1X3 اغنيات خالدة
هذا البوست توثيقي لمجموعة من الاغنيات الخالدة التي جملت سماء الفن في السودان
تستمعون فيه للاغنية بصوت ثلاثة من المطربين بعد عرض النص الصحيح للاغنية ويكتمل جمال هذا المفترع بمشاركاتكم اولى الاغنيات للشاعر الفذ عبدالرحمن الريح (الملهمة)التي تعتبر الجسر الذي عبرت به الاغنية السودانية من اغنية الحقيبة الى اغاني المدرسة الوترية الحديثة وهي بلا شك من الروائع التي وجت هواً في نفوس الكثيرين فقد سكب فيها ود الريح عصارة نضجه الشعري واضاف اليها الفنان التاج مصطفى بعدا آخر من الروعة والجمال بالآداء الجيد والصوت العذب الكثيرين ينسبون الالحان للتاج مصطفى ولكن الحقيقة الموثقة بصوت عبدالرحمن الريح في برنامج اذاعي انها من الحانه ومعروف عن ود الريح انه شاعر ملحن يخرج اغلب اغانيه جاهزة ولحنة يشابهه في ذلك محمد عوض الكريم القرشي وعمر البنا النص: نور العيون إنتِي الأمل طال الفراق وأنا فى اشتياق كيف العمل؟ ********* إنتِي الأمل وإنتِي الرجاء والفرحة يا نور الدجى اضمن إلى عمرى النجاة لو طيفك خيالك لى جاء فى الكرى هل أرى شخصك.. قريب يا هل ترى؟ ********* أنا فى انتظارك لم أزل يا ملهمة شعر الغزل ********* عيونى يا أخت الزهر فى حبك أعياها السهر فى جسمى تأثيرك ظهر لو كنا مجتمعين سوا ما كان على قلبى احتوى حر النوى ونار الجوى وظلم الهوى لكن أنا أهواك يا كل المنى مهما حصل ********* آمالى فى الدنيا الجديدة تتحقق أحلامى العديدة بعد الجفا ألقى الصفا وحسن الوفاء اتهنى برؤياك هل هل وصال يا روحى هل؟ الاستماع الاول بصوت الراحل التاج مصطفى [media]http://cdn.top4top.co/d_694da5ec0e0.mp3[/media] |
موجود بين الجمال
تحياتى حبيبنا محمد زين |
اقتباس:
اول المشرفين للبوست كالعادة قدام الجميع |
حبيبنا احمد زين...
الموسيقي دي ياها الباقي لينا... جميل ان البوست عبارة عن غربال للجميل الطاعم من الغناء. نحن منكسرين معاك بهنا...و مكسرين |
اقتباس:
وجودك الدائم هنا مهم جدا يا خال |
ناس حي العرب
شعراهم حلوين بقول حلوين لأنه كلماتهم بتريح.. مرة الحبيب الغائب احاضر في القلب وساكن العقل؛ عبد الله محمد زين وهو تلميذ وقريبه لعبد الرحمن الريح (حسبما فهمت) .. قال ليا؛شعر الغنآ،، ذي المكنيكي، كلمة من هنا وتانية من هناك.. ما هي إنسياب وإندياح أحاسيس تسطر... شوف كلمات الأغنية الفوق دي... والله والله يرحمك يا أبو الصادق.. قلت حق :( |
أستاذنا أحمد زين المليان جمال لمن مدفق
الملهمة كما تفضلت كانت نقلة نوعية في مسيرة الأغنية السودانية .... عبد الرحمن الريح منبع ومعين لم ولن ينضب للجمال ترك إرثاً حير عتاة الكلمة أن يسبروا غوره .... التاج مصطفى وما أدراك ما التاج مصطفى صوت ينبعث منك أنت كمستمع .... أنا لا أسمع التاج مصطفى حين يغني وإنما أسمع صدى روحي تردده شفتاه ...... زول عجيب ياخ لك التحية والتقدير على هذا الجمال... ولو في إمكانية ندي زول جائزة على بوست فأنت أكيد الفائز بتلك الجائزة. تحياتي |
نسيت أقول ليك أنا عندي سلسلة كاملة في منتدى آخر بنفس المسمى تلاتة في واحد ونفس الفكرة ..... ومعانا هنا من يشهد بذلك .... شفت كيف الأرواح تتفق
تحياتي |
أتمنى أن يكون واحد من التلاتة عبد الكريم الكابلي
تحياتي |
اقتباس:
إسرائيل... إتاو الحصل شنهو في كلام أمريكا بتاعهو دآك goood |
اقتباس:
إشاعة |
اقتباس:
أشهد يا حضيري! سلام يا أحمد وليك وحشة. أتمنى أن يكون البوست بمثابة عودة قوية ليك ولبوستاتك الشيقة ذات الدخل العالي والروَاد الكُثُر. بس الله يرضى عليك خفف لينا إيدك وألكع، لأنو بوست متل ده ممكن يجر ويصل لعدد كبير من الصفحات، خاصة لو جادعوك فيه أهل الفن أمثال ود عثمان والزوول، وحتى حضيري العندو مادة جاهزة أولريدي، يمكن يتحفنا ببعض منها. طبعاً ده غير الناس الذويقة الممكن يضيفوا مداخلات قوية (عندك خال فاطنة والجيلي ورأفت وكانديك وغيرهم). بس كمان ما بيتجي إنو الناس يجيبو العندهم من غير ما تمشي بالبوست شوية. تحياتي يا أمير. |
اقتباس:
احكي لينا عن ود الريح وحي العرب وعبدالله محمد زين وابراهيم عوض |
اقتباس:
اقتباس:
خلينا نتعاون علي الوست ده لانو صعب ومتعب اقتباس:
كده يبقى الكابلي معانا بس بشرط الاغنية الجاية عليك :p |
اقتباس:
انا جاهز والله وممكن انزل البوست كلو في يومين بس الصفحة بتبقى زي سوق الجمعة .. كل الاغاني بتشتغل مع بعض مجرد تفتح الصفحة انا شايف ننزل كل اغنية ( 3 ملفات صوتية ) في صفحة وببقى ساهل تقفل اتنين وتسمع واحد وتفتح البعده وهكذا تحياتي |
ثاني الاصوات الرائعة الفنان عزالدين صديق الذي اشتهر بترديد اغنيات التاج مصطفى بصورة مذهلة
[media]http://cdn.top4top.co/d_ad2439b0470.mp3[/media] |
هنا في شنو ياخ
|
اقتباس:
|
واصل
وامتع والغريق قدام |
بوست مات وشبع موت
ينتهي العزاء بانتهاء مراسم الدفن شكر الله سعيكم |
اقتباس:
إنتَ بــــــس النُمتَ شوية منو أبقي قريب وأبقي رقاقا وأنثر الفرح للناس تعال كُب العِندك ياخ الحضيري قال ليك: ( لك التحية والتقدير على هذا الجمال... ولو في إمكانية ندي زول جائزة على بوست فأنت أكيد الفائز بتلك الجائزة.) وعكود برضو قال ليك: (بس الله يرضى عليك خفف لينا إيدك وألكع، لأنو بوست متل ده ممكن يجر ويصل لعدد كبير من الصفحات، خاصة لو جادعوك فيه أهل الفن أمثال ود عثمان والزوول، وحتى حضيري العندو مادة جاهزة أولريدي، يمكن يتحفنا ببعض منها. طبعاً ده غير الناس الذويقة الممكن يضيفوا مداخلات قوية (عندك خال فاطنة والجيلي ورأفت وكانديك وغيرهم). بس كمان ما بيتجي إنو الناس يجيبو العندهم من غير ما تمشي بالبوست شوية ) وإنتَ ظااتك قلت لعكود: (انا جاهز والله وممكن انزل البوست كلو في يومين بس الصفحة بتبقى زي سوق الجمعة .. كل الاغاني بتشتغل مع بعض مجرد تفتح الصفحة انا شايف ننزل كل اغنية ( 3 ملفات صوتية ) في صفحة وببقى ساهل تقفل اتنين وتسمع واحد وتفتح البعده وهكذا ) ... أها تاني شنو غير كسلك البعرفو أنا داك ؟؟ أبقي مارق هنا ياخ كرهتنا البِلي ظاتو |
سلامات على اهل سودانيات
وعليك يا سمح يا زين لازم نكرر تجربة بوست ساهرون الناس دي بتغني كلللللها في نفس الوقت شوفو لينا حل اقتباس:
زول يطش شهر ويجي يقول شكر الله سعيكم يا زول مافي اي طريقه بطل كسل اقتباس:
|
ونفخنا فيه من روحنا
|
ولد الشاعر عبدالرحمن الريح بحي العرب بامدرمان وقد اختلف المؤرخين للاغنية السودانية في تاريخ مولده فيقال انه مولود 1915 وآخرين يرون انه من مواليد 1918 او 1922 ولكن الارجح هو 1918
نشأ ود الريح في اسرة اشتهرت بتجارة المواشي مع ان والده كان يملك متجراً للدمور بسوق امدرمان وقد عمل به لفترة ثم تركه ليعمل في ورشة للصناعات الجلدية تعلم منها صناعة الحقائب الجلدية النسائية التي اتقن صناعتها لم ينال ود الريح قسطاً وافرا من التعليم فقد اكمل الربع الاول من القرآن الكريم في خلوة الفكي احمد عبدالرحيم وخلوة الفكي الخليفة يوسف وتركها عندما انتقل للعمل بدكان والده الذي كان يعلمه القرآن وعلومه اثناء تواجده بالدكان اقتباس:
http://www.alfahl.net/Default.aspx?t...l=ReadODefault |
وعدا قطعناه للاخ حضيري
الملهمة بصوت كابلي [media]http://cdn.top4top.co/d_97655c684f0.mp3[/media] |
ممتاز .. كويس انك جيت راجع يا ابشلاليف
|
| الساعة الآن 04:35 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.