كفتك كفتك ..
مشهد متكرر ..
ظاهره المضاربه في الشارع. بين بتاعين العربات بقت حكايه لاتطاق .. الواحد يغلط في الشارع .. التاني يقول ليهو ياحيوان .. ياغبي .. داك يوقف العربيه وينزل عليهو .. وينزلو كم نفر وبتاعين البقالات .والفي الشارع .. يجو جارين يتلملمو .. احجزك احجزك .. فجأة كدا يطلع واحد داخل في دور بتاع الامن .. دقيقه دقيقه ياجماعة في شنو؟.. غايتو جنس دراما .. وده ماسكنو كدا وده ماسكنو كدا .. والاتنين بناتلوا كل واحد عايز يضرب التاني .. طبعا في الجوطه دي بكون في نشالين ههه المهم الحكايه دي مفروض نشوف ليها حل .. .. |
مافى حلل والله يا طارق يا لبيب .. الحال ده ناخر فى العضم .. إلا كل زول يعتقد أنو العاقل الوحيد
لامن جيت أطلع الرخصة فرضوا علىّ أمتحان معادلة عملى وعفونى من النظرى .. دخلنى الممتحن فى حى سرعة 30 الأفضلية للداخل باليمين .. كنت بهدن وأعاين يمين وشمال .. ربكت الراجل قام سألنى سؤال مباشر (الأفضلية يمين ولَ شمال) ضحكت وقلت ليه (يمين يا ريس .. لكن أنا جيت من بلد تعاين للسواق فى عينو عشان تقرر تمشى ولَ تخليه يمشى) .. سكت وبعد الأمتحان قال لى (حافظ على العادة دى .. هنا برضو فى ناس زى ناسكم) :D:D الله يقطع ناس البكاسى .. قبال يخشو كانت السواقة عندنا سلسبيل تعرف يا طارق زمان كانت الرخص دفتر كدة .. قاموا لامن غيروها خلوها تخضع لأمتحان نظرى فى أشارات المرور .. الفكرة كانت تنويرية أكتر من هى أمتحان ومافى حامل رخصة رجعوه .. دخلت المكتب وقدامى ولد شرامى من ناس البكاسى .. سألو الضابط عن أشارة المرور المدورة بالأحمر ومرسوم جواها كارو (ممنوع مرور الكارو) .. الولد بى شفتنة كده قال ليه (أحذر الكارو) :D:D مرحب بيك معانا يا حبيب |
| الساعة الآن 06:50 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.