صراع الجبابرة - قديم و جديد
سيداتي سادتي (بحسابات مقدم برامج في التلفزيون القومي :rolleyes:) ادعوكم لمشاركتي النقاش الشرس و الذى اتمنى ان يشهده هذا البوست نزولا عندي رغبتي لمقارعة الجيل القديم و الذي يسمى نفسه بالذهبي:mad: على جميع الاصعدة (الثقافي – الشكل العام – الاجتماعي – الرياضي – السياسي – الاقتصادي – الادبي و خصوصا فيما يتعلق بالشكل العلمي لهذا الجيل او بالاصح لجيل الشباب و عشان الموضوع يأخد شكل التحدى الجاد,اوجه ما سبق لي خريجي مدارس حنتوب و طقت و وادي سيدنا بإعتبارهم اولى نواة الازدهار في ذلك الزمن الجميل و من بعدهم طلبة كلية غردون ان وجد(دا كان ما ذهب الى سمر قند:confused::rolleyes:) و جامعة الخرطوم حتى جيل الثمانينات توضيحات : جيل الشباب : هم الفئة المولودة من العام 1975 جيل العجايز : هم الفئة المولدة قبل ذلك نشوفكم راجعين |
اقتباس:
والضرب بيد من حديد ...... ومعااااااااااااك ..... بالجمبة كده: اللي بالاحمر دي عدلا جيبا لغاية 1970 احقاقا للحقlooool |
اقتباس:
و نزولا عندي رغبة انا الاخر :) حبيبنا ربيط تم زيادة التعرفة اقصد الفئة العمرية بالنسبة لجيل الشباب الى 1970 و يلا لز :p |
اقتباس:
يا ابن العم لو دقيت سدرك و جريت الفئة العمرية ل 1960 بتكبر الكوم و قطع شك سيتم تسجيل نصر كاسح و بجدارة :D:D |
اولا
عجوز : يا ولدي نحن زمنا كانت الشوارع نضيفة تجي عربية النضافة كل يوم الساعة 6 مِسا تقش و ترش . الشاب : اها العجوز : ديوان الخدمة المدنية تلقى الموظف من الساعة 8:30 ص قاعد في المكتب و لابس بدلة و كرفتا و قاعد محترم جدا ورا مكتبو يلبي ليك طلباتك و ما بطلع من مكتبو الا الساعة 2:30 م . الشاب : تمام العجوز : السكة حديد دي القطر كان بخش مع دقات الساعة حقت الاخبار في امدرمان تسمع صوت عمك عبدالرحمن احمد و معهو صوت القطر في المحطة . الشاب : حلو يا حاج العجوز : نظام التعليم يا ابني كان اربعات لكل مرحلة و الكان بمرق من المتوسطة يتكلم انجليزي زي البلبل . اما خريجي الثانويات خصوصا الناس الزينا ديل ... الشاب مقاطعا : ناس منو يا حاج (طبعا ما شاب شفقان :mad:) العجوز : ناس حنتوب كان عندنا نظام و انضباط شديد لى درجة انو نحن اول مدرسة يتلغى فيها الجرس و الحصص تبقى بالساعة تبدا 7:30 و تنتهى الساعة 3 و طوالى على الصفرة تخلص من الغدا الساعة 4 تبدا فترة الرياضة و باقي النشاطات الساعة 6 الناس ماشى على المذاكرة الساعة 8 الناس راجعة من المذاكرة على الصفرة تتعشى الساعة 10 بطفوا النور الشاب : ممتاز و الله العجوز : اصبر لسه يا ولد و كانت في منافسة قوية جدا جدا و كل الطلبة كانو بجيبو قريد 1 و لا 2 و كلهم كانو بخشوا جامعة الخرطوم و الناس الكان بتحب القراية كان بتقرى بالرتينة بالدس .و خرجت علماء استفاد منهم العالم كلو , الخليج دا كلو قام على اكتافم , حتى اوروبا و امريكا عندنا كمية من العلماء الما بتصاقعوا قاعدين فيها بتعرف الرتينة يا ولد الشاب : حليييييل موسى ( انا البفكني من الورطة دي شنو ) :mad: ايييي بعرفا يابا العجوز : و الغنا كان سمح و جميل انت عارف يا ابني ام كلثوم جات هنا سنة 1968 و لا كم ما عرف عملت حفلة محترمة جدا كل الشعب السوداني دا كان مبسوط بيها . الشاب بتحت:rolleyes: : هسي نانسي عجرم مالا يا حاج العجوز : قولت شنو يا ولد الشاب : لا يا حاج سلامتك العجوز : انت عارف يا ولد المقولة الشهيرة البتقول القاهرة تكتب و بيروت تطبع و الخرطوم تقرأ . الشاب : ايي يا حاج الا اسألك سؤال العجوز : اها يا ولد الشاب بشماتة : الكلام دا كلو راح وين ؟؟؟؟؟ راجعين |
اقتباس:
الا يا فيصل يسمك |
اقتباس:
على كدا الواحد يشتكيك لفخري سيد الدكان :D:D واصل يا وريف .. |
مهند بشير
والله لوما التمديد بتاعك دا كان لحقتنا امات طه:D أمات طه ديل اسأل منهن مهند التاني اقول قولي هذا واستغفر الله لي............ |
جيل الوسط محكما في الصراع دا..
غايتو يامهند اي نعم انا جيل جديد تسجيليا :) لكن ماليك حق تهمشني علي قول زول من الازوال عموما دا تسجيل اعتراض وقد اعود مره اخري:confused: |
اقتباس:
نحن مخترقين وللا شنو؟؟؟؟!! |
مهند كيف حالك ياخي
طبعا من ناحية (عصرت) عصرت على كثيرين* اقتراحي بدل التقسيم العمري خليهو تقسيم (تسجيلي) جيل البدايات لحدي 2007 looool * أخوك أكيد ما منهم:) |
اقتباس:
:eek::eek::eek::eek: الللللللللللللللللللللللللله دا الخايف منو انا زاااااااااااااتي :( شكيت محنك للخواجة :p:p ربنا يكفينا شركم الاتنين :mad: |
اقتباس:
و الله يا انا الموضوع دا خطييييييييييير الصدق الجماعة البهناك للبحر ديل اممممممممم يكون عندو سفلي خلي بالك اصلا انا الزول دا شاكي فيهو من زمان انو مع الجماعة |
الشاب بشماتة : الكلام دا كلو راح وين ؟؟؟
العجوز : اخخخ يا ولد روحوه ال... و قد فطن الى ما يقصده الشاب العجوز : وانت بتسألني ليه ما تمشي تقراه عشان تعرفوا راح وين انت فاضي لي من بريم شعرك و السبسيب والكريمات تستعملو فيها زي الفتوات ونصيل البنطلون قال سستم قال و الله انتو جيل بايظ جيل ما نافع ما عندكم ثقافة بالله انتو جيل و نحن جيل الواحد فيكم كان سألوه سؤال يقعد يتلفت زي الحرامي و في نهاية يقول ليك ما عارف غير الصعلقة في الشوارع و مبارات الجامعات البقت زي دكان اليماني في اي زقاق تلقاها دي و مشاغلة البنات و اللف و الدوران و كمان جابت ليها شراب بنقو و سطلّي حاجة عجيبة و الله و الله كلمني عمك اب سن قال لي انو كانو فاتحين وظايف في فندق .... الجديدة دا بتعرفو ؟؟ الشاب : اي بعرفو العجوز : قالو دايرين ليهم رسبشنست ناس استقبال يعني و معاهم ناس علاقات عامة بالله اتقدموا ليهم قرابة الاربع الف نفر فيهم حملة ماجستير و بكالاريوس و دبلومات و كلهم جامعيين اتخيل واحد فيهم نفع ماف انتو جيل انتو غير لبس الضيق و الامور الفارغة ما عندكم شي و على العلى كمان عدم اخلاق و قلة ادب و فلسفة في الفاضي و غنا هابط و مسخرة غايتو الله يعينكم يا ولدي الشاب : انت لكن يا حاج ما قلتا لي الخلا زمنك يصل لي زمانا دا شنو (عصرو) العجوز : السياسين يا ولدي الشاب : وانت يا حاج السياسين ديل ما كانو معاكم هنا و لا جابوهم من كوكب اخر العجوز : يا ولد بطل قلة ادب على الاقل نحن النظام الما عجبنا غيرناهو الشاب (متظاهراً بالخولعة) : بالله كيف الكلام دا العجوز : مش قولت ليك انتو جيل ما بتعرفوا اي حاجة و قاعد ساكت امشي اقرا عن ثورة اكتوبر الشاب (مبتسما) : بأسمك الاخضر يا اكتوبر الارض تغني العجوز (حائرا) : و الله كويس يعني عارف الشاب (وقد اتخذ الوضعية القتالية) : ايوة عارف و عارف اكتر من كدا انتو يا حاج راجعين |
أصبر لي شوية ياشاب..خليني أفضي وبجيك لكن غايتو زمنا الزيك ديل بنسميهم حناكيش;)ما كان عندنا شاب ود رجال بقول واااي وووووب وأحي الا يكون من شلة بنسون وروثمان وصحبهم..
جاييك ما تخاف... بس زح لي البعثيين وناس الادارة شوية:p:D |
اقتباس:
وبدأت القوات الاخرى فى التوافد عم فتحى قلت لى شله الروثمان ;) |
اقتباس:
واصل يا مهند زنقة عمك الكضاب ده .. لامن يقول ليك سستم .. قول ليهو كده يا ورور :D:D غايتو أنا معاكم كان رضيتو وكان أبيتو .. :rolleyes: |
اقتباس:
دا حالتو أحمر بدون سمسمية :p:D:D |
اقتباس:
الحلبي ازيك هاك الحنكشة دي و زي ما قالو الجماعة ال..... عز و الرجالة ملحوقة :rolleyes: اما موضوع وااااي و وووب دي هسي تاني كان ودوني ليهم من هسي واااااي و ووووووب :D:D:D:D و الروثمان دا نحن ما حصلناهو انت ما قريت التعرفة فوق :rolleyes: و ناس الادارة ديل بحنكم انت بس تعال و فرش ملايتك :p |
اقتباس:
ما دام الحبيب الحسيب النسيب، إتشوكش،، دى حالتهو "روفي، توحة وود فرح ود خالي بلالي (ما التاني)" قدموني وراجيين.. |
اقتباس:
الانقاذ ..احكم علي نفسك في الاول يا انقاذي.... في الاول ورينا انت ماذا تزكر عن حنتوب و طقت ووادي سيدنا ..ولا بس بحري الحكوميه..ولا القديمه اها احكي..يا جيل زمان . وسلامي |
اقتباس:
كنت حصلت الروثمان في عصره ..يا مهند روثمان. |
اقتباس:
بل من مواليد نميري بعد اسلاميته :( اما موضوع الحكم على الجيل او الاجيال السابقة ( حنتوب طقت وادي سيدنا ....) فالنتيجة ظاهرة للعيان بما وصلت اليه الامور الآن العبرة بالخواتيم وهذا يكفيك |
اقتباس:
لا تتدخل فيما لا يعنيك فتسمع ما لا يرضيك |
اقتباس:
ما تقطع العشم:D:D عارفينك بدفورد لكن مركبين ليك مكنة اتوس برايم موديل 2009 :p ما تلاوز و نحن راجيييييييينك |
كمحب جديد للكلاشات اسجل اسمي..كمحاور في هذا البوست
واقترح حصر محاور الكوماج دا في نقاط معينة.. عشان الموضوع ممكن ينشر كتير ويكون من الصعب جدا سوقه في اتجاه واحد.. بس ياخي عصرت على طلاب حنتوب كتير.. لأنها قفلت مؤخرا وكثير من مواليد السبعينات درسوا بها.. دي تحلها كيف؟ |
الشاب (مبتسما) : بأسمك الاخضر يا اكتوبر الارض تغني
العجوز (حائرا) : و الله كويس يعني عارف الشاب (وقد اتخذ الوضعية القتالية) : ايوة عارف و عارف اكتر من كدا انتو يا حاج من سنة 56 و انتو عايشين على ما تركه الانجليز من نظام الخدمة المدنية - السكة حديد - سودان ايرويز - مشروع الجزيرة - و حاجات تانية حامياني و قرتكم الحكومة و علمتكم و سكنتكم و رعتكم و شغلتكم و كبرتكم و افتخرت بكم ثم ماذا فعلتم لم تلتزموا و ما افاد فيكم التعليم من شئ ورثتم النظام و العلم وورثنا منكم الجهل و التخلف ورثتم الامانة و الشرف وورثنا منكم الزيف و الخداع و السرقة ورثتم الاحترام و الادب و التفهم وورثنا منكم الفجور و الفسوق و العصيان ماذا قدمتم لهذا السودان وليه ما زاد من زمنكم خطوة ليه شيفرون ما طلعت البترول وليه مشروع الجزيرة و السكة حديد و سودان ايرويز تتدمر ليه مصانع القطن تقيف وليه الناس تغترب و ليه تمشي تخدم غيرا و السودان موجود و ليه نطير بالناس نوديهم لي قدام و نحن بنرجع ورا و ليه و ليه و ليه و ليه حتى جيلنا يا حاج قاعد يزاملكم في بيئات العمل المختلفة الحكومي او الخاص عقول متحجرة غير قابلة للتطور,افق ضيق,تمسك بي فوارغ,شعارات كزابة لا تسمن و لا تغني من جوع,كلام اكتر من شغل:mad: كمال الدنيا تحت ايديكم و لا من بعد ولا لاحد من قدرة على مجارتكم او مقارعتكم :eek: و دا ما لى ضعف فينا الا لانكم ما بتتقبلوا ان الزمن يعفى عليكم و انو الجيل الجاي احسن منكم و دا حقيقة لو درت و لا ابيت الزمن عفى عليكم و لن ينتظركم او ينتظرنا العجوز : يا ولد نحن السويناهو انتو ما بتقدروا تسوهو انتو جيل بايظ ما بتقدرو على اي حاجة نحن جيل اكتوبر و جيل ابريل الشاب مقاطعا : و يعني شنو اكتوبر و يعني شنو ابريل دي مجرد شعارات و تواريخ اتت من بعدها سقطات مريعة كل الانظمة الجات بعد الثورات دي فشلت فشل ذريييع حتى اكتوبر تحسرتو عليها و ابريل تحسرتو عليها و دليل على مأساتكم انكم ما بتتعلموا من تجاربكم و تكرروا نفس الخطأ من اكتوبر في ابريل انظمة ديموقراطية لا تأتي بمؤسسات بل تاتى بثعالب الله بسألك يا حاج في رئيس بقعد سنة واحد و بسحبوا منو الثقة و بعداك يجي واحد ما يتم ما يعرف يسدها و لا يقدها و لا يمرق بي وين و لانك في ريحة اللون الاحمر :rolleyes: زولكم ماركس قال اذا اعاد التاريخ نفسه مرة فهذه مصيبة اما اذا عاد التاريخ نفسه اكثر من مره فهذه مهزلة و لا ما كدا كفاك من البكا على اللبن المسكوب جيلنا يا حاج مميز اكتر منكم بالاتى و راجعين |
اقتباس:
اشرف السر حبابك عشرة من دون كشرة و الف سلام البوست الجاي حيوضح المقصود و كان لابد من المقدمة حتى نستقرء التاريخ الجدلي للخلاف و الحل معا و عشان كلامك دا انا كنت عامل الفترة الجديدة من 75 الا صاحبك مهند التاني ابا :(:( بس ما مشكلة لانو المقصود من الكوماج جيل التخرج من الجامعات قبل التسعين و خليك قريب حتولع ;);) و راجعين |
| الساعة الآن 03:04 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.