الجــنــون فــنــون
ليس كل شخص يدخل مستشفى المجانين هو مجنون وليس كل العقلاء الذين تزدحم بهم الطرقات هم عقلاء وما المقوله التي تقول ما بين الجنون والعبقرية شعره ببعيده .. في بعض الاحيان اشعر انني للجنون اقرب .. حبيت افتح البوست دا للناس كلها .. عند شعورك ان حالة جنون تعتريك او ان كتابتك فيها جنون .. خش في البوست دا وسطر جنونك حروف عباس الوناس ود الناس اتغير حاله لاهل الحله بدات ملامح الجنون تكسو ملامحه زحف الشيب لراسه الغير مرتب اعتاد الجلوس تحت شجره البان باطراف الحله والاستماع لشقشقه العصافير هدأت كل الاصوات من حوله .. اختفت كل البسمات سكتت كل العصافير ,, فلم تعد تغرد هجرت اعشاشها حزن عباس على فراقها أحس بغيابها تعود على سماع اغانيها وأنشودة الصباح ولحن معزوفاتها دوما عباس يتبسم فرحا ومن حوله تلك الفراشات الجميله كأنها ترقص طربا لفرحه لصوتها الندي العذب افتقد عباس العصافير سالت دموع الازهار ,, ثم من بعدها دموع عباس فجأة مرت امامه ركشه ومسجلها يلعلع باعلى صوته : أقاسى مرارة الوحدة وأغالب لوعة المحروم بتعذب سنين ما ضقت طعم النوم صحيح شقي ومجنون كثير امثالى من هجر الحبيب جنو إن شاء الله أجن وأزيد في الجن انتو تجافوا ما تحنوا إيه أنا عندي في الدنيا فؤادي انتو مالكنو وانطلق عباس ورا الرقشه وهو يفلق ويجدع فيها بالحجار ويكورك : منو المجنون .. انا مجنون اي مجنون .. مالكم انتو .. ان شاء الله اجن ... وازيد في الجن وقف وهو يتابع الركشه تبتعد ..ولا زال بيده حجر وصدرة يعلو ويهبط |
يعنى شنو ضغط ؟؟؟ يعنى انت سواق تكسى مسكين وتجى تركب معاك بت حلوة ^^^ فجاءة يغمى عليها @ توديها المستشفى الدكتور يقول ليك انها حامل ويبارك ليك انك حتكون اب وانت تقول لىه انا ماالاب والبت تقول لالا ده الاب > والضغط يذيد< عشان تثبت ليهم تطلب تحليل d n a والبت مصرة انك الاب الضغط وصل لدرجة جنونية بعد التحليل الدكتور يقول انه انت مستحيل تكون اب الطفل لانك عقيم > انت هسى مضغوط لكن مرتاح< وانت ماشى على البيت تتذكر انه عندك تلاته اولاد طيب ديل ابوهم منو ؟؟؟ * وهنا يبدأ الضغط الحقيقى ملحوظه الكلام الفوق دا لمجنون بيلقى محاضرة عن الضغط </B></I> |
شكلك جنيت ررررررررسمي غايتو انا معاك :p والهي المجنون في نعمة ماشي ساي انا بحسدهم ششششششديد :)
|
تعال أكتب معاك قدري تعال أفتح خواطرك شوف
تعال للهمسه وألفرحه حروف تدخلك مداك وطوف لون ألجن لون ألكان وما حا يكون وياخوي سمح عباس وسمح ألتاكسي وسمحه ألبنيه وحباب ألشرطه كان كبست..بساط أحمد بالحنان مفروش |
| الساعة الآن 12:17 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.