نرجع لمرجوعنا يااشرف ..هل كمبيوترى مخترق ..؟
 

الحبيب اشرف ...جبت لى كمبيوتر جديد ...المشكله انه يظهر لى طوال الوقت .. مربع اسود صغير ... يظهر فى الخط التحت.. الموجود فى الكمبيوتر...اعنى الخط القصاد استارت ..والذى ويظهر فيه دائما عنوان الصفحه الانت موجود فيها .. هذا المربع الاسود وفيه كتابه باللون الابيض .. يظهر ويختفى باستمرار طوال مانا فاتح الكمبيوتر .. ومن الصعب انك تصطاده .. لكن عموما على ما اظن هو تبع السيستم 32 فى الوندوز الموجود فى السى ..ده يكون من شنو يااشرف ..؟
اختراق مثلا ولاشنو بالظبط ...؟.
حب المعرفه خلانى اسال ..
لكن وحاتك مافى شئ نخاف منه..

وجدت على النت هذه النصيحه ..

انتشرت هذه الأيام الجرائم الرقمية واختراقات الكمبيوترات بشكل كبير وأصبح من السهل على أي قرصان الكتروني اختراق كمبيوترك الخاص والتجسس على أي نشاط تقوم به.

وهنا نكشف لك أسهل طريقة لمعرفة إذا ما كان جهازك مخترق أم لا، كل ما عليك فعله هو اختيار أيقونة Start ومنها اختار الأمر Run في النافذة المفتوحة أمامك أكتب الأمر system.ini ثم اضغط enter.


سوف تظهر لك صفحة بها البيانات التالية :


for 16-bit app support


[drivers]


wave=mmdrv.dll


timer=timer.drv


[mci]


[driver32]


[386enh]


woafont=dosapp.FON


EGA80WOA.FON=EGA80850.FON


EGA40WOA.FON=EGA40850.FON

CGA80WOA.FON=CGA80850.FON


CGA40WOA.FON=CGA40850.FON


وإذا ظهر رقم 850


فهذا يعني بان جهازك سليم 100/100 ولم يتم اختراقه .


أما أذا ظهر لك WOA


EGA80WOA.FON=EGA80WOA.FON


EGA40WOA.FON=EGA40WOA.FON


CGA80WOA.FON=CGA80WOA.FON


CGA40WOA.FON=CGA40WOA.FON


فهذا يعني ان جهازك يحتوي على ملفات تجسس ويمكن اختراقه بسهولة .


ولعلاج هذه الحالة يمكنك الاستعانة ببرامج مكافحة التجسس المنتشرة بشكل كبير على شبكة الانترنت وجاهزة للتحميل.
..

وعملت الشغلانه ياعم اشرف ..وطلعت نتيجه الفحص كالتالى ...
; for 16-bit app support

[drivers]
wave=mmdrv.dll
timer=timer.drv

[mci]
[driver32]
[386enh]
woafont=dosapp.FON
EGA80WOA.FON=EGA80WOA.FON
EGA40WOA.FON=EGA40WOA.FON
CGA80WOA.FON=CGA80WOA.FON
CGA40WOA.FON=CGA40WOA.FON



فدحين ياخوى شن الشورى ...اخبته بالحيطه ..ولا انته رائك شنو ..؟

سلامات عمنا قرقاش
غايتو انشبكنا شبكه عجيبه :(
ورينى عملت شنو عشان اعمل زيك :confused::confused:
تجدون ادناه نتيجه الفحص بتاع كمبيوترنا رحمه الله :eek:



; for 16-bit app support
[drivers]
wave=mmdrv.dll
timer=timer.drv
[mci]
[driver32]
[386enh]
woafont=dosapp.FON
EGA80WOA.FON=EGA80WOA.FON
EGA40WOA.FON=EGA40WOA.FON
CGA80WOA.FON=CGA80WOA.FON
CGA40WOA.FON=CGA40WOA.FON

مخترق ياولدى كمبيوترك مخترق ..
عم السر اشرف ...ايها الكمبيوترجى العظيم اغثنا ايها الرجل ...

ابكر تانى سلام وكل سنه وانته طيب..
ولدنا اشرف شكله كده واقف مع بتاع الخرفان ..بحاول يقنع فيه انه خروف بى تلاته مليون كلام غير منطقى ..
المهم انا ... لوتصدق ...من منتدانا ده نزلت الافيرا ...وهو هديه برضه من اخونا اشرف ..ووالله قام بالواجب تماما ...شال ليك حنان اى فايروس فى الكمبيوتر ..بس عيب الافيرا انه يستلمك ويعملك لبانه كل دقيقه يجى ناطى يحكى موضوع ...زى بتاع اخونا الشاف هلال رمضان ولمن الناس صفقوا قال ليهم هداك واحد تانى ..غير كده اخر عظمه والله كدى جربه وادعى لى اشرف السر ربنا ..يرزقه بى برميل شامبيون ...بدل الشربوت

لا بديل للشربوت الا الشربوت gapgap

اذن فهو الافيرا جارى التنزيل

تسلم يابا وكل سنه وانت بالف خير

سلام قرقاش

واسف للتأخير..
الايام الفاتت بخش من موبايل وعلى السريع فما انتبهت للبوست...

كدي عقبال ما اجيك راجع بتفصيل...
في قسم البرامج في برنامج اسمه Malwarebytes
نزلوا وخلي يعمل سكان كامل للجهاز...
وبجيك بالتفصيل غدا ان شاء الله..

عملت الحركة الانت عملتها
وظهرت لي نفس النتيجة بتاعتك...
مع اني جهازي مفرمتو ومنزل الويندوز براي ومتأكد من مصدرو
جهازك سليم...
بس عشان تتطمن نزل البرنامج القلت ليك عليه فوق دا...

وعشان تاخد تفاصيل اكتر...
خش على الرابط دا...
http://ejabat.google.com/ejabat/thre...e1d91cfe498a53