دعوة لحضور زواج الحبيب ( الرشيد اسماعيل )
 

الف الف الف مبروك للرشيد ورسل لينا التلفون يا حبيب

الزول دا الشهر الفات موش اتزوج؟!
بس ياهو دا حال الأدباء، الواحد يتزوج بي جاي ويقوم يدبل بي جاي، الشرفة التشرفهم ياخ...

دا من ناحية
من ناحية أخرى يا ابورحيق، الزول دا كفاهو القوسين الاتورط بيهم في حياته الواقعة، برضو هنا ختيتو بين قوسين؟!

من ناحية تالتة
5 أبريل وقفتك مع الدراما السودانية، ويوم 10 أبريل وقفتك مع دراما الرشيد؟!
ياخ حاول نوع شوية، في كوميديا وفي أكشن وفي وثائقي... الدراما الكتيرة دي ما كويسة مع صحتك يا ابورحيق.

من ناحية رابعة
يقول عمك محمود درويش قبل أن يطال قوله مقص الرقيب حيث قال:
أيها الزواج لا تجهجهنا كلما اقتربنا منك...لذلك عندما يصيبك بعض الجهجهة، يجب عليك أن تدرك أن هذه الجهجهة ليس نتيجة خلل فيك، بل هي من طبع الزواج.

من ناحية خامسة
غايتو مبروك، وبختك لقيت الأنثى الممكن تمارس معها فعل النميمة
وعقبال لينا عشان نلقى الأنثى التي نبادلها الشمار بالشمار ونطحن وندق أخبار الناس في فندق حياتنا:biggrin:

ألف مبروك ... وربنا يتمم بألف خير

وحضور إن شاء الله

Up :biggrin:

الناس يباركوا ليك في بوست العقد وتركوا بوست العرس
أسي فرقك شنو من خالد غالي لمن الناس تركوا خالد غالي وقعدوا يتكلموا عن صورته وهو حفيان؟


ما يستفاد من قصة عرس الرشيد
أنو الزول أحسن يتصور حفيان من أن يلقي بنفسه للتهلكة ويتهور يعرس !!

يا وجدي

تحضرني النكتة السمجة بتاعة المسطول القاعد يتفرج في التلفزيون ويكورك: اجري ياغبي.. اهرب يابليد.. انفذ بجلدك ياعوير

لمن جو شافوهو لقوهو بيتفرج في شريط زواجو :gap:

النكتة هذه تحمل في طياتها عمق وحكمة، حيث نجد أن هذا الرجل حين كان واعيا وهو يحتفل بزواجه في الحقيقة كان مسطولا ولا يدرك فداحة الورطة التي اوقع نفسه فيها... بينما حينما كان مسطولا، في الواقع نجده انه كان واعيا وهو يدرك فداحة الأمر لذلك حاول أن يوعي ذاته المسطولة في الفيديو....



يوما ما ستذهب سطلة السطيل ويعود له رشده ليكون الرشيد
وحينها سيصنع ملاح ملوخية باصابع الندم ويأكلها بدلا من ان يعضها

الزول ده عندو يوميييين حنة

الشئ شنو ياخ

الاربعاء ... حنة
الخميس ... حنه

حنه حنه حنه لااااامن ... محنا :tongue:

مبروك الحبيب الرشيد ربي يسعدك ويهنيك...
 

ربنا يتمم على خير و بركة،
و تقبلوا التهاني و التبريكات..

رهف دي منو كمان

عرفونا ياخ

مشتاقين يا رجل يا جميل