سودانيات .. تواصل ومحبة

سودانيات .. تواصل ومحبة (http://www.sudanyat.org/vb/index.php)
-   منتــــدي التوثيق (http://www.sudanyat.org/vb/forumdisplay.php?f=9)
-   -   ود القرشي و الشفيع - ثنائي الابداع الخرافي (http://www.sudanyat.org/vb/showthread.php?t=216)

فيصل سعد 26-10-2005 08:30 AM

محمد عوض الكريم القرشي و عثمان الشفيع - ثنائي الابداع الخرافي
 
[align=center]محطة اولى:

الاعزاء جميعا
بعدالسلام و التحية.

قصدنا في هذا البوست ان نطوف معا في حضرة الابداع المتفرد الشجي للراحلين محمد عوض الكريم القرشي و عثمان الشفيع رحمهما الله و ان نغوص في اعماق فنهما الراقي الخالد التليد بمشاركة الاستاذ الاديب / عصمت العالم رصدا وتحليلا و ذكريات . و الباب مفتوحا لمشاركة الجميع.



القطار المر
فيه مر حبيبي
بالعلى ما مر
يا الشلت مريودي

في الرصيف مستني
وللثواني احاسب
امتى يظهر نورو
الليه ديمة اراقب
القى فيه هناى
يلقى فيني هناهو
ننسجم لريدنا
الكان يا مريودي

الاشرجي تراه
للاشارة اداهو
فتحوا السنفور
لمروره براهو
قلبي زاد خفقانه
و زاد كمان في ولاه
للحبيب الماري
الليهو زاد شوقي

القطار يتهادى
حل في وادينا
يلا نجري نشوفه
المن زمان ناسينا
في السلامة سلامة
اه انا الجنيتها
في المحطة بكيتها
يا القطار تدشدش
يا الشلت مريودي
[/align]

فيصل سعد 26-10-2005 08:33 AM

[media]http://sudaniyat.net/songs/modules/topMusic/tracks/alhagir.wma[/media]


[align=center]كتب
عصمت العالم
الثلاثاء مارس 15, 2005 8:14 pm

العزيز المسافة... سيظل الشاعر الفنان الراحل محمد عوض الكريم القرشى مرحلة ممتدة وزاخرة وعامرة وضخمه ومترعة بالدفق والحب والفن والانتماء .والحميمية والارتباط..عشق ملأ مدى مساحات كردفان كلها وارتحل للعاصمة المثلثةثم لكل السودان.وكثيرون ممن واكبوا تلك المرحلة .يغرقون فى ملامح عطائها الثر المنى والارتعاش ..التقى القرشى مع عثمان الشفيع فى توافق غريب وربط اعجب .والتصقا وانصهرا وقدما معا اروع الاغانى ..حتى الافتراق كان فى ربط القدر علامة ..يوم زواج عثمان الشفيع يرتحل الى الرفيق الاعلى ود القرشى..ود القرشى لحن ا غلب اغانيه كانت جاهزة.له صوت جهورى عذب وفيه شجو الطرب..كان يضىء ليالى امدرمان عندما ياتى لها .زمن مقرن النيلين الى الامسيات الخاصة حتى تعانق اغنياته فجر الصباح..وزاحم السمار الليل فى تمدده وفى امسياته.طرب الليل وانتشى ورقص وهو يسمع ود القرشى يردد ويقول... يا اله فنى هاك قولى عنى بهدى ليك اسما . اسما الفنون .منى يا اله فنى كم نظمت قصيد.. رد الوحى لحن ذاك نشيد. شيدك .شدويد كان صداه بعيد. بين محب وحبيب. كم يتم الريد هلا يوم الحب هلا يوم العيد كان الزمن الجميل تضىء امسياته مصابيح الفن والشعر والغناء والطرب..يسرح ويسبح سماره فى ارتحال المنى على افق الجمال..حيث احلى الناس بينن نهود وصدور.. معذرة سابدا غدا بالحلقة الاولى ونواصل يا مسافة.[/align]


[align=center]كتب المسافة
الاربعاء مارس 16, 2005 11:36 am موضوع الرسالة:
--------------------------------------------------------------------------------

الذكريات في كل ليلة
توحي للحبايب
اشياء كثيرة
فمن يغني يذكر خليلا
ومن بينعي ماضي و جميلا
فلتذكرونا كثيرا او قليلا
الذكرى تجمعنا
و نمرح طويلا

رجع الصدى المحبوب
بالذكريات
و احيا الالم و الجور
بالذكريات
فرح الاحبة يتم
في الامسيات
حيث اللقاء يذهب
ما كان و فات

يا الفي الجنوب
حي الشمال
يا الفي الشروق
ليك شوقنا طال
يا الفي الغروب
هاك لحني قال
الذكريات نهضت
بجيلها
و انا كنت حاديها
و دائما دليلا[/align]


[align=center]
--------------------------------------------------------------------------------
كتب
عصمت العالم
السبت مارس 19, 2005 1:17 am

العزيز المسا فة ...


جيلنا ومن عاصروه فى منتصف ستينيات القرن الماضى والى الان.يندهشون .وترتجف ازمانهم وهم يسمعون الذكريات ..فى كل ليلة.. وفرح الاحبة يتم فى الامسيات..وكانت اسميات معطره باريج ذاك الزمن الصبا.وذلك الحس العباب..تاتيك الانسام من كل الربى ..وتلفح رياح العشق كل الوجوه..وياتى الخدر حين تعاد ذكرى الاحباب الذين رحلو فى تمرد 1955 ..الفاضل الشفيع ونورى .وكبيدة ..ومصطفى بشير .ويا الفى جنوب حيى الشمال..ولدكتور جلتلى يا الفى الشروق ليك شوقنا طال طال...ويا الفى الغروب ..عبد العزيز ابو عيسى ..وهاشم عز العرب..وصلات ليالى كردفان. هاك لحنى قال ..قال...وتبكى الاماسى فى غنج دلالها .والاغنيات تقسم قواصل الليل .وترسم محى اخر لمحى الجمال النور.فى ندى الازمان .وهمس الليالى بدور ... تغنى بالذكريات عثمان الشفيع...زيدان الكابلى خوجلى عثمان.وتغنى بها الصيت محمد عوض الكريم القرشى ..وزامله الشفيع والكابلى وزيدان فى جلسة فى امدرمان فى مايو 1966 فى حى مكى ..تلك الليلة طرب المساء وتكسرت مقاديف سهده على اعتلاء كل ذلك النغم الجمال..فى ابيتسامات الارتحال الانتشاء..

..احتفظ بكل تلك التسجيلات على اشرطة ريل..ساحاول ان اعالج النقل .لطول الفترة ثم يمكن ان نتحف هذا الجيل بعظمة امتداد وتفرد زمان الامس...
تقديرى يا فنان..
[/align]


[align=center]--------------------------------------------------------------------------------
كتب المسافة
السبت مارس 19, 2005 9:07 am

عشقته من نظرة و هو قلبه خالي
كيف الطريقة البيها يتم وصالي
.................................................. .

قابلني يا الهاجر
هجرك اضر
و طال و استمر
.................................................. .

الزهور و الورد شتلوها جوة قلبي
عشان حبيبي تذكاره ديمه عندي
.................................................. ..

تعال يا رب الفن با سيدي
و فيك نظمت الدر نشيدي
.................................................. ..

لحن الحياة منك و ماتقول
نسينا الماضي و ناسينك
محبوبي الجميل
.................................................. ...

رمز الجمال اذانا
ايقظ لهوانا
في الطيف ما غشانا
ليه يا قاسي تنكر
اخلاصنا و وفانا

و في الشاطئ يا حبان ساهرتوا بينا

و نواصل...[/align]

فيصل سعد 26-10-2005 09:08 AM

[align=center]كتب Ahmed Elmardi
السبت مارس 19, 2005 6:52 am

سلام ياعصمت ويا مسافة
عساكم طيبين
تعرف ياعصمت الريل دة لو فى السودان، بنشف
الحقنا سريع بيهو.

__________________________________________________ __

كتب عصمت العالم
السبت مارس 19, 2005 5:11 pm

الفنان احمد المرضى..


شكرا لك واول من خطر فى بالى انت لمعالجة مشكلة الريل.. وساتصل بك لضرورة الاخراج وانت فنان مطبوع وحاذق.ارجو كما قلت ان نتلافى ذلك هى فى السودان لكن فى ظروف مطمئنه..
مهلة ايام .وتصل..

تقديرى يارائع
__________________________________________________ __

كتب عصمت العالم
السبت مارس 19, 2005 5:19 pm

العزيز المسافة...


وتتواصل الاشجن والالحان والزمان المنى.وكل ذلك التفرد فى تبدله وتساميه وانتقاله.مجاميع من الطرب العجاب .تزهو به العواطف وتنطرب الوجدان .وتغنى الدواخل الامسيات.. كانت فترة تمدد زاخره بانسام الجمال وعفوية الخاطر وحب الناس وعشق الجمال..والاغراق .فى هداة الليل ..والتبتل من خلال كل تلك المناجاة البوح فى حضور الاحباب.فى زمن فاره مترع بصداقات الكون.لكل الاحبة الشروق..وتلك المجالس التى كانت بامنها وامانها.تتجمع الحبان فى مواقع مختلفة ويجمعهم مساء الليل على جلسات صفاء تعيد غذاء الروح بكل الفيوض ا الحياة ..زمن نادر ..مضى واصبح ذكريات تنداح لتؤرق وتشجى وتبكى وتعيد وتطرب...

كل الود...
__________________________________________________ _

كتب عصمت العالم
السبت مارس 19, 2005 5:25 pm

المسافة العزيز .
معى الان تسجيل للفنان زيدان والخالدى فى اداء متفرد لآاغانى ود القرشى والشفيع...اغنيات خالدات
باداء راقى يسحب جماع القلب فى غمرة الاحساس ...فى القطار المرا..اداء فى قرار الصوت امتاع واستنلاب متمكن...
مشكلتى فى التنزيل .ساستعين بالاخت حنينة .. واللنك مهم للتسجيل...وراى الفنان المبدع احمد المرضى ...و رايه فى هذا التسجيل...بعد الاستماع....

__________________________________________________ __

كتب المسافة
السبت مارس 19, 2005 8:30 pm

يوم قالوا لي الاقمار عليمة
انك تراها و تلمس اديمها
يا ريتني ابقى سعيد
واشوفها ديمه

يا فني جود
و انصفني ديمه
يا لحني اشدو
شعرا قويما
تصور الاقمار
عرفت غناك
نزلت من السموات
تسمو حداك
و ازدانت الحفلة
و النور تجلى
يا الله زيد في الحب
و العفة ديمه

فلتسالوني عن
عيد الكواكب
الفيه نور الدنيا
صفاه ساكب
صوت المغني
اصف المواكب
دا الدهب المجمر
بجماله انضر
دا الفل يحكي
لونه ما احلى نونو
فشهدت استغراضا
كان عظيما
و سهرت والاقمار
لسواى ظليمة

الحقيقة حبي بعيد
و بعيد سماه
و ما ذنبي لو عازل
بالجور رماه
ليه التجني و انا
راقي فني
و حلو التثني
قد غاب عني
معروف هواى
و طاهرات نوايا
و الا لو اصررت
تكون اليمة
ساجفو و الاقمار
لي داني ريمها
__________________________________________________ __

كتب Hazim Ateig
السبت مارس 26, 2005 1:05 pm

العزيز : المسافه
الأستاذ : عصمت العالم
لكما التحيه و أنتم تلِجون ( كثنائى ) عالم هذا ( الثنائى ) الجميل ؛ و نطمح فى سرد جماليات
الآخرين فى عالم ( الثنائيات ) فى سودان الفن الجميل ؛ و ما أكثرهم ؛؛؛؛
مع مودتى لكم و إعزازى
حــازم عتيــق

__________________________________________________

كتبت الجندرية
السبت مارس 26, 2005 3:46 pm

المسافة
ومحبي / ات الثنائي البديع المبدع

تعظيم سلام ليكم

وشبال مكنتل لملكي الطرب والغناء الجميل

اتوقع انو البوست دا يجيب صاحبي الغايب محمد كبر
طيب زول ينزل الحالم سبانا عشانو
وعشاني الشغال الافكار
وتسلموا

__________________________________________________

كتب Mahmoud
السبت مارس 26, 2005 5:09 pm

المسافة العزيز... عصمت الأديب.. والحضور المؤدب في حضرة هذا الجمال.. تحية واحترام..
والعجب آآآلجندرية أكان قالوا نزلوا لينا لحن الحياة منك ما تقول نسينا الماضي....
لكم جميعاً أنحناءة كبييييييييييييييييييرة وأنتم تطوفون في هذه الحدائق الجميلة من روائع فن بلادي...[/align]

فيصل سعد 26-10-2005 09:17 AM

http://sudaniyat.net/songs/modules.p...=20&idalbum=16

عبدالله الشقليني 26-10-2005 04:42 PM

المسافة لك التحية وأنت تبدأ من الجمال ، ومن كتب عن ربوبية الجمال :
محمد عوض الكريم القرشي وعثمان الشفيع على سرج سابح ينطلقان
في الدنيا الجميلة من مواضي ايامنا .
لدي صورة أسود وأبيض للشفيع يحمل العود قبل بتر ساعده في يوليو 1966 م
شكراً لك وللوفاء

فيصل سعد 27-10-2005 09:20 AM

[align=center]شكرا عزيزي عبدالله الشقليني على المداخلة الفاعلة والاضاءات و اتمنى ان تجود لنا بما عندك و ان تواصل السرد حول ذلك الابداع الخالد المتفرد و عشمي كبير في كريم استجابتك و الجابك يجيب الباقيين.
كل الود و التقدير و الاعزاز.[/align]

عصمت العالم 31-10-2005 11:19 PM



الفنان المسافه..

كل الحب..وكل عام وانت بخير وكل الاحباب..
وانا هنا معكم..استرجع واغرق فى تلك النداءات العجاب واتعرض لكل الصور.من البان جديد الى المستشفى الجنوبى...ساوث بلوك..وكما كان يحلو لود القرشى ان يسميه...


وكان طريح المستشفى.والعيد يقارب الابواب.وكان التحفظ الصحى قد فرض عليه وطبق تماما..وصمتت كل الهواتف.واختصر الزوار ليس بمشغولياتهم بل بالحظر الصحى الذى اراده الاطباء وخفت ارجل الزوار.حتى النيرس المشرفه عليه تخلفت نيرس قمر..وها هو يندب حظه والعيد قد قدم اليه وهو محبوس بعيد عن الاحباب وليالى الانس والصفاء.

عدت يا عيدى .بدون زهور..
وين قمرنا.وين البدور..
غابوا.عنى..
حبسونى فى داخل قصور.
قالوا عيان لشفاك ندور.
غابوا عنى..
يا حنان فاض بالشعور..
تلفونك ما بيك خبور


وتمضى مقاطع الكلمات وهو يردده بلحن بديع وبصوته الشجون..تندلق منه ملامة للاحباب .وشوق للقائهم.وحنين لكل ذلك الربط التواصل..يسال عن الاصدقاء وعن تلك النيرس الملامح والجمال والانسانيه التى كانت تشرف على علاجه.وصمت التلفونات.واحساس العزله.واسوار الحبس..وصمت الثاوث بلوك
رحم الله الفنان الشاعر ود القرشى .كان يرمز عن كثير..

ونتواصل ايها الفنان المسافه.ونحن نردد والعيد يقارب .عدت يا عيد بدون زهور..ونحى ذكرى هؤلاء الاحباب الجمال ونترحم عليهم ونذكرهم وهم يشعلون تلك الذكريات بمعانى الجمال والحب والشفافيه والتواصل والاخاء.ز

عميق محبتى

عكــود 01-11-2005 06:36 AM

الأحبّاء المسافة / عصمت،

أستمتع غاية الإستمتاع وأنا أتابع ما توثّقانه عن هذا الثنائي الخرافيّ الإبداع..
واصلا، الله يدّيكم العافية، ويا ريت لو تقوم الإدارة بحفظ مثل هذه البوستات التوثيقية في إرشيف خاص حتى يسهل الرجوع إليها..

عيدكم مبارك وكل عام وأنتما بألف خير وسرور،

عكــود

Garcia 02-11-2005 08:51 PM

[frame="7 90"]فى الضواحى لخليل فرح

في الضواحى وطرف المداين
يلا ننظر شفق الصباح

قوموا خلو الضيق في الجناين
شوفوا عز الصيد في العساين
يله نقنص نطرد نعاين
النهار أن حر الكماين
كلبي يا جمجوم أصله خاين
شوفوا كيفن يبرأ الملاين
هب شال وكشح المراح

للقنيص الخيل خف راسن
نحن ما بنخاف من مراسن
المكارم غرقنا ساسن والمجاهل
مين غيرنا ساسن
ان عطشنا نمز مر وآسن
وأن عشقنا بنعشق محاسن
فى المحاسن كفي يومنا راح

يا الطبيعه الواديك ساكن
ما في مثلك قط في الأماكن
يا جمال النال في ثراكن
ياحلاة البرعن أراكن
في قفاهن تور قرنه ماكن
لا غشن لا شافن مساكن
في الخزام والشيح والبراح

شوف صباح الوادي وجماله
وشوف خضاره وصيده ورماله
شوف يمينه وعاين شماله
شوف نسيم الليل صاحي ماله
شوف فريع الشاو مين أماله
القمر خجلان من كماله
والصباح لاح بهل الوشاح

يا أم لسانا لسع معجن
كلمة كلمة وحروفه ضجن
ديل خدودك غير داعي وجن
ديل عيونك من غير سبه لجن[/frame]

* العزيز المسافة .... اليك احدى درر الشفيع وان كانت ليست من كتابات ود القرشى
وكل سنة وانت طيب ...

عصمت العالم 03-11-2005 08:43 PM


الفنان المسافه.

فى تنويع ود القرشى لرؤيته الفنيه فى ابداعات شعره.هو التفصيل فى تخصيص منتهى المطاف فى قمة الاختيار الدقيق لمسميات شخوص ابداعه فتفنن فى معانى الاختيار .وهى اقصى حالات التفرد لكل من تربع على عرش تلك الصفه فسمى رب الجمال.ورب الفن.ورب السعاده..ورب الشعور..وهى صفة إعتلاء على مرابيع كل ذلك الزخم ألوضىء لمن منحهم الخالق تلك الصفات المتفرده .فكانت تعنى كل ذلك الابهار..وتحكى ابداع الخالق الفريد شكلا ومضمونا
ودعنا نطوف معا على رب الفن.فى مناجاة ود القرشى وهو يبعثر طلب الاستجداء فى روعة منادات تفرح وتسعد وتشجى..

تعال يا رب الفن...يا سيدى.
وفيك رسمت..الدر قصيدى..
تعال.
تعال بيك الاحلام ....جديده.
تعل واللحظات معاك ...سعيده..
اوريك فنونى..يا وحيها ونشيدها
تعال هنا ليك فى القلب..ريده
معذبه ..تشتاق ..لى... وحيدها..

الفنان المسافه..
يرقص الليل وهو منتشى فى سرحان سباحته وههو يقلب فواصل كل تلك الليالى الذكريات..والاصوات الملائكيه ترتفع وتعانق افق السماء وهى تغوص بسهر الليل الى عمق خبايا خضم كل ذلك الابداع الفنى..يستحم الليل على امواج سهر الشجن.وتغتسل دواخل النفوس بقطرات انسكاب اريج عطر كل لك الغناء .وتنضوى اخاديد الحس على
ذلك الارتجاف الارتعاش وهى تشاهد كل عذابات الاحتراق تلتئم بحنان كل ذلك الدفء.وهى ترى كل تلك الوجوه تشتعل ضياءا وهى ترسم ابعاد الفرح على تقاسيم الملامح,ويسرى الزمن وهو فى عتق السعاده والجمال..كلها ذكريات لزمن جميل ورائع وحنين ومشرق.
سنتواصل ونحن بكل جمعنا ننثر كل قطرات الدرر على صبوح الصباحات ونحن نشعل فتيل الذكريات لتنير فى وهجها كل الدروب وتعيدنا الى ربط ذلك الماضى التليد..

الفنان المسافه..
كل عام وانت بخير.ودعنا نرش طبقات الفرح على مدى اللحظه وعمر الزمن

عميق التقدير
ونواصل

فيصل سعد 06-11-2005 09:16 PM

[align=center]
الاعزاء عصمت العالم ََ عكود ََ قارسيا
و جميع الاحباب بسودانيات :

كل عام و انتم بخير و عيدكم مبارك ...
و يتواصل الابداع الخالد التليد بكم و معكم.

شوفي كيفن باسم
يفتخر بتيهو
صوريلو عيوني
الباكية من عينيهو
و اعرضيلو قليبي
المخلص الحابيهو
لا تهابي جماله
و لا الدلال البيهو
قولي ليهو سميرك
امسى كالمجنون
الليلة وين يا روحي

الود و التقدير.[/align]

عصمت العالم 06-11-2005 10:10 PM



العزيز الفنان المسافه..

ايها الرائع الجميل..
كل عام وانت بخير فى دعه وإزدهار وتفوق..

تذكرتك اليوم وانا اتابع حلقه فى القناه السودانيه مع اسرة الفنان العملاق عثمان الشفيع وبعض اخلص اصدقائه...
مع ابنتيه الدكتوره ذكريات عثمان الشفيع والباشمهندسه معزه عثمان الشفيع وبصحبة الفنان عثمان محمد على والعازف صابر جميل.غنى للشفيع..وتحدثوا عن الشفيع.. والفنان عثمان الشفيع ولد فى 1924 وثورة اللواء الابيض قد انطلقت..وبدا فى شندى كثلاثى مع صالح شيخ العرب وعلى الامين..وكان يؤدى الاناشيد الدينيه لطائفة الختميه فى مايسمى بالمولد..والفنان عثمان الشفيع قد ارخ لجغرافية المكان.فغنى فى الشاطىء يا حبان .وربوع شندى...ولقد تاكد اليوم ان اغنية حنتوب الجميله التى تغنى بها الفنان الخير عثمان من كلمات الشاعر محمد عوض الكريم القرشى والحان عثمان الشفيع ولقدتغنى بها الشفيع فى احتفال لمدرسة حنتوب .وبعد الانتهاء طلب منه الفنان ان يغنيها وتنازل له الفنان عثمان الشفيع..ولقد نال ا لفنان عثمن الشفيع جائزة فى وارسو عن مقدمة القطار المرا..والشفيع دخل الاذاعه فى 1943 وعرف الفنان الشفيع بالجوانب الانسانيه العميقه وحبه لكل الناس وفعل الخير.. وهو متعمق فى الجانب الدينى وله تسجيل فى ترتيل القران الكريم.وكان هو يأذن لصلاة الصبح بصوته الكروان ألشجى وكان ملتزما دينيا بعد الحادث 1960 الذى تسبب فى بتر يده ..
وهذه اضافة معلومات.. عن هذا الفنان العملاق..ونتذكر العوده للسلام.ونبذ الخلاف السياسى..وكلمات الشاعر ود القرشى..تقول
ونذكر وطنا دوام..
وحده وعمل وسلام
سيبوا الخلاف يا عظام
دايرين يكون لنا شأن
وتمضى هفهفة الذكريات فى هبوب رياحها..ونسترجع الذكريات..



الذكريات نهضت بجيلها
وانا كنت حاديها
ودائما دليلها..
وسيظل الثنائى ود القرشى والشفيع..ذ.لك النداء المستمر الذى يحمل فى جيناته الابداع والفن..والافاضه والجمال والذكريات..ويالها من وهج ذكريات تتحلق وتتمدد وتحمل فى صمتها ارث كل ذلك الزمن الجميل الرائع..رحم الله ود القرشى والشفيع وكل الرحل الركب الذين عبروا للعالم الاخر

ونتواصل

فيصل سعد 07-11-2005 07:50 AM

الفنان الاستاذ القدير المبجل/ عصمت العالم
التحايا المجددة بكل الحب لك و كل الاحباب .

....... ولد الراحل المقيم الفنان عثمان الشفيع عام 1924 بمدينة شندى بدا تعليمه بالخلوة كسائر جيله بخلوة اولاد حاج جابر ومن ثم المرحلة الاولية وانتقل ا ليعمل مع ابيه فى دكانه بالسوق لمساعدته وحوجته له .
نشأ فى بيئة دينيه حيث كان يسمع المدائح النبوية من والده وتلاوة للقران بامتلاكه لصوت جميل الشىء الذى كان دافعا له وسببا خفيا لاحترافه الغناء لاحقا فهو قد بدأ كمادح صفير من مداح الطريقة الختمية ومؤذنا فى جامع حوش ودبانقا.ويقول عثمان الشفيع فى مذكراته ( ان قصتى الحقيقية مع الفن والغناء بدأت مع الحياكة الذى جذبته فعملت بعد ذالك ترزى وكان الغناء السايد يومئذ غناء الحقيبة وكنت احفظ تلك الاغانى فور سماعها لها وكان لى زميل يدعى صالح شيخ العرب وكان ترزيا ايضا نعمل فى مكان واحد وكنا نتبارى فى الغناء وكنت اعامل مكنة الخياطة كأنها اله موسيقية حيث احركها بقدمى بصورة ايقاعية مع ترديدى لغناء الحقيبة. انتشر خبرى كفنان فى شندى وكان الناس يطلبون منى الغناء فى افراحهم الخاصة واحيانا كان يستعين بى فنانى شندى الفى الساحة لاعمل معهم -كورس)
ظل الفنان الشفيع يغنى حتى عام 1943 ولكن فى افتتاح الاذاعة عام 1940 حدث له تطور فنى هام وذالك بسماعه لاغانى عمالقة الفن انذالك احمد المصطفى وحسن عطيه والكاشف عبر الاذاعة واخذذ يردد اغانيهم ويحفظها وبدا يغنى الاغانى الحديثه وكان دافعا له ان يتعلم العزف على العود حيث ساعده خاله فى توفير ثمن العود وكان عبارة 175 قرشا وتعلم مبادئ العزف على العود والنوته الموسيقية بواسطة شخص يدعى الزين بابكر ا وبعد فترة اصبح يجيد العزف عليه وكان سببا فى احترافه الغناء.
فى رحلة بالباخرة الى كريمة التقى بالشاعر مبارك المغربى والموسيقار وعازف الكمان وقتها علاء الدين حمزة وطلبا منه الغناء بعد مشاهدته يحمل العود فغنى لهما اغنيى الكاشف -الشال منام عنيى - واعجب به الشاعر مبارك المغربى ووعده بارسال اغنية له وكانت قصيدة يجارى فيها الفنان الكاشف فى اغنيته الشال منام عينى وهى اغنية الباسم الفتان .بعد احترافه الغناء الحديث اول حفل غنى فيه كان بنادى خريجى كريمة .وفى نفس العام جاء للخرطوم لزيارة صديقه صلاح الجمل الذى اصطحبه الى الاذاعة فغنى اغنية الباسم الفتان عبر المايكرفون عام 1943 وبعدها عاد للخرطوم بدعوة من نادى الخرجين بامدرمان ليشارك فى حفل يحيه كبار المطربين .غنى فى الحفل اغانى الباسم الفتان- حيتو ما حيانى-يافتاى اين سخصك اين رسمك. وكان وقتها لا يعرف الشاعر ودالقرشى بل يسمع به ولكن عبر بعض ابناء شندى العاملين بالتجارة واللذين يسافرون الى الابيض كانوا سبببا فى علاقته مع الشاعر ودالقرشى وتحولت الى صداقة عميقة بينهما وكونا ثنائيا مميزا وظهرت عبرها اجمل الاغانى ومن اميز الاغانى التى تغنى بعا الشفيع لود القرشى الذى كان يسمى بالارباب- رب الجمال- رب الشعور- رب المحاسن-رب الفن- رب السعادة -رب الوداعه-رب الدلال- واخرى .
وهكذا يمكننا القول ان مشواره مع ودالقرشى انتج ما يمكن تسميته بالينبوع العذب الصافى الذى امتزج فيه سمو التعبير الراقى بلاداء واللحن ومشواره مع ود القرشى اعطى رصيد فنى للغناء السودانى .

يحكى الراحل المقيم الفنان الشفيع فى ذكرياته عن ودالقرشى حيث يقول( توفى ودالقرشى عام 1969 فى نفس اللحظة التى كنت احتفل بيها بزواجى حيث اجتابنى اكتئاب غريب قبل وفاته بدقائق رغم بعد المسافة بين الخرطوم والابيض وبكيت بكاءا شديدا وتركت الحفل ولكن الاهل وبعض الصحاب اوهمونى بعدم صدق الخبر وان ودالفرشى لم يمت الا اننى عرفت اخيرا خبر وفاته وهكذا كانت عمق الترابط بيننا رحمة الله عليه)

انتاج الشفيع الفنى اهم ما يميز تجربته الاتى

ان قمة مجده كانت فى الاغانى الوطنية وكانت مرحلة المطالبة بالاستقلال وخروج المستعمروكانت اغانيه الوطنية تقوم بدور فى اذكاء المشاعر الوطنية منها الاناشيد =المؤتمر-للعلا - صرخة روت دمى- واخى النصر للكتل اللجائعة-وطن الجدود-ام ضفاير قودى الرسن- بل تعداه الى خارج حدود السودان وذالك بمشاركته مع بعض الفنانين فى الترفيه على الجنود السودانيين فى ارتريا وغيرها ابان الحرب العالمية الثانية.

له كم هائل من الاغانى تعدى المائة والثلاثون اغنية وقد شاركه عدد من الملحنين منهم محمد عبدالكريم القرشى- برعى محمد دفع الله-علاء الدين حمزهيمتلك صوتا جميلا واحساسا صادقا ويتدرج صوته تحت فصيلة الاصوات الرجالية الحاده >كما يتميز بمدى صوتى واسع ونفس طويل وتمكن فى الاداء. احساسه بالكلمة المغناه عمق عنده التعبير والاداء ويرجع الى علاقته بالشاعر ودالقرشى. الا رحم الله الشاعر ودالقرشى والفنان عثمان الشفيع وانزل السكينه على قبريهما وكان الراحل المقيم مدرسة نهل منها العديد من الفنانين اللذين يتربعوا على عرش الغناء الان وقد كانت تربطه علاقة قوية مع الراحل المقيم الفنان خوجلى عثمان رحمة الله عليه فلقد كان يصفه باستاذه.

( منقول من بوست يلدي يا حبوب - سودانيس اون لاين 2003)

فيصل سعد 07-11-2005 08:04 AM

نواصل سرد و استعراض بعض من ذلك الابداع الذي من حقه علينا
ان يعم و ينتشر و يوثق كما توثق و انطبع في قلوب كل المعجبين الفة
و محبة و حنوا و جمالا .


[align=center]يوم قالوا لي الاقمار عليمة
انك تراها و تلمس اديمها
يا ريتني ابقى سعيد
واشوفها ديمه

يا فني جود و انصفني ديمه
يا لحني اشدو شعرا قويما
تصور الاقمار عرفت غناك
نزلت من السموات تسمو حداك
و ازدانت الحفلة و النور تجلى
يا الله زيد في الحب و العفة ديمه

فلتسالوني عن عيد الكواكب
الفيه نور الدنيا صفاه ساكب
صوت المغني اصف المواكب
دا الدهب المجمر بجماله انضر
دا الفل يحكي لونه ما احلى نونو
فشهدت استغراضا كان عظيما
و سهرت والاقمار لسواى ظليمة

الحقيقة حبي بعيد و بعيد سماه
و ما ذنبي لو عازل بالجور رماه
ليه التجني و انا راقي فني
و حلو التثني قد غاب عني
معروف هواى و طاهرات نوايا
و الا لو اصررت تكون اليمة
ساجفو و الاقمار لي داني ريمها[/align]

فيصل سعد 09-11-2005 08:08 AM

[align=center]

ايامنا
في الفواد ذكراها
ايامنا
حبي كيف ننساها
ايامنا
وما نحن لسواها
ايامنا
وللممات نطراها
نطراها


ايامنا
في الفواد الجوه
ايامنا
كنا دايما سوا
ايامنا
يا ام جبينا ضوا
ايامنا
يا النسيت الخوه

ايامنا
في الجزيره العايمه
ايامنا
والليالي الحالمه
ايامنا
والعوازل نايمه
ايامنا
والمحبه الدايمه


يا النسيت ايامنا
ايامنا
العشنا فيها غرامنا
ايامنا
[/align]

فيصل سعد 15-11-2005 07:25 AM

[align=center]عشقته من نظرة
و هو قلبه خالي
كيف الطريقة
البيها يتم وصالي
[/align]

فيصل سعد 18-11-2005 06:46 AM

[align=center]
رمز الجمال اذانا
ايقظ لهوانا
في الطيف ما غشانا
ليه يا قاسي تنكر
اخلاصنا و وفانا
رمز الجمال
رمز الجمال[/align]

خالد الحاج 19-11-2005 08:20 AM

[media]http://sudaniyat.net/Agani/alafkar.wma[/media]

Garcia 19-11-2005 09:20 AM

الله عليك يا خالد .. وما اجمل تلك الاغنية
الشاغل الافكار سلمتو قلبى وسار هل من عودة ليا

فيصل سعد 24-11-2005 04:51 AM

الفنان القدير العزيز /
خالد الحاج


التحايا المجددة بكل الحب لك و كل الاحباب.

فيصل سعد 01-12-2005 09:04 AM

[align=center]بين زهور الروضة
المبيضة لونها وعدني
هناك كنت اقول
و اآمل المأمول
و هل من المعقول
يزورني
زهر الرياض ميل
و مشاعري تتخيل
اشوف حبيب عمري
و الحالة تتغير
أمل عشقته و راح
و عشقت بعده الراح
يا حبيبي هجرك أضر
[/align]

عصمت العالم 02-12-2005 01:10 AM

الفنان المسافه..

امل عشقته وراح وعشقت بعده الراح..حبيبى هجرك..اضرا..

حروف تحكى..وتبكى,,وتنزف ..وله الجراح..وهل يكون هنالك ارتياح وطيف ذلك العشق يبرق ويتوهج ويضىء ..ويختفى...والكل على امل العوده..واحتمالات الشوفه...ورنين كل ذلك البهاء...والليل يمضى والتوقع يستمر والامل يخبؤ واللهفه تشتعل..والصوت يحفر عمق خبايا حس ا لليل الصابىء..والشجون تتبعثر..والفجر يفتح غبش الصباح على رؤى...والامل لازال يضج وينبض...ولكن...
لم ياتى ذلك الامل.. وطنين اللحن الشجن الشجون..وود القرشى يوزع نواح صوته.ويردد..فى اسى اللوعه..

حبيبى هجرك..اضرا...
وياله من ضرر...بليغ ..فى قاموس الريد وتفاسير المحبه...
ليرحمك الله ايها الفنان الشاعر المبدع الركن محمد عوض الكريم القرشى..


وسيظل الشكر متصلا..ومتواصلا ايها الفنان المسافه...دائما..تفتح منافذ تهب منها تلك الرياح العطر..وتفتح فيديو الذكريات لذلك الزمن الجميل..
عميق ودى

فيصل سعد 03-12-2005 08:41 AM

[align=center]الفنان
الاستاذ
القدير
المبجل/ عصمت العالم
التحايا المجددة بكل الحب لك و كل الاحباب .

بي سهر الليالي
أمرتني
بي طرفي الموالي
أسرتني
جمّدت حبي
عزلتني
ما تقدر الموقف
وتزورني مرة
وسيب المضرة

أنا قلبي عارف
حبّو ليك
إخلاصو ظاهر
في عينيك
ومهما بعدت
بيرجو فيك
قبل حاصل
وما عليك
ماتقدر الموقف
وتزورني مرة
عليك الله [/align]

فيصل سعد 06-12-2005 06:31 AM

[align=center]الحالم سبانا
احب طرفه الكحيل
اكرم لهوانا
يعيش محيو الجميل[/align]

فيصل سعد 08-12-2005 07:38 AM

[align=center]

سألوني مين عنك
عرفتهم
إيه الصفات عنك
خبرتهم
شافو الجمال منك
أقنعتهم
طولت لكنك
انا يا حبيب الروح
أعفيني من ظنك
محبوبي الجميل

سالمني بإيدو
والدمع انهمر
ذكرني بريدو
في أوقات السمر
ساحرني بمحيو
و جنني و أسر
شاغلني بنورو
و كم أخجل قمر
بس تنسى كيفنك
و إنت الوحيد بالذات
الكنا ذاكرينك
محبوبي الجميل

وفيما الملامة يا روحي
وكل هياما يا روحي
ويامن تعامى يا روحي
سلاما سلاما يا روحي
وذكرى محب يا روحي
تموج بقلبي يا روحي
وأنت بقربي يا حبيبي
حياتي و حبي يا روحي
أهنأ وانت بعيــد
ما كنا ناسينك
و الحب عليك إزداد
غمر النفوس ضنك
محبوبي الجميل

لحن الحياة منك
و ما تقول نسينا الماضي
و صرنا ناسينك
محبوبي الجميل[/align]

عصمت العالم 09-12-2005 10:28 PM

الفنا ن.... الاستاذ المسافه



حين تسترخى الذكرى على حضن الذكريات..تسرح وتسبح فى ملكوت ذلك الزمن الفريد..حين تختلط قياسات كل تشكيلات الروائع فى بوتقة ذلك الانسجام المنح..بمساحات رضا الانفس واتساع دوائر تمدد الجمال فيها..وذلك الرضا والتسامح والترابط والعشق لكل ما هو جميل ونافذ ..واستوى مع ذلك الشعور الفياض همس المساء ومناجاة الليل العاشقين للفن والسهر والجمال طويل ومورق وملهم وفنان,,,,وجميل....والاحساس يشراب فى جنوح توقعه لكل ما يفتح طاقة للحب وللامل وللنجوى وللمناجاه ولرحيل السعاده فى شجون ذلك الحس المترع بروائع كل شىء...
كان المساء دائما مورقا نديا منفتحا ومتفائلا وحاملا فى كفوفه قناديل ذلك الضياء وفاردا فواح عطور تعبق بشذى الروائح وتنضح بجمال كل الوجوه...ينتظر المساء وهو يتحرق الى ان يكتمل العدد.ويجلسون.والضحكات تسرى همسا وهى تشعل الليل فتنة وايراقا وبهجه.وود القرشى فى جلبابه الناصع البياض يجلس مواجها الجمع على سرير عريض .تحفه قلوب كل الاحباب ويدا الايقاع بعلبة ثقاب يحركها ويقود بها اوركسترا عزفه الفريد وصوته يخترق صمت الليل ويعانق ضوء الفمر الراقص فى انسجام يحمل كل الحضور الى افق حضرة الجمال فى بهاء ذلك التفرد وتسرى النشوه فى اعماق كل حس يتدفق تعربد الاحاسيس فى هيجانها وهى ترنح بدفق كل ذلك الشعور.والصوت يخترق ويتخلل ويحلل ويشجى ويطرب ويشجى..وهو يردد.
قابلتى يا الهاجر..
هجرك ..اضرا..
طال.واستمرا..

الى ان يصل تهدج الصوت وهو فى جيشان طربه ونشوته وتفرده..

امل عشقته وراح..
وعشقت بعده الراح..

وراح المساء وراح الحضور وراح الزمن والارواح فى صفاء كل ذلك تحلق فى غفوة مدى من سحر والق .وجمال وقدره...

ليعطر قبرك المولى ايها الفنان الشاعر المبدع محمد عوض الكريم القرشى...بقدر ما اشجيت واسعدت واحييت..
وهكذا تتقلب الذكريات فى وشاحات من دثار حريرى مرفه..وباذخ تتقلب فتقلب مضاجعنا وتنقنا اليهم فى عوالمهم البهيه ...يا له من زمن جميل وفاره ومتسع ومعطاء

عميق التقدير لك.... ايها الفنان المسافه

ونتواصل بكل ذلك المد

فيصل سعد 13-12-2005 08:39 AM


مرحبا بعودتك يا عصمت العالم
ايها الفنان الاديب الاريب الكنز,

نستعرض هنا بعض اعمال الفنان الراحل
عثمان الشفيع مع شعراء اخرون و كذلك
نحاول ان نستقصي بعض اشعار الراحل
الشاعر محمد عوض الكريم القرشي مع
فنانيين اخرون و ذلك لاثراء البوست و
مزيدا من التوثيق و الذكريات و الخواطر.

أنساني وأنا أنساك
عبد المنعم عبد الحي


أنساني وأنا أنساك
والحلوة القضيتا معاك
تصير مرّة
ونتقاسم مرار البين
أنا ويّـأك

حبيبي الدنيا يوم بتروح
لا بدوم لا فرح لا نوح
ونحن اليوم ورود بتفوح
غداً نصبح حطام احلام
وتزرونا الرياح في الدوح
فليه قلبك تزيدو جروح


حبيبي يا الظالم المظلوم
حبيبي يا الحالم المهموم
افيق واترك عزيز النوم
واحلام تائهة في دنياك
هناك لو دام
سحابة يوم
حبيبي الدنيا ما بتدوم


حبيبي الما جفاك نضار
وما أضنت رؤاك أشواق
وما فجعت هواك أيام
وما كحلت سهاد عيناك
شربت من المودة دوام
ومن كأس السلامة سلام
خلاص أنساني وأنا أنساك
نتقاسم مرار البين أنا وياك

فيصل سعد 16-12-2005 08:57 AM


عثمان الشفيع

فن وابداع شجئ متفرد لا يمكن تجاوزه. مدرسة فنية زاخرة في زمن الفن الاصيل الذي يحمل كل معاني السمؤ والخلود. كان الشفيع ياخذ لنفسه مقعداً مريحاً في خارطة الغناء السوداني. شارك ومشي علي نهج مدرسة الراحل المقيم الكثير من المبدعين.


[align=center]
اللون الخمري
السر دوليب


اللون الخمري ليلة
والخد الزهري ليلة


زور يا غرامي
لو في منامي
شوف اللامي
و دمعي الهامي ليلة

الشوق فاض بي
والليل طال بي
ما تردي علي
يا نور عيني ليلة

في الليل الهادي
يا ناسي ودادي
الجوه فوادي
ببكي واغني ليلة

يا طير الجنة
الغرد و غنى
اطربنا بلنحنك
وميل واتنى ليلة

بكيت بدموعي
وطفيت لشموعي
كتمت هواك
انا جوه ضلوعي
ليلة

كتير حبينا
حليل ماضينا
رمال النيل
الشاهده علينا ليلة

صدفه جميلة
مافي مثيلها
سلبتني جناني
خلتني عليلا ليلة
[/align]
[/color]

عصمت العالم 18-12-2005 12:33 AM


العزيز الفنان..المسافه...

اتفق معك.لان مدى الشفيع تمدد عبر عطاء من اخرين..لتقف لحظات الموزنه فى تفرد العطاء الذى يوحى ويمنح .ويعطى من فيض اسراه ما يربك المشاعر ويثير الشجون..ولعلك اخترت...شاعرا غريدا...جمع بين الادب .والعسكريه..الرفيعه المقام. وبين السيف والقلم..ورقة الاحساس الرفيع.الشاعر الفنان عبد المنعم عبد الحى..ذلك الضبابط الملتزم المنضبط..الذى فاض حبه وطغى ورسم امدرمان بشجن دفق حبه.وتغنى بالجمال وللجمال واضاف الى حصيلة الاغنيه الشودانيه من رصين سجع الكلام ما منح دفعا ودفقا لن يتكرر..

وانساتنى..وانا بنسى...
تابع شجن الوحيح..واختزاز زمن لهفة العشق فى إتكاءة المشايله الصبابه والاغراق..فى مناجاة سجع..كيفما اراد لها ان تكون....وتغنى بها الشفيع..فكانت ردة الاجابه التساؤل..وهو يصدح فجمع فى شجون رقة همس التساؤل رد الجواب..
فالظلم بين بين الحبيب والمحبوب ...والظالم هو القدر

عبد المنعم عبد الحى..رائد فى فن الشعر ا لا يجارى.الاعلام والتوثيق السودانى اهمله كثيرا.هو تشكل فى عطاء مستفرد ورائع وكثبف وغنى له الكثير من الفنانين..لا استطيع ان احدد او ان احصى..عامل الزمن..والسن..والغياب .قد طش بصفاء الذاكره.لكن ان اعنت..ستشحذ اخاديد الذاكره وتطفح ما يختزن فيها..وبها..

الفنان المسافه..
الصينيون عزفوا .واستمعوا وشاركوا الفنان عثمان الشفيع فى رحلته الى الصين فى خمسينيات القرن الماضى..ولما اتو مع فرقة الاكروبات السودانيه تغنوا بتلك الاغنيه.واشادوا بعثمان الشفيع..وباللحن..وهو الاقرب للسلم الذى تعزف به الاغانى الصينيه..اردت ان استرجع الزمن..و الذكرى..كى نهبط على مدرج يمنحنا هداة الهبوط بسلام...يجعلنى اراجع بعض الاوراق اريد ان ادلى بافاده قراتها قبل التاكد...

الفنان المسافه..
انت تطرق زمان الناس..ونحن زماننا الترحال..خببا..وهرولة..وسعيا.وحسا.وتذكرا..واستدعاء ا.يلزمنا..ونلزمه.زبكل صدق دفق حقيقة ذلك الشعور.والوفاء لطواقم الاحبه..الذين لا زالوا يضنون بالافصاح.لذلك الزمن الجميل.والوفاء للذين رحلوا..وياتون وهم يهمسون الينا ان نعيد فتح كل ملفات الذكريات..فنحن نعيش بين زمنين..ضنين .ومعطاء..وبين هذا وذاك..تستلقى نيران لهيب الحريق..
عميق التقدير..
وساعود للمرهف دكتو السر دوليب..وهو ينتمى الى بصلة الرحم..اعشقه..واستلهمه ..ساعود فى حديث يطرب..ويشجى ويعيد..

كل الاعزاز ..ايها المدى البراح

dayami 18-12-2005 11:38 AM

رب الفن

محمد عوض الكريم القرشي


تعال يا رب الفن يا سيدي
وفيك نظمت الدر نشيدي
تعال يا حبيب اه
تعال بيك الامال جديده
تعال اللحظه معاك سعيده
اوريك فنوني يا وحيها وعوده
اوريك شجوني المرسلة لعيوني
تعال ان ليك في قلبي ريده
معذبة تشتاق لي وحيده
تعال حبيبي تعال
حذاري تالمني حذاري
وكتير يا اليك ما طاب مزاري
بخليك لانك ما ارواني دنك
واقول ليك هجرتك
وتكفى الذكرى عنك
انا الفي هواك عفيف وبائن
يصح تعذيبي واحتقاري
كتير ده كتير اه اه
تعال يا رب الفن يا سيدي
تعال
هب الحب حباني بي لطفو واحتواني
قال لي كنت عنيف بتعرفوا
ما قصدت اهوى براك شوفوه يا ظرفو
تعال يا اخلاق الملائكة
ودنيا الحب اسلاكه شائكه
تعال يا حبيب
ترنم نغماتك واسبح في اهاتك
وغني البلابل منتظره صيحاتك
اعزف عودي يا رب الفن ذاتك
انا وانت الاحلام نعيده
روحي يا روحي الليله عيده
تعال يا حبيبي ..

dayami 18-12-2005 11:40 AM

عشقتو من نظرة هو قلبو خالي
كيف الطريقا البيها يتم وصالي
ما أصلو ما ممكن يرد لي سؤالي
كأنوا ما شاعر كيف بشغل بالي
يمر علي كالطيف وتضوي اللآلي
العقل فار واحتار فيك يا غزالي
سألت مين ياناس هذا المثالي
اليانعة وجناتو والخصروا بالي
المحتشم ومهذب وطرفو حالي
هل حور أم أنسان أم شيء خيالي
وفضلت أترقب برقو الموالي
وأمتع النظرات في كل غالي
ياالرموش العكسن اعتدالي
ويا ناس أجيبوني عن سؤالي
عشقتو من نظرة هو قلبو خالي
كيف الطريقا البيها يتم وصالي
وقالو لي ده الملهم في نفسو عالي
وفارض علينا هواهو وهو سالي
ده المستحيل ينزل من العلالي
ده الموحي للشعراء الدرر الغوالي
عشقتو من نظرة هو قلبو خالي
كيف الطريقا البيها يتم وصالي
ولكن غرامي عفيف وأنا ما ببالي
وروني وين أهلو أكسب منالي


--------------------

dayami 18-12-2005 11:42 AM

في الشاطي يا الحبان

محمد عوض الكريم القرشي


في الشاطي يا الحبان ساهرتو بينا
الليله يا الحبان ساهرتو بينا
عند النهر والنور
والساقيه بينا تدور
القمري يحكي الحور
وانا الفنان
الموج يداعبنا والحب يقربنا
الشاطي يفرحنا والحب معاهو كمان
يا حليل ربوع شندي
بلد الجمال عندي
الفيها انا فني والمتمه امان
نذكر وطنا دوام
وحده وعمل وسلام
سيبو الخلاف يا عظام
دايرين يكون لينا شأن
مجلس نبيل طاهر
فيه الادب زاهر
لي نيلنا بنفاخر
وبي وطنا السودان
في الشاطي يا الحبان
ساهرتو بينا ..

فيصل سعد 19-12-2005 06:57 AM

[align=center]شكرا dayam
للمشاركة و الاضافات
و معا نواصل :


هيا يا شباب
هيا للامام
سودانا قد
مل الخصام
حرية كاملة
هي المرام
تاخذ و لا
يجدي الكلام
فحذاري ان
وطنك يضام
و حذاري ان
يصبح حطام
جهل و فقر
و انقسام
فلنتحد
و يجب نعيد
في وطنا
امجادا كرام
[/align]

فيصل سعد 23-12-2005 06:36 AM

[align=center]
هب الحب جاني
و حباني بي لطفه
قال لي كنت عنيف
انا حبي بتعرفه
ما قصدت اهوى براك
شوفوه يا ظرفه
تعال يا اخلاق الملائكة
ودنيا الحب اسلاكه شائكة
تعال يا حبيب
ترنم نغماتك
واسبح في اهاتك
وغني البلابل
منتظره صيحاتك
انا وانت الاحلام نعيدها
روحي يا روحي الليله عيدها
تعال يا حبيبي
[/align]

بندر شاه 23-12-2005 08:30 AM

[align=center]
اضافه صغيره :
ود اللحو يرثى ود القرشى للشفيع عليهما رحمة الله و غفرانه

[media]http://sudaniyat.net/Agani/OdtaYaEad.mp3[/media]
+
رابــط للحـفــظ

***[/align]

فيصل سعد 23-12-2005 09:12 PM

[align=center]الفنان بندر شاه
شكرا لاضافة تلك المناحة النشيد لود اللحو في ذكرى و رثاء
ود القرشى و الشفيع عليهما رحمة الله و غفرانه.
" و يا حليل قعدات الخريف تحت التبلديات"[/align]

فيصل سعد 03-01-2006 08:15 AM

[align=center]
رب الجمال كفاه
الغالى رضاه
العالى سماه
تنظر سر عظمته
و تهرب من لقاه
يغريك بى عيونو
و يشجيك من فنونو
لكن هو المحال
رب الجمال
رب الجمال

رب الجمال اذانا
ايقظ لى هوانا
فى الطيف ما غشانا
ليه يا قاسى تنكر
اخلاصنا و وفانا
لمين اشتكيك
انا المجبور عليك
كفاية الاحتمال
رب الجمال
رب الجمال

غرد يا كناري
و حاكى العندليب
و ابسمى يا خميلة
فى اليوم الحبيب
قد دنت السعادة
و قد زال النحيب
عطف اليلة بي
و شرفني الحبيب
فنعمنا سوى
فارقنا النوى
و هتفنا لنرشف
من هذا المنال
فملانا كؤسنا
و غمرنا نفوسنا
من فيض الجمال
رب الجمال
رب الجمال

المالك شعوري
انا لى فيك امال
رب الجمال
رب الجمال [/align]

عصمت العالم 03-01-2006 06:22 PM


الفنان المسافه...
كل عام وانت بوهج ذلك الكهرمان...واخضرار المنى..

يا صديقى....

مواكبة الزمن..وطرب تنقله.وهو يرحل بنا الى افاق العملاق ود القرشى وزمانه المترف.والى زمان الفاره عثمان الشفيع..الى ضفاف الصفاء الممتد.فى ربوع مساحات مسارات كل ذلك الحس الرعش..فى تحلق مدى تلك الايام وهى تسكب من اداء دفق عطائها كل تلك العذوبه والجمال..ووالاحساس والوجدان والشفاه والشعور تنهل من كل ذلك الرحيق.حتى اللحظه والى ازمنه قادمه.هذا العطاء العتق.. الذى ينسرب فى الضلوع فيشعل اوار الحريق..يعيد للزمن رونقه ان سمعته اليوم..ويشحذ الحواس والشعور..ويلون سماء الكون....
لنحلق ..مع...
لو قالوا لى الافلاك عليمه..
انك تراها.وتلمس ..اديمها..
يا ريتنى...يا ريتنى..


ليتمادى مدى كل ذلك التمنى ليعبر زمن كل الاجيال ليبقى معلقا فى رحم ذاك الترجى البريق..
استمتع اليوم.. الى وطن الجدود..الى ذلك النداء الذى انطلق منذ خمسون عاما..ليتحقق فى سلام وانهاء الحرب.رؤيه مبصره معبره نافذ للمستقبل... ولننظر الى عبقرية المكان ..فى البان جديد..والدنيا عيد...هل فرح العيد الان بكل زخم تلك العفويه والبرأءه..؟؟ يا لملامح زمن مشع قد مضى برجاله وركابه لكنه ان هبت رياحه الان ستسكر شجون كل فرد من نبع تلك الكلمات الابداع والالحان العبقريه.والجمال المصاحب..
الاستاذ الفنن المسافه...

سيظل تتابع كل تلك الانغام فى حلقات دوران الزمن ..ترش من عبق عطرها كل فواح الشذى..وسنظل نحن نعتلى زمن ود القرشى العظيم.والحانه الجمال..ونسرى مع صوت العملاق عثمان الشفيع وهو يعود بنا الى ربوع شندى....

الحديث ذو شجون..وذو انين..وارتجاج....

ابق بكل خير.وانت ترفع تلك الاعلام الالويه الجمال والفن..

عميق ودى

فيصل سعد 04-01-2006 07:55 AM

الاستاذ/ عصمت العالم
عشرات حبابك سلامات
و كل عام و انتم بخير...........


[align=center]نذكر وطنا دوام
وحده وعمل وسلام
سيبو الخلاف يا عظام
دايرين يكون لنا شأن
مجلس نبيل طاهر
فيه الادب زاهر
لي نيلنا بنفاخر
وبي وطنا السودان
ساهرتو بينا
في الشاطي يا حبان
ساهرتو بينا [/align]

فيصل سعد 15-01-2006 07:48 PM

[align=center]
مال نسيم الليل بي برودك
نامت الازهار فوق خدودك
غرد العصفور فوق عودك
النفوس ما اتعدت حدودك
ما عرفنا عدوك من ودودك
بس أنا المقسوم لي صدودك
يا حياتي وأملي اللي راح[/align]


الساعة الآن 04:00 PM.

Powered by vBulletin® Version 3.8.8 Beta 2
Copyright ©2000 - 2021, vBulletin Solutions, Inc.