مابخليهو يساعدنى قدام صاحباتى ولا قدام اى ككو ...حتى اولادى !! ياخ هيبة الراجل دى لازم الناس تحفظه !! ملحوزة: الكيك بعد التقصى عرفنا انو عاطف كان ليهو الضلع الكبير فى عملو ؟:D |
اقتباس:
طيب بالمرة أسألي الست هويدا دي ودت الشيلة كم كم ينوبك ثواب |
ياسلاااام ياخ
عاطف دا نوع جديد من الرجال بسوي الشاي ويرص الترابيز ويوزع الكبابي المشكلة يجي نوع تاني يلُخ الحنة وبرضو قدام الصحبات انتو الوداكم عندهم شنو زاتو جنبية: زعلتك كيفتني في حناني :D:D اسمعي بيتكم بي وين وأبوك بكون قاعد متين ؟؟؟؟؟؟؟ اقول قولي هذا واستغفر الله لي ............. |
اقتباس:
بالله ياود عثمان دى مناسبة دايرة ليها اغنية كااااااربة من شاكلة بالضراء ان شاءالله راجل مرة يا ابشراء :D الواحده تقول كده وتقعد تحنس لحد مايجى ، تقوم تضفرو !! نسوان مناعيل شكيتهن للخلقن يستاهلن البورة ;) |
اقتباس:
اسامة ياخ النصيحه فى نسوان الواحدة بتبوبر قدام صاحباته بانها لابسه راجله خاتم ، وانو بعمل كده ، وبغسل ليها العدة ، وبحمم الشفع .....الخ !! انا بالجد بحتقر الحركة دى ، يعنى الواحده مفترض تقدر مشاركة زوجها من باب خصوصية الحياة، موش من باب شوفونى انا والله راجلى لابساهو خاتم ، وعافصاهو مداس ! وضد الراجل افجخى بصلة ، قبل مايبقى اصلة :D |
[quote]
اقتباس:
اقتباس:
وعموما مامشكله بنحجز ليك فى الطابور قبل الاخير بى نفرين كيتا فى عاطف :D اقول قولي هذا واستغفر الله لي ............. |
اقتباس:
سمور يا حبيبه .. الموضوع ده برجعنا لي بوست مرافي ..والمره الطُلبه.. أها هنا هويدا ما طلبه إنما إمرأه صفيقه ..نعم أعني ما أقول .. والسيد عاطف هو الرّجل الطُّلبه ..وما أسوا أن تكون قسمتك رجل طُلبه .. لكن عاطف يستاهل أكتر من كده .. وإن شالله تقول ليهو تعال غيّر لي حماده البامبرس .. |
[align=right]سمراء ---رايئ المتواضع فى الموضوع -- ممكن ما يعجبك -- وممكن يجيب لى الدفاع الشعبى كمان --- فى الاول اتفق مع أسامة -- هو ذاتو المقعدو فى الصالون مع النسوان شنو ؟؟؟ وثانيا -- انتو القعدكم شنو -- ما دام هو موجود --- ثالثا -- قد يساعدو عمل الشاى والكيك وتقديمه -- للوجود معكم والونسة معاكم وعمل الحالة واحدة -- وأكيد بعد ما قدّم الشاى ما رجع التلفزيون بل بكون بدأ ا يتفرج فى دايرة تلفزيونية مغلقة --- وأكيد خلف رجل علي رجل -- فى انتظار تعليقكم على شاييه وكيكو ---
وقد يكون متابع هو زوجتوا التطور ومتفاهمين و قد يعلقوا على الموجودين بعد ما يمشوا --- التعليق الذى لا يخلو بأشادة جمال هنا وهناك --- عشان كدا اهلنا عملوا قديما حوش الديوان --- ومؤخرا صالون نسائى ---- اقول قولى هذا وانا اتلفت خوفا من دفاعنا الشعبى ---[/align] |
اقتباس:
النّقر يا صديقي ..لك ود ..وكثير من حوار .. أكيد بتتفق معاي إن عاطف رجل طُلبه .. الرّاجل راجل ..ليهو كينونتو وتقديرو وإحترامو .. والحاجات دي هو البفرضا .. هو البخلي المره تحترمو قدام اهلها وصاحباتا .. ولو من أول يوم وراها كيف تتعامل معاهو ما كان شطحت .. وهو عشان يكون جدير بي لازم يكون عندو كيان ومبدا ..وكرامه .. وأنا القدر البلد بنشَر..وماني الدّاب بيوت وفريق أنا المطر السّحابو تخا وكت تبقى المحله حريق .. وأنا البتقد عيون الشّوق وكت تتدّنى للشّليق كفاو في العزّه لي الزّي هيفا باقي رفيق ... تاني بجي |
بلا يخمك إنتي وهويدا
|
عاطف عصر علينا والله .. !!
اصلن ... الوصول لمرحلة ... رمي الريموت والجري على ملأ الوش ده .. ما بتكون من وقت الكيك ده ... !! عاطفنا راقد خل من الأول ... ! ويا سمراء هويدا .. مرتاحة كده .. غلغلتينا نحن بس .. !!:) تحياتي |
يا جماعه ما فيها حاجه ...
انا لو كنت مكان عاطف ده ... أول حاجه ما برمي الريموت ..بختو بالراحه لأنو لو اتكسر حأشتريهو تاني :p .. تاني حاجه بقوم طوالي أدخل المطبخ وأسوي الشاي الما خمج داك .. سخانتو ألف تالت حاجه بجيبو وبجي .. أخيراً وليس آخرا : بكبو ليها في راسها الكعب ده قدام صاحباتها عشان تاني ما تعمل عملية زي دي:D قولو عليّ متخلف ولا يهمكم ... |
اقتباس:
وأنا لوحضرتك وإنت بتكب الشاي في راسا .. ..كنت حأزغرد ليك زغاريد ..... |
اقتباس:
ياخوي عاطف دا مرتاااح انتو التعبانين |
اقتباس:
هسع ياعمو فتحى كلامك ده شايت لى وين عشان ننطط معاك يطرشنى مافهمتو ؟looool |
اقتباس:
ما تربينا عليه من عادات وتقاليد تحتم علي الرجل احترام المرأة وكذلك علي المرأة احترامه ..وعلي ما تم الإصطلاح عليه ف العرف والعادات والتقاليد مثل هذا الطلب وبهذه الكيفية فيه عدم احترام للرجل وهنا من تسقط كل القيم والأسس التي تنبني عليها الحياة الزوجية .. تخيلي أن يكون له أبناء ويشاهدون ما يحدث .. كيف ستكون نظرتهم للوالد علي ضوء مقايسس المجتمع وما تعارف عليه الناس ... |
اقتباس:
بعدين زي ما قالت سمراء انت الكيك ده غيرك زول جاب سيرتو مافي ... شكلك كده معلم كبير في الكيك :p |
غايتو البت سمراء دي اتخصصت فيكم وبقت تلعب بيكم زي ما عايزة..
وانتو ذاتكم راكبين غلط ونازلين قطيع في عاطف المسكين دا مع انو التقطيع دا مفروض يكون لهويدا الما عندها أدب ولا ذوق.. بعدين مش ممكن الراجل دا ما حب يحرج مرتو وبعد الضيوف مرقو أداها كفين..وبعدين مافي حاجة ما ليها سبب وراجل زي دا لو فعلا اتصرف التصرف دا ..يبقي أكيد المرا دي ماسكة عليهو ذلة ويكون واجباتو الليلية مقصر فيها ويستاهل أكتر من كدا.. أنا مثلا لو دخلت المطبخ ولقيت في عدة وسخانة في الحوض بغسلا طوالي ولو مرتي عندها مشوار قبل الغدا بقوم أطبخ الغدا بدون ما زول يطلب مني والنسوان حاسدين مرتي علي مش زي المتخلفة سمراء دي.بس طبعا لو في موقف زي دا ممكن المرا تجيني بينا وبيني وتطلب مني اعمل شاي ولما انتهي ممكن اناديها تشيلو مش كمان أعمل فيها جرسون.. عموما صدقوني القصة دي مختلقة من راس سمراء البتجري عليكم دراسات وكايسة ليها عريس بالمواصفات ديgoood:Dgoood |
[QUOTE=أميرى;229624]بلا يخمك إنتي وهويدا[/QUOTE
ولو خمّاك معانا حأكون أسعد زول ...هههههه |
[QUOTE=هيفاء عبدالستار;229644]
اقتباس:
ياهو دا البقولو عليهو خم الرماد وأنا بضيف ليهو السجم;):p |
اقتباس:
وشنو يعني لو غير البامبرس؟ :p ياخ عاطف دا احن من عش العثفور :D |
اقتباس:
:D:D:D:D:D:D اخيرا كشفك اونكل المفتح ده ما شفت زول الله جا مكفيي علي وشو وداير وصف البيت مفتحة فلانه دي |
اقتباس:
اقتباس:
|
[QUOTE=فتحي مسعد حنفي;229645]
اقتباس:
ــــــ ويا هيفائي الليلة يوم البلاطة عشان كدة وكلت عم فتحي للردود والخرمجة بدلا عني:D:D |
اقتباس:
اوووووووووه عبدوش وصل بلاهي كنت قايمة اغير لشفع البامبرس تعال غيرو سريع طيب وقتعاجبك عاطف كده بيني وبينكم عاطف عاجبني لانو زوق شديد كورعلي البيبقى سوداني وزوق |
اقتباس:
قومى لفى كدة ولا كدة بلا وسام ونياشين معاك ! يابتى الحياة دى بالمناسبة عاملة ذى حقل الالغام اى خطوة غير مدروسة ومافى محله ممكن تكون نتائجه وخيمة جدا وبتنسف ليكم حياتكم .. عشان كده المفاهمة والاحترام من البداية ياهو البريح الناس .... وفوقهم كلو ....الحب احححح ياخ الحب بريح وبنقص المسافات بين الناس بس يتلقى وبصورة يكون الاحترام هو الوريد المغذى الشغلة كلها بعداك والله تكوسى للبنهرك مايتلقى :D |
اقتباس:
عاطف زوق وراجل عصري وعارف يتعامل مع مرتو كويس من غير حساسيات ولو ما متفاهمين كويس كان ممكن يتقلب زعل قدام الناس |
اقتباس:
لكن المثكين ضابحين ليهو الكديثة واكلوهو لحمها كمان goood وازعل انا دا وحاتك وليهو :D قال اجدع الريموت بيني وبينك انا كنت بجدعو برضو بس ما تسالين وين :Dgoood |
سمرمر يا عثل ازيك ياخ
والله احترام الرجل من احترام المرأة مفروض تديه مكانته حتي لو هو ما عندو مكانة :D ياخي في زمتك زي عاااااااااطف دا لو لقيتيه في ملف تاني بتحترميه لو برااااااااهم في البيت انشاء الله يعمل السبعة وزمتها يا جنو عليك الله جنس عاطف دا بسو بيه شنو goood |
اقتباس:
|
| الساعة الآن 02:24 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.