سودانيات .. تواصل ومحبة - حضور .. كاظم الزعيم

　
يحضرني غيابك
وأنا في الشوق متخبي
يحضرني مسا ما جابك
وأهو كاسك جنبي
فاضي ومستني إيابك
هاك الإيد البتعبي
.....
يأسرني الضو في بابك ...
أنتظرك ساند قلبي
تمرق موجة وتتشابك ..
يمرق من دربك دربي
تضحك من فرط عذابك ...
وأهديك يا صاحب ذنبي
......
ياهي ديك عصفورتك في الغيب ...
وهداك الوطن الزازاي
هديك السكة البتجيب ....
وطنبورك مسنود بي جاي
تتعذر يا صاحب وتغيب ..
عازماك الأقدار على شاي
.....

يحضرني حضور
شارد من حوش الإلفة
يؤلمني حنيني المكسور..
أديني حنينك سُلفة
فهذا الحزن المغمور
رافع بيناتنا الكُلفة　
　
　
　