خداع
 

تضحك ....؟
ويتقرقر حلقك يامقرقر
جوفي احزان ومآسي...
وضابح قلبي بي سكين
نسيانك وحكم البين القاسي...
كيف جات علي ايامك الافراح
تتهادى يالاهديتني الوجعة مراسي..
سقت عليك احلام واماني
واسدلت عليك نبيل احساسي...
اتاريه بريق عينيك سراب
خداع قادر يسلب باقي الحيل...
يجرف شوقنا علي الاوهام
يأفل نجم صبرنا الكان في العتمة دليل..
ويجدل من لجة ليلنا مسالك روحة
ونصرخ ياازمان شوفيلنا للرجعة سبيل..

ما فكرت
 

عمري مافكرت انسى
الا بعدك كان بنسي
ووالله ماحاولت اقسى
رغم ظلمك كان بقسي
مشتاقه اتلفح وجودك
اويزاور طيفك ليا هسي
الا المحال للبيناتنا ميزة
والصبر مل التاسي
ولو نعاود تاني نرجع
ما أظن ارجع زي زمان
انا عايشه من دونك سعاده
ملفوفه بي ستر بالامان
المعاك كانت ماسي قصه
من ظلم الزمان
الحقيقه المابتفوت اني
كنت وراك بموت
بتنفسك رغم البعاد
بتحدثك لحظه سكوت
وغدارة لحظات التلاقي وكتين
تلبس الجفوة الخفوت
تتخفى في زي الذكريات
تغسل الحاضر تفوت
مضرجه دم الوجعه مني وبرضو
نتمنى لو ترجع تعود