مشروع افطار طالب
الاحبة في سودانيات تحيات طيبات تشبهكم
ان شاء الله السنه حلوه عليكم ومحققه امانيكم بخصوص افطار طالب احيطكم علما بان المشروع مستمر والحمد لله الدعم الوصل من الاعضاء غطى تكلفة الافطار للشهور الفائته من شهر سبتمبر والى نهاية شهر ديسمبر بواقع 1320ج للشهر كان في فترة اجازة لمرتين لذلك المبلغ المتوفر غطى التكلفة الى الان التبرعات الوصلتني من العضوية بدون ذكر اسماء 1400 1250 1000 200 100 50 الان تبقى من العام الدراسي تقريبا شهر وستتم تغطية تكلفته من خزنة الافطار للعام الدراسي السابق+تبرع من العضوية ب 800 من عضوين(500+300) وكل عام وانتم بالف خير وجزيتم خيرا جميعا |
تسلمي يا نبراس
هميمة كعادتك واعفي لي يا زولة البعد زحمة العمل المرض القرف الألم وكل شئ ما كويس لم فيني تسلمي وربنا يعظم أجرك |
تسلمي يا نبراس وبالتوفيق دائما
تحياتي |
يا سلام يا نبراس ..
أها يا ستنا .. عندى ليك فكرة و مشروع .. نحن ناس قطر ممكن نرسل ليك 40 *2 كيلو ملابس أطفال للعام القادم و دا ممكن يديك وضع مختلف لناس القرى المحتاجة. سفرنا و غيابنا لخبط علينا شوية .. المهم شكرا للعضوية الغطت السنة الفاتت .. و حقو تبدى العام القادم من الآن ولو التبرعات زدات .. نشوف ممكن نعمل شنو. |
صباحكم خير
وكل عام وانتم بخير يوم الاحد 14 فبراير تم تسليم الاستاذة روجينا آخر دفعية للعام الدراسي الحالي 600 ج لانو ما باقي من العام الدراسي الا اسبوعين استلمت تبرع من الاخوه عضوية سودانيات 860ج يوم التأبين كان مجهود مقدر من ناصر يوسف يشكر عليه حاليا خزنة الافطار فيها 1060 ج |
| الساعة الآن 09:59 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.