يا أخي الكُبر دآ حاجة ثقيلة بشكل
أخي الحبيب الدبلوماسي جداً، إبراهيم عبد المنعم
هو يشكي وأنا أشكي من؛ الوجع والآلام والفتر الأمنيزيا الزهج... بعفوية شديدة قال ليا: يا أخي دآ كان مستخبي لينا وين؟؟ وهو يقصد الكُبر.... مدخل لموضوع!! معايش من العديدين ومستغرب من التانيين والتالتيين أخير ليهم يفتحوا عيونهم.. ما الفنانة قالت: الما ضاقهو وأنا أقول: أكييييييييييييد بيضوقهو... :cool::cool::cool: |
غايتو يا بكور كان أنت أعترفت بالكبر نكون نحن أنبرشنا عديل
أنت مشيت بلد العرب ليه ياخ .. كنت فى لندن زى كورة التنس تنطط وقطعت نفسنا وركبى تشهد تعرف الكبر مرات الزول بنساهو مرة واحدة .. يجيك حفيدك طاير يعمل ليك خزلان شديد :D:D |
قَالَ رَبِّ إِنِّي وَهَنَ الْعَظْمُ مِنِّي وَاشْتَعَلَ الرَّأْسُ شَيْبًا وَلَمْ أَكُنْ بِدُعَائِكَ رَبِّ شَقِيًّا.
صدق الله العظيم |
عماً لينا
عاش حياته كلها شباب لا يعترف بالكبر بالرغم من عمرو ... ضاربا ليك بوز وعايش حياتو كأجعص شاب الاجازة الفاتت دي أحبطني لقيتو وكأنو كبر فجأة في العمر 20 سنة مرة واحدة وعلى العليهو ظهرت في وشيهو عدد محترم من (التالولات) مختلفة الحجم سألتو : الحصل عليك شنو يا شيخنا؟ قال : ما عندي عوجة ... بس دي عواليق الكبر التافهة دي :D |
عجزت يا ود عمتى وبدأت تصدح بالشكوى....اخوك برضو.....تعال نجدد شبابنا....انزلاك البلد....ونسة مع الحنان وفنجان جبنة فى ضل تمرة دواء كل علة
https://www.youtube.com/watch?v=LF4HVd5vcGM |
اقتباس:
|
اقتباس:
شوف دا حاول يجدد شبابه https://www.youtube.com/watch?v=O13ct-TB_p8 وبعد شهرين ودع http://www.seekpress.com/article-61592.htm |
اقتباس:
اقتباس:
ولو لم تأتي بهذا البوست لعرفناك وقد طالك الكبر .. وخلينا مستورين لامن صاحب الوداعة يأخذ وداعته .. على كل هي مرحلة عمرية يمر عليها كل من يدركها .. ومرحلة الأوجاع ديه بسيطة .. وانظر الشاب قيس إلى جوارك .. متعه الله بالصحة والقوة .. هكذا الحياة .. اللَّهُ الَّذِي خَلَقَكُمْ مِنْ ضَعْفٍ ثُمَّ جَعَلَ مِنْ بَعْدِ ضَعْفٍ قُوَّةً ثُمَّ جَعَلَ مِنْ بَعْدِ قُوَّةٍ ضَعْفًا وَشَيْبَةً يَخْلُقُ مَا يَشَاءُ وَهُوَ الْعَلِيمُ الْقَدِيرُ ) الروم : 54 وفي يومك هذا نزف لك خالص التهاني .. وعقبال الـ 110 شمعه :D |
اقتباس:
وشكرا على مباركة الذكرى والتذكير ... بس حكاية "الروم" وماااااا بنعترض على قدرته تبارك وتعالى.. لكنها محبطة شوية، موضع الضعف البعد القوة.. :). |
اقتباس:
ما المصيبة حتى لو مشيت الصين والأيام ماشة بيجيك بيجيك... حبيب الما بتعز عليك، حمدي بيرم.. قال ليا: بالله الأحفاد يهبلوا بالزول... تقعد عشان تضحكهم تتهابل.. بس بيني وبين قولة: ما أحلى من الضنا، إلا ولادت الضنا.. أمشي قول ليا للآ هي ما كدآ وبيقول كدآ وكدآ.. خرف لفا الفكر وبيهو إنحرف... هو الواحد لو مشى آديس طراوة ساااااااااااااكت وخضرة وزيد على كدآ حفيدات سآبينا والصحابة... فرجة فيهم بتفرج دون حاجة لإرتكاب حماقات... تمنها الحياة التعبنا لملمناها :cool: |
اقتباس:
والله شيب الراس بالصبغة بينقدر عليهو المشكلة في العضام البقت برآآآآآآآآآآآها تطقطق ذي حب الفشار لا وفي حاجات تانية ما مكانهو ذكرها :cool::cool::cool: |
اقتباس:
ويييييييييييييييينك يابا |
اقتباس:
أمانة في ظمتك بقآ في روح للونسة، الواحد مكشر دون سبب وبطنه طااااااااااااااااااااااامآ لا وكمان تقول تشيل فنجان الشاهي ولا قهوة إلا تلبس مريلة، يندفق فيك... والتمرة دي بي سنون منهو ولا ضروس شنهو ما هو الخشم بقآ ما فيهو إلا لسان وتلقاهو طوالي شارد من الخشم بعد السنون البيحبسنهو شردن.. غايتهو إلا نقول الله غالب :cool::cool::cool: |
اقتباس:
ههههههههه والله ضحكتنى ربنا يجعل نهارك باسما....ياخى انت بس تعال بنعزليك المعصود الما محتاج لسنون ....يمصوا مص مع فنجان الجبنة اسأل العمدة عكود |
ياخي بعد الشر عليك والكبر ..
قالو متألم شوية ياخي بُعد الشر عليك النضارة الفي شبابك والطفولة الفي عينيك والقلوب الحايمة حولك يا حلو بتتمنى ليك بكرة تشفى وبكرة نفرح يا رفيق العمر بيك ياخي بُعد الشر عليك انت يا نبع المشاعر ما بصيبك الا خير نحنا مشتاقين وحاتك ونحنا مشتاقين كتير والله ما صابرين دقيقة حتى من مرضك نغير ياخي بُعد الشر عليك انت ما شبه الدموع انت ما شبه العذاب انت ما كلك عواطف وانت ماكلك شباب العمر عندك اسير والعمر غيرك سراب ياخي بُعد الشر عليك https://www.youtube.com/watch?v=2iucCGb80cQ |
الساعة الآن 09:13 PM. |
Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.