[بابكر مخير]

المشاركة الأصلية كتبت بواسطة اشرف السر

البوست دا كان غاطس وين 🤔
دا بعتبرو سيك في قبولي والله....
تم البوست يا بابكر مخير..

يابا وإلتزاما بي وعدي أني أشوف الجيلي ونمشي في شاتن بيقالي شاهد، فقد رسلت ليهو الدعوة ومنتظر منهو الإجابة..
غايتهو إن ما قدر، يبقآ الفرحة ما من نصيبهو والسعادة فايتا بابهو..
أصلن الفكرة كان عشى من دآك المشتهى،، زغني بدجاج أميز من دآك بتاع الكويتية ولا تذغني منه حرمانا وأنجيرا أصلية مصنوعة من تاف أرض الأحباش الكرام وهناك العدس "مسري" بلون الدهب بلاد شنقول المجمر وإن ربنا فتح بي كباية من مشروب "التج" خالي الكحول (يعني يكون لساتهو virgin ما إتخمر "ولم يدخل في أنه مسكر ويذهب العقل حتى لللإنسان أن يعلم ما يقول") وختام الجلسة يكون مسك يعطر الجو مخلوط "بالجاوري" يحرق على مبخر أصله طين كما نحن في أصلنا "إنا خلقناه من طين لاصق"..
قبال ما أسترسل وأسرح..
جاني تلفون محبب لي القلب من جيلينا الجميل أو جميل..
سنواصل بعد ما نلتقي معاه في رحاب Marathon Ethiopian Restaurant