كل ما الاعضاء يتلموا ويتماسكوا إجتماعياً.. المنتدى بضعف إلكترونياً..!!
السلام عليكم ورحمة الله وبركاته
اللهم صلي وسلم على افضل مخلوق محمد عليه افضل الصلاة والسلام اخش فى الموضوع توووش وبالدارجى البحت! لانو دى اللغة الوحيدة البعرفة! اول شئ; موضوع البوست ما دعوى ''للتجافى'' وعدم المعرفة بين الاعضاء! وتثبيت وتمديد اواصر الصداقة وإنصهارها فى إطار علاقات مُختلفة منها الانسانية او الاجتماعية او الاثنتان معاً، او علاقات طيبة قوية وعفيفة تتوج بزواج على كتاب الله وسُنة سيدنا المصطفى اجمل خلق الله (ص) طبعاً، لكن....الصورة الجميلة الرسمتها اعلاه عن لمات الاعضاء لها جوانب سلبية غاية فى الخطورة!! مثلاً..مثلاً ابوبكرعباس; لمن اشوف اسمو ساااااى بين الموجودين،(الاعضاء الموجودين الان online) بجرى جرى افشق لى ليمونة من التُكلّْ! او بالعدم افجخ لى فص بصل مكادة! لانهم بودروا الطمام!!! يتبع..... |
اها;
النصيحة لله، انا وهو ما متفقين نهائى ولا ح نتفق يوماً ما على وجهة هذة الفانية! ولكن لنفترض باننا إتقابلنا ''صدفة'' فى آى شبر من هذا الكوكب! قسماً بالله، وحسب تربيتى و اصلى ح انسى حاجة إسمها بوستات ومشاركات ومداخلات وإختلافات وكل ما يتعلق بخلافاتنا الاسفيرية بشتئ انواعها..!! وسوف ''اغرقة'' بكرمى، بكل ما اوتيت من كرم الله، وح اسلم علية سلام اهلى المن الابيض وبارا وحجر العسل والمتمة، س اضمة حتى يسمع ''ضلوعة'' وهى تحتك مع بعضها.. يتبع... |
أنا غايتو كان لاقيتك، بعد كباية الشاي؛ طوالي بسألك وبقول ليك كلامك الفلاني في البوست الفلاني كان غلط عشان كيت وكيت وكيت.
نحن نمارس الإستنارة ونشر الوعي أينما حللنا. ودا الفرق بين المثقف والمثقف المستنير |
ولكن
بعد ما ''قابلت'' ابوبكرعباس! واكلنا وشربنا، وإحتمال كبير صلينا مع بعض لرب العباد. وزى مابقول المثل المصرى الشهير; خالتى وخالتك إتقابلن..وإتفرقن الخالات! انا جيت راجع بيتى وفتحت سودانياتonline ولقيت هذا ''البكة'' كالعادة داقى جرس فى اية او سورة فى القرآن الكريم! وناطى الحيطة وعامل فيها مُستنير، ومواكب العصر، ويتفاخر بانه يملك جلاكسى BMW X6 يتبع.... |
اقتباس:
|
هل مقابلتى ولمتى مع بابكر ستجعلنى راخى الابنص من إختلافى معه؟
هل اختلافنا إدلوجياً سيتاثر؟ إسفيرياً؟ هل ح اعمل فيها دائماً رايح منه فى كل البوستات والمداخلات المختلف فيها معه؟ حفاظاً على الملح والملاح؟ إذاً ح اطبق الابتوب بتاعى واعيش على ذكرى لقاء بابكر عباس! وهل لو قابلت هذا ''البكه'' ووجدتا فارق العمر ''خيالى'' بينا هل يستدعى بان ارخى الابنص من ردمه؟ كل الاسئلة اعلاه، هى لنفسى! باذن الله لمن القى لى مرآية و قدامة س اجاوب عليها وختاماً:smile: السلام عليكم ورحمة الله وبركاته،و اللهم صلي وسلم على افضل واجمل مخلوق، محمد عليه افضل الصلاة والسلام |
كيف المنتدى بضعف إلكترونياً؟
|
اقتباس:
شوف لو راجعت صفحات المنتدى ،،، حا تلقى انو من اكثر الموضوعات مشاهده ،، هي الموضوعت الفيها عراك وخصام وتهجم و(ضرب تحت الحزام ) الجمهور عايز كده :smile: |
اقتباس:
هذا بظبط ما اقصده، فهمت قصدى يا ابوبكرعباس؟ |
اقتباس:
|
بوست off line
|
اقتباس:
تحياتنا يا بديرى و عساك طيب.. |
اقتباس:
لكن احتمال يكون خانوا التعبير :biggrin::biggrin: |
اقتباس:
ويا البديري ياخ البوست بتاعك دا ما يؤخر عليك رحلة رأفت ميلاد :smile: |
اقتباس:
رحلة بين طيات السحاب؟؟؟ |
| الساعة الآن 09:57 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.