بس تشيل فوقي و تودي!
البوست إهداء لروح الرجل الجميل المرحوم: عز الدين الصابي
في لقاء تلفزيوني قديم الصبابي قال انو قاعد يستمتع جدا بالعبارات المكتوبة في اللواري و الحافلات بالسودان و قال مرات الكلام المكتوب دا بيكون فيهو روح طرفة عالي جدا... مثلا: لوري تراب قديم و ماشي بالجلالة مكتوب فوقو: "بس تشيل فوقي و تودي!" |
في الثانوي العجلة بتاعتي ما كان عندها قفل و أي زول كان عندو مشوار بشيلها بدون إذن مني
كتبت في الرفرف: الحوّامة |
سنة تسعين سافرنا سودري و أمبادر و الحمرات بواسطة لوري سفنجة، تعبنا من دق الصاجات، صاحبي الرفاعي قال لي:
أنا يا دوب فهمت ليش ناس النيسان جنى اليابان، بكتبوا في خلف اللوري: الزارعنا غير الله اللجي يقلعنا |
الصبابي قال:
لوري قديم جدا و مرفوع بالبراميل محل اللساتك و والدا تحتو كلبة مكتوب فوقو: أنا بس داير أهاجر |
بشرى الفاضل في واحدة من قصصو قال:
البص قديم و مشحون ناس زي الساردين و مكتوب جواهو: ممنوع البصق قرأها نصف أمي: ممنوع البصل و قرأها أمي كامل: ممنوع البص |
بوست انسرافي*:eek:
ا*لانسرافية مرحلة مابعد الانصرافية:p |
بابكر سلام
اخوي قاعد 15 سنة في الجنوب جاء الحلة وكتب على عربيته القدم ليهو رافع واحد من حلتنا عربتو كل يوم تخسر كتب والله دي مشاكل |
اقتباس:
كتب في الإف جي جي بتاعتو: صدقني ما بقدر أقيف |
اقتباس:
الله بدي الجنة |
|
سلام يا بابكر:
اقتباس:
ينطبق عليك مع إختلاف "يا مقدّس" و الجزء الأخير. |
اقتباس:
|
اقتباس:
كمان هو ما يبقى طمّاع، خلّيت ليهو "... وليك وحشة والله" المصاحبة لـ "يا مقدّس". كفاهو والله. |
ولوري مهلْهل، صادفته يمشي الهوينة في شوارع الخرطوم المكتظّه بالغبار والسائقين النيرفز، كُتبَ علي موخرته:
"الشايل تقيل الله يعينو" |
قرات فى منتدى ما متذكراهو
بتاع ركشة كاتب { سيدها نايم وانا حايم } وواحد تانى كاتب { الاتوس تجقلب والشكر للرقشات } |
صديقنا العتّالي خالد فُنّه، يحب المريخ، والتبش بالشطّه، والأقاشي، وكل ما هو حاذق وحار، يمتلك سِجِل هزائم ونكبات عاطفية لا تنتهي، ويمتلك أيضاً عجلة. كَتَب عليها من الأمام: "الله في"، ومن الخلف: "باب الريده وإنسده"
|
إنتوا الحاصل شنو
بابكر عباس بقى دمه خفيف وبوستاته مهضومه كدا غايتو انا كتبته يخلق من الفسيخ شربات |
تقول ليهم "لوري" يقولوا ليك "خاص"!
|
اقتباس:
|
اقتباس:
زميل هنا وراني إيميل وكان محوره UP فيها.. the first thing in the morning you wake UP and the last thing you do in the evening U P أول شئ تعمله الصباح تصحى وآخر شئ تعمله بالليل "تتبول" وبرضهو لوري وفي العام ما الخاص وكل عام وإتا بخيرgoood |
له الرحمة والمغفرة
حزنت جداً لموته سبحان الله "الحج" الفات عز الدين وإبنه محمد كانو هنا في جدة رابطة أبناء بورتسدان إحتفلوا بيهو ربنا يتقبلوا بواسع رحمته إنشاء الله حضرت لقائه مع عفاف حسن أمين وبالذات الحتة بتاعة الكتابة على المركبات لقت في نفسي صدى لأنو أنا برضو بقيف عندها وتحس إنو بعد مرات معبرة جداً مرة يا بابكر بتاعة ركشة في بورتسدان كاتب "الفلس في أرض الوطن غربة" شوفت سواق الركشة ده حكيم كيف؟ اقتباس:
سلامات يا بابكر تحياتي ليك ولأهلك |
اقتباس:
بتاع أمدرمان داك قندران متكل بالبراميل و تحتو ست شاي عاملاهو مطعم و فلاسفة أم در شايلين الجرايد و بتكلموا عن "الزمن الجميل" داك مكتوب فوقو: من واقعنا ما من أكتر |
اقتباس:
كتب قي التاكسي: أحب الكبري |
بتاع كارو البطري قتل ليهو حمارو
إشترى ليهو حمار جديد و كتب في الكارو: نفس الملامح و الشبه البطري شاف الكتابة، قال ليهو: كلام زعل انت ما بتقصدو |
بابكر عباس علي الطلاق انته طلعته خرده ، وفي الخرده النوع الما بتباع داك:D http://sphotos.ak.fbcdn.net/hphotos-..._4837834_n.jpg |
|
اقتباس:
كتب على الزريبة احب الغنم |
| الساعة الآن 11:34 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.