[عايد عبد الحفيظ]

المشاركة الأصلية كتبت بواسطة بابكر مخير

يابا الحبيب.
أتذكر لمن جآ المرحوم والي الدين ربنا يحسن مقامه، لي لندن. طلب مني أخي الطاهر مخير (بتعرفه) أن أساعد في أننا نشوف ليهو فريق يستوعبه، دآ كان بعد ما شافهو دكتورنا السوداني جراح العظام ووجد أنهو ربما لا يحتاج لي عملية ووصى ببعض التمارين منها السباحة. المهم والقصة دي ظنيتني ذكرتها هنانا في سودانيات، بمعارفي لقيت واحد بيعرف ناس أرسنال وعرضن ليهم بعض القصاصات من الصحف ولقطات فيديو للمرحوم. زولي إتصل بيهم وهم وصوا بأنه يبدا مع فريق من الدرجات التانية ويقوم من يسموهم "الكشافين" يزكوهو وبعدين لكل حدث حديث.. المهم هلال السودان إتصلوا بيهو وبي وعود حفزته أنه يرجع السودان وأننا هنا نتابع ونشوف لو يرجع لكن إرادة الله كانت أن يتوفى بقرب من حباهم أكثر من الشهرة..

دكتورنا الجميل
إرادة الله وقدره
ولكن ما حدث لوالى الدين
يحدث لكثير من المبدعين
عندنا فى شتى المجالات ، أما أن
يغادروا الحياة مبكراً ، أو يموت الإبداع داخلهم مبكراً .
نحن لا نرعى المبدعين ولا نهتم
بهم ، ولا نعرف كيف نتعامل معهم ،
فيضيعون .
رغم عمره القصير فى الملاعب وفى الحياة
لكنه سجل إسمه مع الخالدين فى تاريخ
بلادنا .