[فتحي مسعد حنفي]

المشاركة الأصلية كتبت بواسطة الرشيد اسماعيل محمود

ام التيمان سلام
اموت في الدين دي شوية فيها ابهام..
هل بتموتي في النقاشات الدينية
ولا بتموتي من اجل الدين(لأنو- في -هنا يمكن ان تعني من اجل).
بالمناسبة:
ماتفتحي لينا موضوع في الحب لانو الايام دي انا مغروض شوية

تعرف يالرشيد أم التيمان دي أنا بقرا ليها من ما ابتدت تكتب في المنتدي وفي اختلاف كبير جدا بين كتاباتا الزمان وكتابات هسة وبيتهيأ لي انها ما قادرة تختار المفردات الصحيحة الدايرة توصل بيها فكرتا للناس والناس بقو ملخبطين وما عارفين هي واقفة وين لكن الشيئ الأنا واثق منو 100% انها ما عندها أي موقف معادي للأديان وكل ما في الأمر هو سوء تعبير نتيجة لهجوم الناس المستعجلين وما قادرين يصبرو لغاية ما هي تقول الدايرة تقولو ..وبعدين تلقاها بتفكر في موضوع مجهزة ليهو مية جملة في راسا تقوم تجي تبداهو بي تلاتة جمل أو أربعة مستحيل يعكسو الفكرة الفي راسا وقبل ما تتم كلاما بتلقي ليك كم واحد نطو فيها طوالي وطيروا كل الكلام الكانت مجهزاهو ودايرة تقولو.
أما حكاية بتموت في الدين دي أفتكر واضحة زي ما انت بتقول البت دي أنا بموت فيها..