بنية صبية ( نص شعري جديد)
[align=center]
يا بنـيِِـة مـولودة دغـش وراضـعة رحـيق النـيل فـجريـة. مـعـمدة بي صـوت اذان، وسعـفـة نـخـلة ، ضـريـرة مـعطـنة من الـقيف ونـواح قـمـريـة اتلاقيـنا بلا مـيـعـاد لـمـن شـهـق الـضـو الصـارخ يعـلن جيـتـك والـمـيلاد ولمـن نشـق الـخـاطـر لاقـح غـيـمـة عـانـق بـرق الـسعـد وزح اسـيـة لامـس خـدك وكـحـل لـيـل السـهـد عـيـوني بـدون مـرواد اتـنـاجـيـنا مـجـاز وحـقـيـقـة اتـحـاورنـا عـن الاضـداد عـن الـلـيـل ونهـار الـحـق طـول الـرحلـة وقـصـر الـزاد وانـه الضـو مـجـمـوع الـوان وانـه الابيـض لـمـن يـبـرق مـن عـيـنيـك فـي عـيـني بتـصـفى الدنـيـا يا بـنـيـة صـبـيـة يـا اطـعـم من جـغمـة شـاي المـغـرب قـبـل عـشـيـة شـلـتي قـلـيبـي وشـلـت أريـجـك مـن تـاريـخـك واتـوسـدت شعــاع الـقـمـر ة فـردت النـم قدمـتـه هـديـه غـارت نـجـمـة وسـكبــت دمـعـة فرحـت غـيـمـة وهـتـنـت دمـعــة واتلـفـحت هـواي وجـيـتك يا احـلـى بنـيـة واغـلـى صـبـيـة[/align] |
[align=justify]أستاذي د.محمد حســــن ،،، تحية نيلية وشوقا كتير بالحيل ....
مازلت كما أنت تعتلي في ذاك السهل الممتنع سرجا خلاسيا جميلا لايتسنى متنه الا لكاتب من رتبة فارس !! متى بالله نلت هذا اللقب ؟!! أحسبه كان منذ الأزل .. آه لو تعرف كم تتخلخلني تلك العامية التي لاتشبه الا الفصحى ...! اسمح لي أن أخربش خربشات طفل شقي على جدارك هنا وأهديك بعضا من نص قديم :[/align] [align=center]يابنيّة جايّة فوق مطر الخريف أنا ماني الا درويشا مهترش أو مكنكش أو بيجري وراك حالف مايقيف وأنا ياني مجذوبا بجابد النوبة من زمنا قديم شارب الحميم عاصي وحميم والنوبة تقلت يابنية على الضهر والحاري قالو بين ضفايرك وفي عيونك تب ظهر أشتم رحيقك أنقز أقابض في الذكر وأنسى العذاب الفيني جا قابضلي في الألم الحكر وأنا ماني أبله أو بكر!! أنا ياني درويشا ممهل في النضم!!! كيفن أدوزن في الكلام وأقول كلام ؟ وفي الكلام عامل زحام!! فلمن الأشواق تجيلك قوليلا: حليلو الكان بفوت الحد حليلو الكان بريدني الريدة جد حليلو الكان بجر السبحة طــــــــــــــــق بريدك طــــــــــــــــق بريدك طــــــــــــــــق بريدك ماسك الريدة فـ عدد!! [/align] |
اقتباس:
يا سلااااااااااااااااام يا أخي دي قمّة الابداع و الروعة يـا اطـعـم من جـغمـة شـاي المـغـرب قـبـل عـشـيـة مودتي عمرابي |
اقتباس:
نتابع |
اقتباس:
[align=center]نًقر صوت الريح على شباك الغرفة وكنت براي اساسق فيها الكلمة العاصية ونافرة وكنت معاي تدوزني عصب الحس فيني تشدي الوتر الناح غناي تكبر جوة في رحم الخاطر مضغة كلمة ولمن تمرق منى قصيدة ينبح عرقي ويصرخ واي[/align] |
اقتباس:
انا ما في ناس في حي المظاهر بكسروني زي العمراب ادب .. فكر وسماحة |
اقتباس:
د. يا رائع اها تعال نديك مرة ,,,, بس ما تقول كنت بهاظر وهاك دي هدية ,,, [align=center]من ظلال الريدة جيتك شايل الشوق و الهيام شايل الفرحة و عيونك شايل الحب و الغرام خاتّي صورتك في الحنايا وفي القليب أرفع مقام جيتك من الزمن الحزين بي فرقتك جاييك من وسط الزحام جاييك باللهفة الحنون أضمّك أقريك السلام وامسك أياديك الحرير واسمّعك أحلي الكلام وفي عيوني بشيل عيونك واشيل هواك يا السمحة راية ويبقي ريدك هو المرام طبع العيون يا الغالية إنّها ما بتدس مفضوحة يوت في حزنها وفي فرحتها أصلو ما بتعرف تغش وانتي الجمال والروعة تاج راسك و عز إنتي الملاك يا الحلوة إنتي الفوق نجيمات الهوي إنتي الهوي وعزة نفس إنتي الحروف الطالعة من نور الصباح عطر الورود حب وانشراح حرف القصيدة الطالعة من وهج الشمس لون البنفسج والزهور خضرة حقول مسقية من النيل و بس [/align] |
اقتباس:
والله مشتاق ليك |
د. محمد حسن السمح
ماأجملك "لما تكون رايق" وما أحلاك "لما المزاج يكون رايق" شكرآ على الجمال ياخى اقتباس:
فى أمدرمان الما بعرف "المظاهر" من النازحين :D :D :D تحياتى |
اقتباس:
هههههههه اها يا رأفت قابلتني وين يا اخوي ,, انا ما من عمراب ام درمان اوّل شئ ,,, انا عمرابي المحمية المعقل الاصلي لمولد الشيخ حامد اب عصا جد العمراب لي اهل من عمراب امدرمان و جوها زماااااااااان ما متذكر متين تكون لخبت بيني و بين شاعرنا الفحل الله يرحمو أحمد حسين العمرابي؟؟:rolleyes: غايتو كان كدا بختي وهاك الهدية دي قمر ضوّاي [align=center]حلاوة الدنيا جوّة عيونك الحلوات تسوقني بعيد تشيل أحزاني و الآهات تشيل الهم عويناتك وترسم أروع البسمات وتمسح من سماي غيوم وتطبع أروع القبلات عيونك منهل العاشقين لوحة و أجمل اللوحات عيونك فرحة العايدين دوام آسرانا بالنظرات عشقتك في الزمان الجاي وأحبك في الزمان الفات بحبك في زمن ماضي وبحبك لي سنين جايات بحبك قمرة تضوي سماي وأحبك نجمة للنجمات أنا الساكن هواك قلبي أنا الماعشقت غيرك ذات أنا الحبيت جمال عينيك ورود خديك و الخصلات أنا المفتون أنا العاشق بكل جنون وحبي إليك للحد فات[/align] |
| الساعة الآن 10:49 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.