أمنية إدريس صوت شعري من الأولمب.. فلنرحب بها في سودانيات
تطرز دنيانا بورد الشعر وتنفحنا بشذى القوافي..
يتدفق الشعر منها احساسا بالحنين، تأخذ أحرفها الى عوالم وضيئة.... لن أكثر الحديث عنها... يكفى ان تحسون ما تكتبه... أقدم لكم قصائد من أمنية إدريس... معليش اذا كنت السكات ساعت النضم معليش اذا ناديت عليك من دون اسم معليش اذا مرق الكلام ممحوق وضل حرفي وراك سهم علمت ريدك للحروف الا القلم ماطاوعن ابيات قصيدي المانكتب احساسو فيك قط ما مرق لكن سمعتو بيندهك يا غالي هسي دحين اقيف وعاين ملامحي بتشبهك ماقلت ليك انا بت هواك مولوده منك وحنين مارضعت من امي الحنان رغم انها هي الحنين هدهدت مهدي الظروف وروتني من ضرعا الانين ياغالي كيفن اندهك وانا صوتي في جواي سجين... |
|
هذه بضاعتها بين أياديكم...
فلنرحب بها ضمن كوكبة شاعرات وشعراء سودانيات |
مرحبمبك امنية وحبابك الاف في دارك الماهلة
ابقي لاجوة قشة ماتعتر ليك شكرا اشرف السر اقول قولي هذا واستغفر الله لي................... |
اقتباس:
مرحب بك قلم جميل للدفع برسالة الخير و الجمال التي تميز هذا المكان شكرا يا أبو الشوش |
مرحب بالشاعرة أمينة ادريس في سودانيات، قلم نابض بالجمال..
أهلا بيك يا أمينة |
ألف مرحب بالشاعرة أمنية،
شكراً أشرف على تعريفنا بهذا الشعر العذب. ----- اقتباس:
|
اقتباس:
صاحبك معذور ياخ؛ بيشابي نُص الليل |
مرحبتين حباب أمنية
وفي انتظار مشاركاتك ... |
مراحب يا امنية ..وشكرا يا اشرف ياخ
المهم فى قصة عايزة احكيها بمناسبة انو فى واحد اخونا هنا ميت ليهو بى كلام:) كابتن خالد شاعر كبير وزول كتاب لكن ما بحب يشارك فى الفعاليات العامة المهم يوم دعونا عشان نشارك فى حفل تأبين الراحل (حميد) فى قاعة الصداقة وخالد عندو قصيدة فى رثاء (حميد)اعتبرها من اجمل قصائد الرثاء التى سمعتها على الاطلاق ..الفقرة بتاعتو جات وطلع المسرح وبدأ يقرأ كان اداء (بيرفكت) النظم على الاداء على الصوت الجهور والالقاء الغير مفتعل حاجة عجيبة خلاس.. والجمهور اتفاعل تفاعل ما عادى فى بنات قاعدات وراى وشغالات: (يا الله الزول ده عجيب كتاب ليه مغمور وما بشارك) (يا الله بالغت لكن انت عجيب ) وانا طبعا عايزة اقشر بالكابتن الكسر الدنيا ده فى نفس الوقت اقفل ليهن الطريق فى (وشهن) واوريهن انو مرتبط وكده :D:D اها كل ما يعلقن اتلفت عليهن وما اعرف اقول حاجة ..اخر حاجة وحدة قالت لازم تلقى طريقة تتعرف بيهو وتتكلم معاهو (احى ى ى ى ى ى ى ى يا قلبى ) فى سرى تلفون بتاع حنانك فتحت شنطتى وكتبت رقمى واديتا الورقة (هاك) عاينت لى باستغراب(ده شنو) (ده رقم تلفونى مش عايزة تتكلمى مع الشاعر القرا هسه فى المسرح اضربى فى تلفونى ده انا زوجتو بس اوع تضربى بعد الساعة 11 بالليل فاهمة) البت اتهجمت واترجمت وبراحة(لمت ضنبا على قول حجة امنة وفرتكت) المهم فى زول هنا عايز يعمل حركتى دى لكن ما لقى فرقة:p:p |
اقتباس:
استبطان عجيب يا ماريل وقراءتك سليمة وصدقيني... ماااااااااااااا... بلقى فرقة:) |
اقتباس:
اقتباس:
مرحب يا أمنية والعتب علي النظر، مع إنو (أعمامك) الفوق الاتنين ديل فاكرين غير كدا! |
| الساعة الآن 10:07 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.