بحبك يا سودانيات
في موضوع سبق للأخ الحبيب عمر
(هل هذه هى سودانيات التى عهدناها حلمنا المنشود واملنا المرتجى) ورد عليهو الحبيب نزار، عماد وبسملة بقول: كلامكم زين سمحاً تب مو شين والله أنا عرفني الحبيب شوقي بدري بمنتدى سودانيات وقد قام بتقديمي للأحباء ووجدت نعم الإستقبال في كلام شوقي ليا قال نفس كلمات الأخ عمر ودخلت ولاقيت ناس عصمت العالم وبشرى أزرق مع أني بلاقيهم هنا في لندن ولكن بثوب أخر .... لقيت ناس طولت ما لاقيتا وناس سمعت بيها وسمعت عنها، لاقيت الفنان والشاعر والأديب، لاقيت السودان، إستمتعتا وإتونستا في سودانيات لقيت وإتعرفت على دكتور سيد بقلمو وعلمو لاقيت بندرشاه وتكنلوجتو العالية، دي السودانيات جميلة بي ناسا وأخبارهم بي تراثها وأحبارهم السودانيات حلوة نضرة ذي الجنينة بي زهورا أم راشد والسيدة الحنينة السودانيات لمت الخبر والمعلومة للمحتاج من فضللك، كتر خيرك خالد ود الحاج في السودانيات نبيل وبي أدبوو في السودانيات البي كتابتو هزاني أمير الإسمو شعراني في السودانيات الأستاذ الأديب عكود راقي، ولطيف ودود وأخونا ود الطاهر البي قلموا علاما ظاهر الحبيب رأفت ميلاد يعيدا عليه القريب أعياد (الكريسماس) وود البدري سمين شوقي عطر الياسمين في السودانيات كم وكم من ناس خلت السودانيات إتملت أعراس وبحبك يا سودانيات |
أستاذنا بابكر مخير
سلام وشوق لم نسبقكم بزمن كتير وتعرفنا في هذه الفترة الوجيزة علي أخلاء أوفياء ( من الجنسين) وكانت لنا سودانيات دوحة وارفة نستظل تحتها نتسامر ونتجاذب أطراف الحديث نختلف ونلتقي ولا يفسد للود قضية الجميع ما بين أقصي يسار اليسار وأقصي يمين اليمين والوسط الوهيط كلهم جميعا يلتقون في كلمة الحق والوضوح والصراحة دون حجر ودون تقاطع الخطوط الحمراء بس أستاذنا مخير أن شايف الأيام دي النفس شوية سخن وحر ومرات بتكون في كلمة من هنا وكلمة من هناك وزي ما قلنا الأختلاف لا يفسد للود قضية وسودانيات كانت متفردة بخط واضح ودوغري بس شوية أخد ليهو تعريجا وطبعا دي ما بطالة لو كانت النفوس طيبة وكلو واحد يختلف ويلتقي مع الآخر بس الهدف السامي هو السودان وطن وشعب عبر حوارات سودانيات دون تحزب أو تعنصر أو تقبل (قبلية) وكلنا نصيب و نخطيء يديكم العافية |
[align=center]&
كتب د. بابكر مخير اقتباس:
[media]http://sudaniyat.net/Agani/SudaniyatV.wmv[/media] + [mark=#33FFCC]رابط للحفظ و المشاهده[/mark] تقول لِى شنو وتقول لِى منو ، ونحن الصّافى والوَافى ، ونحن الشّافى والكافِى ، ونحن الزادْ ونحن العِينه والزِيّنه ، ونحن – يمين – أهالينا أهلى سرورْ ووكَتين ينزل المستورْ تَرَانَه النور تقول لِى شنو وتقول لِى منو ، ونحن الجبنه واللبريقْ ونحن قداحنا سَاوات ضيقْ ونحن بيوتنا مفتوحاتْ مَسَاىْ .. وَصباحْ ونحن وشُوشنا مطروحاتْ مَسَاىْ وصباحْ ونحن السَمحه والقَمحه ونحن الطله .. واللمحه ، ونحن الصِيدْ ونحن العيدْ ، تقولى لِى شنو وتقولى لِى منو ، ونحن عُزَازْ ونحن حَرَازْ ونحن هَشَابْ ونحن قُمُوحْ ونحن تُمُورْ ونحن عُيُوشْ ونحن النيلْ وَكضَاب – يا زويل – منْ قالْ إنّك .. تانى لينا متيلْ ، تقولى لِى شنو وتقولى لِى منو ، ونحن الحَجه والتوبه ، ونحن الهِجره .. والأوبه ، ونحن كُتَارْ ونحن كُبَارْ ، ونحن – يمين – جُمَال الشيلْ ونحن – يمين –نَضِمنا قليلْ ، تقول لِى شنو وتقول لِى منو ، ونحن مِحايه نحن طِرايه نحن فِدايه نحن سِمايه نحن حجاب ونحن اللوحْ ونحن شَرَافه فى الدنيا ونحن كِتاب عِلمْ مفتوحْ على كل البُلودات ..نُورْ ، ونحن – يمين – مَداين نورْ ، ووشنا نورْ ، تقول لِى شنو وتقول لِى منو ، @&@[/align] |
[align=center]بندره شاه
احبك[/align] |
الاخ الرائد شرطة معاش د/ مخير
طبعاً انا طوالى رجع بي الزمن الى أيام كلية الشرطة والمعامل الجنائية ( جار النبى ، الفاتح ، وفيصل ) وعمك الباترا ودرار وتلك الكوكبة الفريدة من البشر ودفعتى الفريدة الدفعة 38 التى لا يجود زمن أبد الدهر بمثلها طبعاً لن ننسى اياماً مضت وذكريات الكلية التى لا تمحى ابد الدهر كذكريات ام درمان تفرقت بنا السبل في ربوع السودان الى ان تمت احالتى للصالح العام في اول كشف توقعه الانقاذ للصالح العام للشرطة بعد شهر واحد من قيامها 28 /7/ 1989 واخر مكان عمل لى كنت في كادوقلى ونزلت برتبة عقــيد كل الشكر لسودانيات التى لا تزال تجمع كل الاحباب يوماً اثر يوم تخريمة شكراً يا بندر شاه على روعة العمل المرفق ، تسلم |
الدكتور/ مخير
كل سنه وانت طيب يا سيدي نحنا ساكنين فيك يا دكتور وربنا يدوم المحبه والرحمه بيننا مع مودتي |
| الساعة الآن 04:58 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.