المثليين
هناك جدل علمي كبير حول أسباب الميول الجنسي غير الطبيعي للرجال والنساء، فريق يرجعها لأسباب جينية ومنهم من يزعم بأن هذا السلوك مكتسب؟؟؟
دا، ما المهم بالنسبة لي في هذا البوست، موضوع البوست: هل للمثليين الموجودين في مجتمعنا السوداني حقوق إجتماعية تحفظ لهم مكانتهم الإجتماعية وإحترام سرية ممارستهم؟ خلوني أقول الكلام الداير أقولو بشكل مباشر: السلوك المثلي السري للأفراد قاعد يكون تحت تحت معروف إجتماعيا، السؤال: هل لهؤلاء الأفراد الحق بتولي وظائف قيادية في المجتمع دون أن نقوم بمعايرتهم؟ |
لمروان حامد الرشيد رواية صدرت نهاية التسعينات إسمها مندكورو، تحكي عن أخوين أحدهما يمثل اليسار وإسمو: "علي" والثاني يمثل اليمين الديني وإسمو "مُعاوية"
تدور أحداث الرواية بجنوب السودان وتتحدث عن الصراع بين الشيوعيين والإسلاميين بالسودان، الراوي في الرواية منحاز لليسار أو هو نفسو بيحكي بلسان اليساري "علي". "علي" في الرواية يمثل اليسار الرجولي ومُعاوية يمثل الرجل المتدين والذي تسيطر عليه عقدة ميوله الجنسي كنت لزمن أعتبرها من أجمل الروايات التي قرأتها، لكن حقيقية مُحتاج أعيد تقيمها سياسيا مرة أخرى: اقتباس:
|
سلامات يابابكر
انت رايك شنو في الموضوع؟ |
اقتباس:
|
اقتباس:
تحياتي وإحترامي والله حيرتنا ... في كتاب : ألمانيا الهتلرية والمشرق العربى للمؤلف لوكاز هيرزويز ومترجم للعربية، في زمن هتلر إنتشرت اللواط في ألمانيا وخاصة في مدينة هامبروغ...كان العقاب على هذه العملية طلقة (رصاصة) مش كده وبس هتلر قال أي رجل ينظر إلي رجل 6 شهور سجن ...الألمان بقوا مكبسين في الواطه زي الزول الرايحه ليهو حاجة... كما تعلم في بلاد العم سام ولعهد قريب جداً مافي حاجة اسمها مثليين وحتي الإنجاب من غير زواج مستهجن وغريب على المجتمع...دا كان في الدول التي تحاول الآن سن القوانيين لهولاء المثليين Homosexuality والحرية الشخصية وهلم جرا ... في بلادنا العزيزة اللواط منتشر والعياذ بالله واعتقد السحاق نادر او لم تسجل لهم حالات كثيرة ...والأجابة على السؤال المطروح في البوســت (إحترام سرية ممارستهم ؟) يعني الاعتراف بهم في المجتمع...ومش كده وبس يمكن تولي وظائف قيادية يعني الواحد يكون مدير جامعة او قناة تلفزيونية دعاية وترويج وبتاع الجامعة يستدل بتقدم الدول الغربية التي تعزز الحريات الشخصية....البلد تطلع كلها مثليين قوم لوط من جديد نسخة السودان... هذا من غير رأي الدين الاسلامي والشرائع السماوية في هذا الأمــر....سؤال بسيط إذا كان مدير مدرسة من المثليين هل تقبل أي أسرة سودانية أن يذهب أبنها / أبنتها للمدرسة ؟ تقبل إحترامي [/justify] |
.
البوليس جااااااك يا بكو المادة دي في القانون (بتاعنا) إسمها (مخالفة الطبيعة البشرية) !! دي تسمية قبل الإنقاذ يعني تسمية بريئة من الشعوذة و هذا رأيي الشخصي و المهني فيها (مخالفة الطبيعة البشرية) يبقى رأيي الأمريكي أنا من "أولاد" مينيابولس/مينيسوتا..و هي عاصمة الشواذ الثانية، آســف المثليين، في بلاد ما وراء البخت..و قد تابعت مهرجاناتهم من قريب، ليس في التلفزيون فقط، و أؤكد لك أن كثير من عامة الناس يستاؤون من وجودهم!! كانت القاعدة في الجيش الأمريكي قبل سنتين تلاتة Don't ask don't tell يعني إنت ملاوطي تسكت ساااااكت، و رئيسك ما يسألك من الجزئية دي هسع.... بعد العهد الأوباموي، و معلوم أن الديمقراطيين يدعمون الأقليات، فيما يراهن الجمهوريون على محافظي المسيحيين، أقول في عهده حدث للمثليين إنفتاح و (تطور) فصار من حقهم الحديث عن ميولهم الجنسي و صار ممكنآ توليهم قيادات و رئاسات عااااادي... أنا تابعت مؤتمرات صحفية كثيرة لإعلانات من شاكلة I am GAY و الله الواحد بيكون شكلو خجلان و عرقان رغم أن الزوجة ممسكة بيده و تبدي تعاطفآ كاذبآ لكن الشغل دة لسع ما مقبول و في الفيلم لما سألوا ضابط عظيم Are you Gay? كانت الإجابة How dare you? يعني شـــن قدّرك؟ أها...الإستهجان دة لا يزال مضمرآ في نفوس الكثيرين ممن يخشون فوات لقب (مثقف) أو (متسامح)...فيظهرون خلاف ما يبطنون حين يبدون تعاطفآ مع الملاوطية في بلاد العم سام. عندنا؟؟ شــن قدرهم؟؟ و الله ألفة ما نقبل.. الراجل راجل و المرة مرة يعني ناس أمريكا/الغرب... ساعة الذروة عندهم ستة صباحآ....و قيمة العمل عندهم عالية...و قيمة الصدق أعلى...و إحترام الكبير سلوك طبيعي...و السياسي يسترضي الشعب...و قبول الآخـر يزداد ليصبح تقديرآ و محبة... نخلي دة كلو...و نمسك في الــSexual Preference? بابكو؟؟..الله كم؟؟ :mad: غايتو في الإبتدائي لمن الزول يسأل الله كم؟؟...بيكون داير يبدأ الـAction LOL أختم بأنني "في الحتة دي" لا أقبل أي شكل من أشكال (التطور) فأنا من طابت، و مولود في حلة ورا، و لو في زول ربنا ابتلاه يسكت، لكن يكون مسعول و بي موافقتنا...أبدآ... أكتب عندك الطيب بشير راااافـــد... و الدال إمعانآ في سودنة الرفض. . |
مداخلة الإبن السر الجميل ومداخلة الأخ الجميل الطيب (لو يا الطيب إتّا برضو إبن؛ أعفي لي) الممتعات؛ ح يخلنّي أحيط ليكم الموضوع من محيطو كلو.
ولو مسكتوا مني كيشو وخالد الصائغ؛ ح أمتعكم بجنس لولوة عمركم ما شفتوها! تحياتي يا خالد وبدرالدين التوّل (الثقل) ورا |
اقتباس:
|
اقتباس:
يا بكو ياخ و الله You made my day إبن؟...إبن عدييييل كدة كتر لي من زي دة ياخ.... الله يرحم الخالد...كانت ح تغيظو... يا بكو أنا ولدي بشير دخل (السنوي العالي) ربنا يحفظ و يبارك ممكن أخ...أنا أخ يا أخي العزيز لكن لو أصريت على حكاية الأخ الأصغر و أتممتها فمن عندك و لا أريد أن أشقّ عليك.. و الله يعدلها عليك . |
اقتباس:
يسعد مساك يا جنابو ياخي عندي اقتراح: بابكر دا انتظرو لغاية ما تشوف حكايتو دي بتودي وين حتين تباصر حتة الخوة دي :) |
المثليين
الميل الجنسي نحو الآخر موجود في كل المجتمعا سرا أو علانية وفي مجتمعنا الأمر لا يحتاج الى اعلان أو اعتراف بحقوق فالعرف والدين يحولان دون ذلك حتى الممارسين لهذا الفعل الشنيع يحاولون جهد طاغتهم الا يظهر للعلن وهم منبوذون متى ما انفضح أمرهم كما أنهم موجودون فعلا في معظم المرافق وليس هناك شرطا من شروط التعيين أو التدرج في الوظائف يحول دونهم من التعيين أو الترقي
|
اقتباس:
|
اقتباس:
|
.
بين طلب كيشو تأجيل فكرة إخائي مع بكو و ضحكات الحبيب ميلاد تبين كلمات و تخفى أخريات فيا بكو إئتنا بما تعدنا.... تحدث حتى نراك فأنت مخبوء تحت عباراتك في هذا البوســـت . |
اقتباس:
و ضيوفك الكرام أكيد ما جادي يا دكتور لمن تقول إنو المثلية الجنسية يمكن إحالتا لي أسباب جينية, ياخ ده كلام خطير جدا, لأنو وفقا ليهو يمكن الدفع بإحتمالية لوطنة أسر بأكملها في حال ثبوت لوطنة أحد أفراد شجرتها العليا. السلوك الجنسي الشاذ سلوك مكتسب يا بابكر, لا شك في ذلك علي الإطلاق في تصوري, المثلية الجنسية الذكورية سلوك إندرج في الثقافة الجنسية الإنسانية إبتداءا بواسطة قوم لوط, أنظر قوله تعالي: (أتأتون الفاحشة ما سبقكم بها أحد من العالمين), و هم قوم متأخرون في الزمان عن زمن آدم عليه السلام, يعني من زمن سيدنا آدم لحدي زمن سيدنا لوط, الثقافة الجنسية الإنسانية كانت طبيعية و نظيفة و بريئة من اللوطنة لو قلت لي يا بابكر إنو خلال الفاصل الزمني بين سيدنا آدم و سيدنا لوط, جينات اللوطنة كانت نايمة أو متنحية بي لغة الوراثة, بزعل منك ثم كان أن دمر الله قوم لوط عن آخرهم, فعاد السلوك الجنسي الإنساني نظيفا و طبيعيا, ثم عاودت اللوطنة ظهورها بعد ذلك في فترة ما لا تعرف تحديدا, و ده ما مهم, الأهم هو إنو السلوك الجنسي الشاذ يظل سلوك مكتسب. |
اقتباس:
صدقني يا دكتور, الطبيعة البشرية السوية و النظيفة تظل غير متقبلة لهذا السلوك الذي يترفع عنه الحيوان, مهما حاولنا التبرير له بدعاوي الحرية أو الليبرالية. |
اقتباس:
القضية في تصوري يا بابكر ما في معايرتنا ليهم من عدما, لأنو المعايرة محمداهم و ما فيتاهم غض النظر عن كونهم كانو قياديين ولا إنقياديين, القضية في إنو هل لهؤلاء الأفراد الحق بتولي وظائف قيادية إبتداءا. يمكنهم تولي وظائف قيادية في المجتمع, و ده الحاصل, و ما أظن إنو في تشريع بمنع كده, و من ناحية تانية, في مجتمعنا, ما في زول مبتلي بالمصيبة دي, سواء كان قيادي ولا خلافو, بيظهر بيها أو بقبل الناس تقولا عليهو, لأنو أساسا بكون خجلان منها و عارف إنها ما طبيعية و ما سوية, و بكون بمارسا بي شكل سري موازي لي حياتو الحقيقية, يبقي إثباتا عليهو بشكل موضوعي بتكون مسألة صعبة جدا. |
اقتباس:
بتفق معاك يا خالد في غالب مداخلاتك، لكن الجانب الجيني ممكن حدوثه عن طريق الطفرات الوراثية، وممكن عادي ما يتم توريثو لاحقاً. ودا ما المهم بالنسبة لبابكر في البوست دا، حسب ما هو أدرج في المداخلة الأولي. خلينا نرجع لعضم البوست: اقتباس:
يعني المثلي دا، ممكن يكون ناجح جدّاً علي المستوي العملي ومتفوق علي كثيرين، لكن هذه الكفاءة، يمكن تحجيمها عبر المعايرة المجتمعية ومحوها باتفاق. ودا بيشكِّل هدم فعال للشخصية المثلية دي، يمكن أن يؤدي لضمورها عملياً وانسحابها من المجتمع لممارسة الانكفاء. ما أظن ممكن في مجتمعنا يمرق زول يقول ليك أنا مثلي وبطالب بحقوق تكفل لي أعيش بالشكل الأنا عايزو، زي ما قلت إنت المسألة دي موضوعياً صعبة. في بالي نهاية التسعينات والأحاديث التي تمّ تناقلها عن مانشيت ضجّة في الصحيفة المشهورة، كانت صياغتو كالآتي: (يا الخرطوم جوطي جوطي.. لن يحكمنا الشيخ الـ .....)، ووصلت الفكرة حينها للقارئ طبعاً وإن تبع ذلك أحداث درامية شهيرة. سلامات يا صايغ |
اقتباس:
تحايا و أشواق يا رشيد ما داير تشعب النقاش ياخدنا بعيد عن عضم البوست كما تفضلت, لكن استوقفني كلامك عن إنو الجانب الجيني ممكن يحدث عن طريق الطفرات الوراثية, هل بتقصد يا رشيد إنو ممكن الطفرات الوراثية تؤدي الي تغييرات جينية من شأنها التأثير علي الميول أو السلوك الجنسي !!! بالعودة الي عضم البوست, مجتمعنا يا رشيد مجتمع تحكمو بنية الوعي التناسلي بشكل أساسي و مسيطر, مما ينتج عنو إنو قيمة الرجولة (في فهم الوعي التناسلي)* فيهو مقدمة علي ما سواها من القيم, ذاتية كانت أم موضوعية, يعني النجاح في الحياة بي كل أشكالو المختلفة بيأتي كقيمة لاحقة للقيمة الأساسية و هي الرجولة. و المثال الأتفضلت بيهو يا رشيد بجسد المسألة دي تماما, لن يحكمنا الشيخ ال....,الخطاب المركزي للهتاف ضد الشخصية السياسية المعنية كان هو الطعن في شرفو الرجولي. * الفحولة الجنسية إطار مرجعي أساسي للرجولة في فهم بنية الوعي التناسلي, عشان كدة بنلقي المجتمع عادة ما يحتقر الشخص المثلي (المفعول به) أكثر من إحتقارو للطرف الآخر (الفاعل) في العلاقة المثلية, رغم إنو موضوعيا الطرفان يتساويان في نشاذ الممارسة و قبحها. |
اقتباس:
ازيك ياخ عليك الله ما تساعد في محاولة (غسيل المثليين دي):) وبعدين مصطلح (مثليين) دا ذاتو مقصود منو تسويق وتلطيف انحراف الناس ديل، ديل ملعونين لا يستحقون أي نوع من التعاطف؛ بل يجب على كل مسلم أن يستنكر ما يفعلون أشد الاستنكار |
اسي انتو بابكر ده قال ليكم شنو واقعين فوقو غلاط وشكل كده؟
الزول ده ماقال اي شي ، طرح اسئلة وماجاوب عليها ولا ورانا وجهة نظرو في الموضوع ولمن سألناهو من رأيو، اتحفنا بتحاياهو ومضى!! |
اقتباس:
قلت للصايغ بإمكانية حدوث الطفرات الوراثية في الموضوع دا، وباقي كلامي مبني علي افتراض إنو بابكر قاصد كدا!، يعني ممكن يجي يقول أبداً دا ما قصدي! الأخبار؟ |
اقتباس:
اقتباس:
|
اقتباس:
لكن يا الرشيد بابكر اساسا جايي وناوي يتلولو، عشان كده انا بلّت خالد الصايغ الاستباقية عجبتني وريحتني :D |
اقتباس:
الجزئية الاخيرة من مداخلتك، مهمّة جدّاً عشان نضبط بيها المَحاور في النقاش، ماذا نعني ويعني بابكر عباس بالمثليين!؟، الفاعل والمفعول به، ولّ المفعول به وحده؟، واضح إنو بيتكلم عن المفعول به، استناداً علي كلامك في إنو المجتمع يحتقر الممارَس به أكثر من الممارس الذي يظل فحلاً ينعم بغطاء تبريري مفاده أن "الفحل ما عوّاف". اقتباس:
الطفرة الوراثية بتمثل عامل مهيئ، لكن المسؤولية اللاحقة بتقع علي عاتق التربية والبيئة والوسط الممكن يستثمر القابلية الجينية دي، ويخلق منها مِثلي يمشي علي ساقين. في الانسان، الكروموسوم المحدّد للجنس هو XX للإناث وXY للذكور، الطفرات الممكن تحصل فيما يختص بموضوعنا كمثال لطفرة جينية، إنو يكون في زيادة في الكروموسوم X في التركيب الجيني للذكر ليكون XXY ، (متلازمة كلاينفيلتر)، بتكون الهرمونات الأنثوية غالبة علي الذكورية، ما ينتج غلبة الصفات الأنثوية علي الجنين الناتج. الشخص المصاب هنا بكون ذكر طبعاً، لكن مع صفات أنثوية ظاهرة، ومستوي هرموني مختلف عن الطبيعي، النتيجة دي غالباً مهيّّأة للجنوح للشذوذ إذا ما وجدت المناخ والبيئة غير الطبيعية. طبعاً من الصعب الأخذ بمثل هذه النتائج رغم علميتها، لا لشئ سوي أنها تتعارض والمسؤولية الفردية بما تشكله من غطاء تبريري كبير. |
شكرا يا رشيد
يا اخي وحات الله، طمرت فيك الاستنارة عليك الله، امسك لي الناس ديل لحدي ما اخلص فرجتي في بنات الخواجات في الصيف بحدائق مانهاتن بنيويورك ولمان ارجع برسل ليك كزت رصيد سوداني بعشرة جنيه كمكافاة وحات سيدي الحسن ما تقول حاجة |
اقتباس:
الحمد لله الما صيّفتَ في "جبيت" بالسودان، كنتَ حتكون طالبني عديل كدة!! |
اقتباس:
وتقول برضو ما سويت حاجة :p باقي ليك الطفرات الجينية براها بتفوزك بجائزة بابكر عباس :D |
اقتباس:
يمكن يقول: ناس منحرفين وفطرتهم منكوسة في حتة صغيرة؛ أما باقي الحاحات فهي عال العال، وعشان كدا حقو نخليهم يعلنو انحرافم الأصلو معلوم للجميع، ونسمح ليهم بعد الاعلان عن انحرافم بالاندماج في المجتمع للاستفادة من علم العالمين منهم ومهارة المهرة، وكدا بكون الجميع كسبان، مش كدا يا الرشيد؟ أها أنا عايز أذكرو إنو ربنا الذي خلق الناس لعبادته واستخلفهم في الأرض ليعمروها؛ ربنا سبحانه وتعالى لم يقبل من أسلافهم المنحرفين أن يعبدوه وهم يفعلون فعلتهم القبيحة دي، ولا أن يعمرو الأرض وهم يأتون الرجال شهوة من دون النساء أها لازم بابكر يتذكر ما فعله الله بأولئك القوم، وبعد داك يجي يقترح اقتراحاتو يا مع ما قضى به الله أو ضده بس |
يا الرشيد بابكر ده قاعد يحاول يحيّد فيك!
وما اظنك محتاج اقول ليك الموضوع (ده) مابينفع فيهو اي حياد اهو انا كلمتك غايتو :) |
اقتباس:
أتفق معك تماما في أن الطفرات الوراثية قد تؤدي الي خلل هرموني في الذكر, و هذا الخلل الهرموني من شأنه التأثير علي الميول الجنسية للذكر, فيتحول الي ما يعرف بالمخنث, هذه حقيقة علمية و طبية لا خلاف عليها و لكنني ألفت نظرك يا عزيزي إلي الفرق الكبير بين المخنث و المثلي, ليس كل مخنث بالضرورة مثلي, كما أن ليس كل مثلي بالضرورة مخنث, أضف إلي ذلك أن المخنث في حال ممارسته للمثلية يكون في الغالب مفعولا به, فماذا عن الفاعل لذلك ففي تصوري فإن هذه الحقيقة العلمية الطبية المتعلقة بالخلل الهرموني لا يمكن سحبها علي المثلية, المثلية سلوك جنسي لاحق و مكتسب و غير مرتبط بالضرورة بالسياق الجيني أو الهرموني. |
اقتباس:
و هاك عربون لولوة من عندي :p قبل أيام لاقاني خبر عن إنو في مجموعة من العلماء إكتشفو إنو مستقيم الرجل فيهو منطقة شبيهة تماما بمنطقة الجي إسبوت G-Spot الموجودة في سقف مهبل المرأة, و المسئولة عن حدوث المتعة الجنسية للمرأة شفت اللولوة لمن تكون مقننة و محشية في سندوتش علمي :p |
اقتباس:
طبعا الكتابة من الجلاكسي فور اس صعبة جدا والبوست دا، داير كتابة مقعدة مفتوحة المخارج ودقيقة؛ عشان كدا اعذروني للتاخير لحدي ما ارجع البيت حاليا الجلاكسي بمشي لي شكلاتي الصغار بتاعة ناس نبيل وعلاء شكرا على المعلومة وكنت ناوي في نهاية البوست ادعمها بقصتي مع صديقي العماني المثلي مرة قلت ليهو يا فلان يا اخي القصة ما تسيبها دا عفن ساكت قال لي يا دكتور ما تحكم علي شئ ما جربتو |
اقتباس:
بجيكم بعدين اناولكم شوية من اللولوةgap |
ما عندي كتير معرفة بالجينات وعلم الورثة لكن اعتقد أن الشذوذ ليس وراثيا بل يكتسب وفي الغالب منذ الصغر، الرسول صلي الله عليه وسلم قال: وفرقوا بينهم-أي بين الأولاد والبنات- في المضاجع دا من عمر عشرة سنين ولي فوق في الغالب لهذا السبب الأعضاء التناسلية تكون نمت حتى لو لم يتم إنتاج الحيوانات المنوية أو التبويض عند البنات وممكن التلاصق يكون بداية للشذوذ.
مثلية دي اسم دلع لهذا الشذوذ وفي السودان أفتكر عند النساء قليل ولا يكاد يبين، أما اللواط فموجود لكن أنا ضد منحهم أي حق خصوصاً إذا تدهور الحال وأصبحت هذه البلوى علانية ، ربما كما تظهر بوادرها الآن من وجود مدافعين عنها أمثال بابكر عباس، كان مامدافع اعفى لي. شكراً. أفتكر أيضاً بدل ما نديهم حقوق ونعمل ليهم هيلمانه تشجع المترددين أحسن نحاول علاجهم لو في طريق في الطب. |
اقتباس:
بتخيّل لي مفروض تكون: لا يمكن سحبها بإطلاق! يا خالد كلامك يناقض نفسه بنفسه، لأنك لمّا تقول ليس كل مخنث مثلي بالضرورة، هذا يعني بعض المخنثين مثليين بالضرورة!!، (ليس كل رجل له شارب بالضرورة، معناها بعض الرجال لهم شوارب بالضرورة)!!، لذلك ما ممكن في الأخير تختم بأن الخلل الهرموني لا يمكن سحبه علي المثلية! لو قلت لي إنو المثلية لا يمكن سحبها علي الخلل الهرموني، بوافقك، لأنو انا ما قلت غير كدا في نهاية مداخلتي الفاتت. |
اقتباس:
- والله باسطة دا حلو حلا!! - أكلتي؟ - كوْ، أخوي أكلا |
الاشارات الخجولة للموضوع لاتعني عدم وجوده
اللوطيين معروفين بالإسم ومشهورين وهم نفسهم ماداسينها اي حارة أو مجتمع صغير بتلقى واحد معروف بالشذوذ واعتقد اغلبه سلوك مكتسب من الصغر والقليل منه عائد الى الوراثة والامور الجينية بس لسه مابقت ظاهرة واحد منهم اسمه دفع الله شين ودشن سألناه انت الخلاك تعمل الحاجة دي شنو؟ قال لينا: هووي ماتنجهوني انا لابديتو لاتميتو..جيت لقيت البرش مفروووش وقعدت ف الافضل يابابكر تشوف الفرش البرش منو ... بدل اللولوة دي اقول قولي هذا واستغفر الله لي..................... |
مشهد أول:
قبل أربعة أعوام وصلتنى دعوة من صديقتى كريستين لحضور حفل زواجها، الحفل كان فى أمستردام, فى الهواء الطلق وبفخامة مدهشة.. صديقتى المهندسة المدنية كريستسن تزوجت من صديقتها مونيك.. وقبل عامين رزقتا بمولودة أسميانها فيمكا.. مونيك زوجة كريستين هى التى قامت بالحمل بعد أن اشتريتا حيوانات منوية من بنك مخصص لذلك.. أذكر أننى زرتهما فى البيت للتهنئية بالمولودة وبعد العشاء سهرنا حتى وقت متاخر, كانت الساعة قد جاوزت منتصف الليل حين انتحت بى صديقتى الأثيرة كريستين جانبآ وذهبنا ندخن معآ فى الشرفة وهى تحكى لى عن سعادتها لانتهاء فترة الحمل, فلقد كانت فترة عصيبة.. مونيك وكريستين تتحابان وتعيشان حياة زوجية سعيدة |
مشهد ثانى:
فى الكلية درست معى (ميريت) فتاة فى نهاية عقدها الثانى متزوجة من شاب ينحدر من جزر المستعمرات الهولندية السابقة, توطدت علاقتى بهما فدعتنى الى عيد ميلادها.. عرفتنى (ميريت) على والديتيها, هى تنادى كلاهما ب (أمى).. ميريت ترعرعت منذ صغرها فى كنف امرأتين لاسبيان, وتحب كلاهما كما يحب المرء والديه, وبرغم ذلك فليس لها ميولات جنسية شاذة.. جلست الى والديتيها, انهما امرأتان لطيفتان فى نهاية العقد الخامس احداهما ممتلئة, والثانية رشيقة الجسد سريعة الحركة ومحبة للموسيقى, تحدثنا عن الموسيقى كثيرآ وأسمعتنى مقطوعات لل البيتلز وباخ و جون لينون على جهاز اسطوانات عتيق ونحن نحتسى دم المسيح.. امرأتان فى غاية الجمال |
| الساعة الآن 11:17 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.