بين مدرستين
[align=justify]الناظر محمد أحمد جقلاب، رائد التعليم في المنطقة، حارب مع بابكر بدري ظلام الجهل في مختلف بقاع السودان. آتاه الله من الحكمة والذكاء وفن التعامل ما يُضرب مثلاً حتى الآن.
عند تقاعده وضع هدفه "مسح الجهل عن رجال البلد ونساءها" . نجح في ذلك واستطاع أن يتغلّب على كثير من الصعاب. شيخنا فضل السيد وحيرانو أكملوا بناء الخلوة والتفتوا للّوح والعماري ومسح صدورهم بالقنتات. الناظر محمد أحمد زار شيخ فضل السيد في خلوته ليبارك له اكتمالها. بعد واجب الضيافة، دار الحِوار كالآتي: الناظر: ما شاء الله، شيخنا فضل السيد، والله عاد خلوةً سمحي بالحيل. بس إن كان سوّيت لها بَرَبيت يبقى لي بتكون أسمح. الشيخ: الله يبارك فيك آ الناظر، لكن البربيت باقي لك بيزيد الخلوة وَسَاع؟ يضحك الناظر أمام المنطق القوي للشيخ ويمنحه إبتسامة كلّها توقير ويقول: نان آ فضل السيد آ خوي، الزيق قاع يزيد الفردة ضراع؟ للتأمّل! [/align] |
استاذنا البشوش دائما
و الله فعلا وقفه تامل جميله جدا ربنا يديك العافيه بسمله |
حمد الله على السلامة يا بسملة . .
كل عام وأنتِ بخير. اقتباس:
هي وجهات نظر جديرة بالتأمّل. تسلمي. |
سلام يا عمدة يا حبوب :
كدي اول بالتبادي ورينا البربيت دا شنو؟ :D:D "من شان نسوي واجد تفكير معاك ارباب، بربيت دا سامان ما نعرف .زين حبيبي" |
حصيلة تأملي:
دا أول بوست يكون بدايته "عكود" ونهايته "فيصل سعد" وما يكون مرفوع |
اقتباس:
يديك العافية. |
سلاااام يا فيصل،
البربيت ما بتعرفو؟ طيّب ضيفو عندك للبوست بتاع المصطلحات. ده يا سيدي زخرفة من الحجر أو الطوب تبنى على محيط السقف من الناحية الخارجية. ما سمعت ود الأمين في المناحة؟ تبكيك الجوامع الإتبنت طابقين . . . ذاكر فيها البربيت برضو. تحياتي وتعال تاني، بس ما تجي تسألني عن "الفردة" أو "الزيق". :D |
اقتباس:
بعد ده ما فات فيهو الفوات، ألف شكر على المرور و . . التأمّل. |
اقتباس:
بربيتكم دا نحن بنقول ليه "ترويسة" ، اما الزيق و الفردة معروفين قطع شك :D لكن بندلعهم و نقول الشخيت و الغطاء :D:D . لعلك تقصد تبكيك الجوامع الإتبنت ضانقيل و الضانقيل = الطوب الاحمر و دا برضو نحوله بهناك، و لازم تعرف اخوك برضو تفتيحة و شفت و غتيت :D:D تماما زي الطيب جنابو صاحبنا بتاع المديدة و العود و الحفرة :D:D دايرنك انا و شبارقة متغالطين في كلمة قعمز بمعني صنقر و استريح و تمجلس ، هو قال ليبية و انا قلت خليجية و دايرنك تجي تقطع الشك باليقين و تحسم الموضوع دا بهناك. |
اقتباس:
والغريبة عارفها "الضانقيل" وما "طابقين" زي ما ورد في مداخلتي . .ما عارف الخلاّني أكتبها طابقين شنو . . يكون البرد يا ربّي؟ جنابو، الله يطراهو بالخير، إفتقدناه كثيراً وافتقدنا كتاباتو الطاعمة جدّاً إشاراتو اللّمّاحة سربعتو وسماحتو الما ليها متيل. وبفض إشتباككم إنت وشبارقة . إنت بس كدي قعمز شوية واقرا رد الناظر محمد أحمد بعد توضيح البربيت أنا ما أعتقد في رد أبلغ من كده و بنفس السجعة مع اختلاف مدرسة كل منهما. برضو . . تعال راجع. |
اقتباس:
|
فيصل وعكود
الله يعليكم ويرفعكم |
اقتباس:
|
الحبيب عكود
والاخوة المتداخلين يعطيكم العافية أعتقد ان المدرسة الاولى مدرسة الشيخ المتصوف المتنزه عن الدنيويات ويكتفكي بالضروريات, أما المدرسة الثانية مدرسة الناظر هي مدرسة الكماليات والوجاهات والجماليات والله جميل يحب الجمال. فكلاهما على حق من وجهة نظره للامور كمتصوف وكسياسي ولا يخلوان من فطنة وذكاء. لكم الود |
اقتباس:
بكون ..ما دام فيها طبيق .. http://sudanyat.org/vb/image.php?u=1...ine=1128926738 اقتباس:
ما بتزيد الوجيه دا متاع .. |
الساعة الآن 12:49 AM. |
Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.