سودانيات .. تواصل ومحبة - زول من الطوة ..

سودانيات .. تواصل ومحبة (http://www.sudanyat.org/vb/index.php)

- منتـــــــــدى الحـــــوار (http://www.sudanyat.org/vb/forumdisplay.php?f=2)

- - زول من الطوة .. (http://www.sudanyat.org/vb/showthread.php?t=25723)

طارق اللبيب

31-10-2012 11:41 AM

زول من الطوة ..

يعني جديد وحار.. طازج
:D
السلام عليكم ورحمة الله ..
وجئتكم ببضاعة مزجاة فأوفو لي الكيل وتصدقو علي ..
انا سعيد كل السعادة بأنضمامى لشبكة سودانيات دوت اوغ ..
..

اخلاق الفضيله ال للرجال راس مال..
مأصلة في فؤادي ال عن ثبات ما مال..
وشن فائدة علاقه ملانة بالاهــمال..
مغبرة بي جفاها وماسخة بالاجمال ..
.
اسعد لحظه عندي وفيها خير وجمال.
اشيل حمل الحزانا واوصــل الاحمال ..
وعندي اخوان يشعو الدنيا نور وكمال..
وكت احتاج اشوفهم بي يمين وشمال..

تماضر حمزة

31-10-2012 12:19 PM

أخلاق الفضيلة المابجيبا المال
باينة علي حروفك ومبتهيبا جمال
يلاك بي سراع لاتخشى من اهمال
الصاغ القوافي بيحتفيبو الحال

ابوبكر حسن

31-10-2012 12:36 PM

شيخ طارق اللبيب زاتو ولا اسم على اسم

الف مرحب بيك اخ طارق ولتنزل من الطوة بردا وسلاما على دار سودانيات
كيلك وافى وصدقتك سابقه
الف مرحبا بك

طارق اللبيب

31-10-2012 05:18 PM

اقتباس:

المشاركة الأصلية كتبت بواسطة بكرى مبلول (المشاركة 492458)

حبابك والله وياهو زاااااااااااااتو

اقتباس:

المشاركة الأصلية كتبت بواسطة تماضر حمزة (المشاركة 492456)

حبابا تماضر حبااااااااااااابا
الله يكرمكم الكرماء

الساعة الآن 06:50 AM.