سودانيات .. تواصل ومحبة

سودانيات .. تواصل ومحبة (http://www.sudanyat.org/vb/index.php)
-   منتـــــــــدى الحـــــوار (http://www.sudanyat.org/vb/forumdisplay.php?f=2)
-   -   تضامنا مع الصحفيه لبنى- دعوه لجلد لاعبي كرة القدم (http://www.sudanyat.org/vb/showthread.php?t=11421)

مي التجاني 15-07-2009 03:32 AM

تضامنا مع الصحفيه لبنى- دعوه لجلد لاعبي كرة القدم
 
تضامنا مع الصحفيه لبنى
دعوه لجلد لاعبي كرة القدم
بعد فشل السلطات في حماية المواطنين في مختلف الاوقات وتوجيه جهودها لمهام مكن ادائها كترويع العباد،
و تضامنا مع هذه السياسات فانا اتقدم بدعوه جاده لجلد لاعبي كرة القدم واحتياطا كل ممارسي الرياضه في السودان.
يرتدي لاعبي كرة القدم شورت لا يصل حد الركبه، الركبه قد تكون حد شرعي لزي الرجل وعليه وللمساواه في تطبيق احكام تمكين السلطه،
وللمساواه بين الرجل والمرأه، ولتعميم المهازل ولاسغلال الدين وتوجيهه وتأويله لمصالح شخصيه، ادعوا لضرب كل الاعبين وكل من سولت له نفسه ممارسة الرياضه في السودان.

hatim ALi 15-07-2009 07:51 AM

يا مي سلام

لاعبين الكورة المساكين ديل مالك جايبا ليهم الكلام

الناس ما جايبة خبرهم ساكت ياخي

حسة نبقا بعدين في جلد اللاعبين قبل المباريات و نشيد العلم

ياخي بالغتي لكن

hatim ALi 15-07-2009 07:58 AM

ه

أنا شخصياٌ لن أستغرب لو تم جلد (طفلة رضيعة) في السودان لأنها ترتدي (بامبرز) !
===================================

تحت تهمة ( التزيؤ بزي بزي فاضح أو مخل بالآداب العامة يسبب مضايقة للشعور العام )
====================================


تحت نص المادة 152 - 1 من القانون الجنائي السوداني لسنة 1991

(من يأتى في مكان عام فعلاً أو سلوكاً فاضحاً أو مخلاً بالآداب العامة أو يتزيا بزي فاضح أو مخل بالآداب العامة يسبب مضايقة للشعور العام يعاقب بالجلد بما لا يجاوز أربعين جلدة أو بالغرامة أو بالعقوبتين معاً)

فالقانون لم يحدد مواصفات الزي - الفاضح - الذي (يضايق) الشعور العام ، كما انه لم يحدد (سن) المجرم \ة الذي - التي - يضايق -تضايق- الشعور العام ده !

و بالتالي بمنطق القانون نفسه ، يعتبر إرتداء الطفلة الرضيعة للبامبرز جريمة لأنه زي - فاضح - و مخل بالاداب العامة - كمان ، و (يضايق الشعور العام) كمان.

ههههههههههههههههههههه

محن !

مي التجاني 15-07-2009 09:16 AM

ياحاتم لازم يكون في مساواه في موضوع الضرب ده،،
ما ممكن دايما البنات هم الحيطه القصيره
وماممكن الزول كل مايجي طالع الصباح يخت كل الاحتمالات امكن ارجع مجلوده ولا لا

ام التيمان 15-07-2009 12:50 PM

زيك الاخت مى / و الاخ حاتم ..
موضوعك ظريف . و كمان ضحكنى كلام حاتم .و لكن فجاءة سكتة .امكن اكون مضايقة للشعور العام.!!!..و يمين و شمال اتلفت . قلت بسم الله الرحمن الرحيم . انا قاعدة فى الغرفة براى .. و لكن للحيطان اودان و قمت قوام للشبابيك و الابواب قفلت .

حقو اجلدو اى واحد عندو دقن 40 جلده لانو دقنو تسبب لنا الضيق فى الشعور العام ..

ناصر يوسف 15-07-2009 01:28 PM

اقتباس:

المشاركة الأصلية كتبت بواسطة ام التيمان (المشاركة 154385)
زيك الاخت مى / و الاخ حاتم ..
موضوعك ظريف . و كمان ضحكنى كلام حاتم .و لكن فجاءة سكتة .امكن اكون مضايقة للشعور العام.!!!..و يمين و شمال اتلفت . قلت بسم الله الرحمن الرحيم . انا قاعدة فى الغرفة براى .. و لكن للحيطان اودان و قمت قوام للشبابيك و الابواب قفلت .

حقو اجلدو اى واحد عندو دقن 40 جلده لانو دقنو تسبب لنا الضيق فى الشعور العام ..

[align=justify]هههههههههههههههههههههههههههههههههههه

[align=center]:p:p:p[/align]

عليكي أمان الله لآآآآآآمن وقعت من الكرسي من كترة الضحك

مبااااااااااااااااالغه لكن يا أُم التيمان مباااااااااااااالغه :p:p:p


أحييييييييييييييييييييييييييييييييييييييَا أنا

من ناس ديلا واااااااااااااا ذُلي وا مأساتي وااااا


وا وجع مرارتيييييييييييييي
[/align]

بابكر مخير 16-07-2009 08:45 AM

مي
يما بوستك مبالغة
طرفة وحكمة
حكمتو في قدرت الظالم إبتداع مسببات في "تحكيم" الروحانيات لأمر في نفسو،،
يا أخي دآ في الحج النسوان وشوشن كاشفة، قالوا الرواة: خذو نص دينكم...
غايتو ربك يسهلآ (بأي شكل)
الطرفة أم التيمان أبدعت في إظهارا وأريتو!!!
أريتو شنو ما سيلفاكير ظاتو عامل دقن..
لكن العيزيين جلد وبالجد!
ديلا وديكآ المن قبل ما يكونو
كانو ناس كداري وحسي!!
عربات مستوردة من كلادراي (وكيل المآزدا بالإمارات)
وناس صرة حجر من الجوع في البطون وحسي!!
حياة ريجنس والهيلتون..
من ناس ديلآ
وآآآآآآآآآآآآآآآآآآ
آحيآآآآآآآآآآآآآآآآآآآآآآآآ

ابومشعل 16-07-2009 10:24 AM

2 مرفق
[align=justify]يا جماعة الخير وفقاً للشريعة في السودان وقانون النظام العام لحكومة الانقاذ من يستحق الجلد بين الصحفيتان المنشور صورتيهما ادناه :

زينب ببنطلونها وشعرها المنسدل في حضرة الرئيس ؟

ام

لبني بطرحتها النازله على اكتافها وسط البنات ؟؟
[/align]


ملاحظة : اضغط على الصوره لرؤيتها بحجم اكبر .

المليجي 16-07-2009 10:43 AM

سلام الاخوة الموجودين بالبوست
على سيرة الجلد دا في عمك كبير في السن وعندو دقن:D
باقيلي مي كرهت الدقون خلاص
الزول دا في السوق العربي دايما بتواجد قريب من الملتقاء بتاع طلاب جامعة السودان مع طلاب النيلين في الناصيه الموجود فيها المحل العريق بتاع نوري للعماري الممتاز
عمكم دا يا جماعة الخير ما كان بخلي بنت لابسه شاز بتعدي من جمبو الى يديها صوت ولا صوتين بتزكر البنات كانو بضايرو قبال يدخلو الناصيه دي ياترى عمك دا عايش ولا لحق الطيبين!! اخر عهد لي بيهو كان قبل 4ولا 5 سنين كدا
يا ريس عندك خبر عن عمنا الجلاد دا ؟؟

نبيل عبد الرحيم 16-07-2009 05:54 PM

http://sudanyat.org/vb/attachment.ph...5&d=1247735834

http://sudanyat.org/vb/attachment.ph...6&d=1247735928
طيب مالبشير بيتصور مع واحده ترتدى بنطلون
ياشريعه يامن ترتكب الجرائم بأسمك ذورا
عصابة البشير هى أخر من يتكلم عن الشريعه
.
(حقوق الصور محفوظه لأبو مشعل)

ابومشعل 02-08-2009 03:42 PM

UP

ابومشعل 06-09-2009 11:36 PM

[align=justify]لبنى قضية مجتمع [/align]


الساعة الآن 01:51 PM.

Powered by vBulletin® Version 3.8.8 Beta 2
Copyright ©2000 - 2021, vBulletin Solutions, Inc.