[عابد عقيد]

المشاركة الأصلية كتبت بواسطة لنا جعفر

والله الهلال لابيعرف ديمقراطية ولاليبرالية
والمسلمات البتجي في سطر دي شكلها حاتكلفني كتابة كتييييرة.
تورط الشخصيات العامة عموما في السودان مع الديكتاتوريات دي سمة من سمات ملامحنا يبدو لي ومافي زول خالي منها والبيتو من قزاز ياعابد حقو يعمل شنو؟؟؟؟ مايحدف الناس بالطوب,
ثانيا ياعابد لو عايز اوريك الغواصات الفي الهلال بيكون ده بوست بتاع امنجية ومتسقطي اخبار وانا بشكل جاد جدا عايزة اطلع منه بكلمة تخاطب عقل عزيزي المشجع او عزيزي المغبي
او المغيب او الفي غيبوبة
كده عليك الله راجع مداخلة رأفت ميلاد دي وشوف لمن الناس كانت بتدفن في دكتور علي فضل جماهير الهلال كانت بتسوي في شنو

وطالما أتيت بمفردات ديمقراطية ...خلينا نقيف وتقول الديمقراطية دي كلمة بتستوعب الوعي بالذات كشرط لبدء الحياة نفسها (ولا اقصد الحياة طبعا بمعني فيزيولوجي )
حاول تشرح لينا ديمقراطية شنو دي البمارسها اصلا مواطن مغبي جدا ووعيه تايه او موؤد ؟؟؟ وبعد ماتتوفر الديمقراطية أها تتفصل على مقاس الهلالاب ولا شنو يعني ياعابد؟؟؟ نحن مامعاكم في الديمقراطيات النثرتها لينا دي ؟
عشان تشجع ياعابد يفترض تكون اصلا كائن مختار وحر وطالما الاختيار ماموجود يبقى لاتوجد ديمقراطية ولا هلال زاتو
عجبتني طريقتك في اثبات ديكتاتوريتنا وديمقراطيتكم فقلنا نكاتل العنسيد او العنسيت بي جلدو
واثبت بي نفس طريقة اثباتك المبدعة دي ياعابد
كيف اثباتي ده معاك ؟؟؟ موش غيااااظ؟؟؟؟
اثباتك برضو كان غياظ ياعابد
ياخ ماتتكلم في السياسة وماتربط تاني الديمقراطية بالهلال
وماتستفيد من مواد انا بنشرها امشي فتش رزقك براك
انا كنت عايزة اثبت لي معتصم انه في ناس كتار رايهم زي رأيي
وبديت بالمريخ وجمال الوالي عشان انفي تهمة الانحياز عني
تقوم تستفيد من معلومتي بي طريقة وهو المطلوب اثباتو وتختصرني في سطرين؟؟؟
يازول كباية الحلومر مقبولة جدا ....والتلاتة مالها عيبها لي ماحلاااااااااااتها
مودتي ياعابد ومستانسة بوجودك ياملك جدا
تسلم وماتحرمنا الطلة

العزيزة لنا - عيد مبارك

ما اظن واحد ينكر ارتباط المريخ بالمؤتمر الوطني .. وما اظن واحد ينكر ارتباط المريخ بمايو والرياضة الجماهيرية شاهد وحي لايموت .
لكن لحدي الان منتظرين الهرجلة والفوضي البدرت من الهلالاب ومافي اي حدث خارق للعادة وكل الحاصل ردود افعال جماهيرية واخر مرة كانت في مباراة القمة وكان من جماهير المريخ وشريط الفديو قاعد ..
لكن الحدث الخارق لانفعالات الجماهير هو اغتيال الصحفي التنزاني داخل استاد المريخ في دورة سيكافا وما اظن في هرجلة وفضوي اكتر من كده ..
ولا زلت مصر انو العنوان مجحف في حق جماهير الهلال بينما تناولك للموضوع غاية في الروعة وبدون كسير تلج انا في الفترة الاخيرة دي ما لاقاني موضوع هبش جرح الكورة في السودان زي موضوعك ده ..
بالجد صفوية :D

تاني عيد مبارك