ملّت معانينا الشرح
أنضف من السما في رجب يازول بمجد فيك تاريخ القيم ومالقصد ريد يكفيني فيك حاجات كتيرة وبعرفها عمق العلاقة البين ضميرك والصدق خوة بنيات الفريق لحدهن طهرك ورب العالمين سرك وباطنك والعلن مطر الرذاذ لزول بعيد حافي وهلك بسمة وليداتن صغار ماعرفو يطعنو في الضهر تاج العفاف مختوم علي الطيب والوفا والإحترام لناس معاك وحاجات كتير بنوالفا وما القصد ريد أنا جيت أشيل منك مفاتيح الفهم وأفتح قلوب كل اللي باعوا الأخرة بالدنيا العدم أملاها بيك وأكتب عديل أدباً أدب أنا دايرة نيل يتوضو بيه وأغسل ذنوبهم وأتكل وأنا بحترم سداً وقف مابين دواخلك والكضب ونجماً نزيه في ليل طويل قاسي وحلك يازول حنيـن ..أنا دايرة فيك أخد خصالك وأشبهك كل الصفات .. خلقاً ..خلق تتباهى بيك كل الحروف الواقفة في سن القلم تعظيم ســلام لزول قليبه من الدهب هند محمد |
ده كلام عجيب جدا يا هند !!
سلمت يداك، و سلمتي إنتي و ال( أنضف من السما في رجب) ده !! |
وتعظيم سلام لهذا الحرف الشَرُوق.
شكرا هند |
الشاعرة المتقدة هند محمد
كما تعودت ان القاك دوما تصنعين الحروف قلائد وانسام وزمان شكرا كلما تمنحين عقولنا وقلوبنا بهجة |
اقتباس:
كلام بخش العضم ومابمرق بي هناك شكراً على تلوين يومنا بهذا الدفء انتي زولة كتاَاااابة ياخ اقول قولي هذا واستغفر الله لي............... |
اقتباس:
والله زمان يا استاذ سعيدة جدا بهذه الاطلالة والله وعشرات حبابك يهنا وبين الحروف اسفة جدا للتأخير في الرد والغياب لظروف مرضية ودي واحترامي وجد جد حقيقي نورتنا وكل الشباب هنا ولي عودة تليق بالحضور الجميل |
اقتباس:
ياهند...... ما اجمل حرفك ياخي........!! _____________ عساك بخير يا صديقة سائلين عنك كثير....!! (هواري) |
:L
يا سلام عليك يا هند.. جمّلتي صباحي يا مشرقة..:cool: |
زمان غنت بنونة بت المك لأبيها ..
كوفيتك الخوده أم عصا بولاد ودرعك في أم لهيب زي الشمس وقّاد وسيفك من سقايته إستعجب الحدّاد وقارحك غير شكال ما بقربه الشدّاد و غنت بت مسيمس .. أمك ولدتك ما ولدتم اتنين تسلم لي يا تلبي البيكيل العين حالف يمين مابتوه بين بين دقيت الجسر لي متعت الحيين و كثيرات أخر وها هو لهج حديث فى ميزان ذهب من شريكة هذا العصر من لم يتمنى أن يكون ذاك ..؟ |
اقتباس:
ألف سلام وتحية ياراقي احساس وحضور واشكر لطفك كن بألف خير |
اقتباس:
ليك كل البراحات هنا وبهجة الحروف الشكر لك انت يااخي علي هذا الاحتفاء وانا في جد في شخصك بحترم اشخاص الاطراء منك شهادة شكرا نبيلا يشبهك |
اقتباس:
شكرا لهذا التقدير وشكرا كونك هنا تقرأني وتمنحني بهجة الحضور لك دائما بين أحرفي متسع كن بألف خير مع مودتي |
اقتباس:
وتعظيم سلام لزولة حروفها من الدهب |
اقتباس:
يا سلاااااااااام |
اقتباس:
و تعظيم سلام لزولة حروفها من الدهب والابيات عندك عميقة وشفيفة . بس دخلت فيني الابيات عشان كدة أتجرأت وعدلهتا حسب احساسي بيها |
أنا جيت أشيل منك مفاتيح الفهم
وأفتح قلوب كل اللي باعوا الأخرة بالدنيا العدم أملاها بيك وأكتب عديل أدباً أدب رائعة يا هند لكن... هل تفتح كلمة قلبا مقفولا برتاج ذهبي |
اقتباس:
ممتنة لكتير لسؤالك واهتمامك وجد ما اهملت الايميل والله بس فقدته في زحمة الظروف الدنيا بخير بيكم والجمال في احاسيسكم ألف شكر للتواصل ولصداقة وخوة حقيقي بعتز بيها شكرا بحر |
اقتباس:
مي هاشم كل الصباحات تبدا بيك يا شمس شكرا ياعزيزتي للطفك الجميل محبتي |
اقتباس:
بتنقع من قرب الهم الحاصل تلفظ من جسد الارض الشوك يتكبل من داخلك زاد متواصل وتستف في الناس الذوق وانا اول بريدك زول بزين بغناك كتفي أنا صف الحبايب فيك وكل العاشقين خلفي أخي الشاعر القامة معتصم الطاهر عشرات حبابك في الحروف واطلالة من شباك حنين وبهديك .ومافي أطعم من حروفك شكرا للطف والاحتفاءة الجميلة كل السعادة بوجودك هنا كن بألف خير ولك الود مستقر والزهر |
هند نص محكم جدا ،، ما تبخلى تسلمى كتير واحة |
اقتباس:
أشكر أشراقك هنا ياجيجي ياسلام علي لطف ومودة الاعضاء هنا ساكتب ياجيجي عن هذا المنتدي وتجربتي فيه وعن لطفك ومحبتك يا أنيقة تسلمي |
شكرا
شكرا الاستاذه هند على هذا الابداع
|
هاتي دناننك وإسكري أرواحنا الجافة منتهي التفرد هند وعلي قولة زول الله ده عملة مافي مش نادرة
دمت بألف شعر |
اقتباس:
أشكر لطفك ومرورك العطر |
اقتباس:
يسعدني جدا جواك يكون واصل معاي حد الرضا تعديلك مشاركة في الاحساس ونفس روحي جميل في القصيدة شكرا للبصمة الأنيقة ودي واحترامي |
اقتباس:
تبقي الكلمة الصادقة أصدق رسول بين القلوب الصدق والنزاهة فطرة الانسان ورونق الكلمة وشمس لاتغيب شكرا للطف والمشاركة النبيلة ودي واحترام |
اقتباس:
والقصد ريد! زول قليبه من الدهب، يستحــــق. وتعظيم سلام. كتابة فارهة حد الترف. |
| الساعة الآن 03:01 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.