والله الغُنيي دي زاني لي في راسي من الصباح
السلام عليكم
مش مرات كدي الواحد يقوم من النوم يردد في كلمات ، لحن ، أغنية ...الخ بدون سبب !!! اها شريط ود النصري الجديد ده سمعتو من كم يوم كدي وفاكر نفسي صفيتو من دون مخلفات ... الليلي وبدون سبب ...لقيت نفسي من قمت من النوم اسوي فيهو الغريبة اكتشفت اني حافظ معظم الغُونيي عليكم الله اسمعوها واتأملوا الكلمات الجميلة مش تستاهل تزن في راسي :):) .... [rams]http://www.sudanorg.tk/upload/uploads/dab_alshoog.mp3[/rams] ... كلمات وألحان: كمال علي فضل أداء محمد النصري داب الشوق كل البي داب الشوق متين القى السعادة اروق ** اه يا دنيا حال الناس في الزمن الضمير مسروق اه من زائف الاحساس انعدم البطابق الشوق اه للاختيار معياره زي اصناف سلع في السوق ** اتردد سؤال جواي لمتين لي حلوكي نضوق عشان ترضي الطموح الفيك عجلات الزمن بتسوق واخاف من تبقى قولة لا لا قدام والدي عقوق ** اتكبل قليبي الخايفو انكشف اللي كان مطبوق داخل سجنك المفتوح لا مقيد ولامطلوق الابيض تشوفو العين وفي باطنه الجدار محروق ** تتبدل ملامح البسمه آهات الحشا المحروق تعابير الحزن في العين تكتحل الدموع مسحوق غاير ما أندمل جواي جرح الهم دوام مفتوق ** لا كان يوم يكون الكان ولا كان يوم حسابي فروق ولا كان يبقى في الامكان ولا الكون لو يكون مطلوق اتغير حساب الكون اتبد ل غروبه شروق ** اتعكز عصا العميان وفي دربك وقع في الطوق أقول أرجع أعيد من تاني وكتين من مصيبتي أفوق بقى الحظ فيها يلعب دوره والقانون صبح مخروق ** |
الزول
شكرا يا دوك علي اللحن الكارب دي غنية شحمانة.. أي والله الصباح ساعتك البتردد في البيت الحافظو منها زهجتني يا أخي انت زمنك فارق :D لكن كفرت عن ذنبك بتنزيل الأغنية همسة : أهديها لي أشتر لو سمعها بيسكن هنا.. |
يازوووووووووووووق يازووول
غنوة جميلة بجدة لامست حته جوا الجوف ياخي ديش الشوائقه ظاتم ااكان ما الطنبور الحنييين ده كنا هجرناهم لاسرائيل اقترح عمل كشك اقصد بوست للطنبور وابداعاته ود الحاج بس ما تشوف باص سيرة فارهه الا تجئ تتشعلق فيه ;) وقنب عافيه |
اتكبل قليبي الخايفو انكشف اللي كان مطبوق
داخل سجنك المفتوح لا مقيد ولامطلوق ـــــــــ إبداع والله |
يازول يا جميل
عافية تخصك فى المصارين تعابير الحزن في العين تكتحل الدموع مسحوق غاير ما أندمل جواي جرح الهم دوام مفتوق الله قادر |
اقتباس:
المشاركة الأصلية كتبت بواسطة خالد الحاج http://sudanorg.tk/vb/images/buttons/viewpost.gif الزول شكرا يا دوك علي اللحن الكارب دي غنية شحمانة.. أي والله الصباح ساعتك البتردد في البيت الحافظو منها زهجتني يا أخي انت زمنك فارق :D لكن كفرت عن ذنبك بتنزيل الأغنية همسة : أهديها لي أشتر لو سمعها بيسكن هنا.. الخال نعلك طيب وبالخسوس بطنك وضهرك ورقبتك وباقي العفش :D غايتو الحمد لله على نعماً كثيرة منها نعمة النت دي .... الشي دي من الصباح مسخّنا بي داير لي زول اسمعو ياها اشيل واردد في الغنيي دي من صباحات ربنا وصارها في عِبي (أقصد فلاشتي) :) وادردق فيكم لا حضرتك لا عمك عكود ابيتو تحسو ضمة ضمة فالحين في لهط اللحمة وشراب الروب والحاجات التانية أحمدك يا رب أن سخّرت لنا (نِتاً) نتشارك فيه مع مرهفي المشاعر الألحان المسخنة بينا :):):) .... |
اقتباس:
فتقت فينا جروح حسبناها اندملت ولكن جرح الهم دوام مفتوق كلمات تتسمع بالقلب والاحساس ما بالاذن. همسة .:- يازول نعلك عافييي..بعد الشواء دا سيبني في عز الجمر..:D:D اختيار عميق... |
الزووول الجميل .. و ما يجيب الجميل إلا جميل !
محمد النصري فنان ثم فنان ، و كمال علي فضل شاعر ثم شاعر ، و بالمناسبة هم الإتنين من حلّتنا (مروي شرق) ... يعني الغنوه دي حقتنا 100% :D:D:D تسلم يا رايع على الاختيار الرايع ! |
اقتباس:
الزول الطيب سلام ومحبة والله في الله ولي الله كلامك الفوق ده عجبني بالحيل وخاصة مسألة عفش الخال:p انا عندي مشكلة في سماع غناكم والخال عارف السبب السبب الشيالين واصواتهم التى لا علاقة لها بصوت المغني بس!!!!!!!!! في الأغنية دي كان الأمر مختلف واستمتعت بسماعها والله لأن ود النصري نفسه كان احدهم وكان الصوت متوافق وصوت المغني.. اللحم الشووه ده كان لحمي اوع تكون اكلت معاهم looool ياني ود أختهم الميت كمد عمو لزيز .. عمو عزيز .. عزيز .. عزيز اللزيز أو كما قالوا:eek: |
اقتباس:
شكراً .... مرورك الأنيق وشاكرين ليكم ...تسامحكم معنا ولطنبورنا أن حمانا من (التفليش) * :cool: غايتو ما عارف عينك دي عين شنو .... لكن نجمّتي الخال نَجام قبورة لا حولاااااااااا رقدتي الجنا مستشفى عديل كدي .... * التفليش فعل مشتق من الفلاشا :eek::eek: .... |
اقتباس:
تحياتي صالح في المكان الشغال فيهو عندنا مناطق صحراوية معزولة تماماً يعني عشان تطلع منها ... لازمك بطاقة أمنية وسيارة لانكروزر ... وواحد يجي يمسك مكانك تعرف يا صالح ... بيتك الجبتو ده أصدق تعبير عنهم :):) داخل سجنك المفتوح لا مقيد ولامطلوق .... الله يكون في عونهم ... |
اقتباس:
... شكراً يا سرورة مرورك الجميل (المتوقع) فحيثما كان الجمال ...قطعاً كنت أنت .... |
اقتباس:
حباب المرافي غايتو عينكم حارة حروريي نان بعد الحصل للخال تاني بخلي لي زول يصورني .... الله اكبر :):) ..... |
اقتباس:
كما قلت يا خال لدي فرق زمن يترجم اللحظات السعيدة ...بعد مرورها وكأني محكوم بأن أسعد بأثر رجعي سعادة ذكريات .... يا لغرابته !!! هذا النوع من السعادة لا تتعرف عليه وأنت تعيشه ولا يمكنك أن تحس به إلا ... وأنت خارجه تماماً مثل عدم إحساسنا بدوران الأرض ... صدقت يا خال نعم زمني فارق تماماً اكتشفت ... مبلغ سعادتي وأنت بمعيتنا قبل عام مضى أكتشفت ... أن لدي أشياء كثيرة كنت أود أن أحكيها لك اكتشفت... أن عندي أسئلة كثيرة كنت أؤجل طرحها ... وفات أوانها للأسف ... هذا الاكتشاف جاء متأخراً ... متأخراً جداً بعد رحيلك ألم تقل أن زمني فارق !!! ... رحمك الله يا خالد بقدر محبتنا لك وبقدر فقدنا إياك وجعل مثواك الجنة .... |
دي تقريبا الايام الزاركم فيها يا الزول
مضى عام لكم هي مولمة الذكري لكم المنا هذا الرجل بكل لحظاته له المغفرة والسلوان ومحبة مازلت تغيم فوق القلوب ولنا السلوى بكل جمال تركه بين ايدينا |
| الساعة الآن 11:17 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.