[الرشيد اسماعيل محمود]

المشاركة الأصلية كتبت بواسطة جانيت

بالمناسبه عايزة اقول ليك حاجه الكورلا زاتها بقت عربيه شعبيه
دي تخريمة كانت فارساني وقلتها
اها نرجع لطرح البت للولد
دي اسمها حياء منتزع
الواحد لو ظهر اعجابه ساي وما اتكلم الواحده بتكون ميته خجل
لمن هي التمشي تشرح وتطرح وهو واقف يتفرج
هي معجبه بيه وما قادرة تلفت نظرة عنه ياخ ما يتلفت
من قلهم
ولا من قلة العجب
بس احيييييييييييييييييي لمن قلبي وجعني
خربت لي مزاجي جد

جانيت كيييفك يافضفضة..
متشوقون..
اقري معاي كلامك..

هي معجبه بيه وما قادرة تلفت نظرة عنه ياخ ما يتلفت

عنو هو ولا عنها هي الماقادرة تلفت نظرو؟؟
والله ياجانيت البت لو رادت الولد اصلا ماممكن تقتنع بالtheory بتاعك ده
اها شفتي كيف؟؟
وبعدين اقول ليك حاجة..
كان حبتو بجد وهو من النوع الما بعرف يقرا الاشارات والايحاءات داك
صدقيني ببقي ليها بمبي..
بتكون مهجسة بين انو تعمل رايحة
وبين تفك اخرا والبتبقي تبقي (معاك مجرب)
نحن مااختلفنا كتير ياجانيت
يعني الاساس في البوح عندنا الولد
وده لأعتبارات كتييييرة ذكروها المتداخلين قبلك
بس الاشكال لمن البت تكون حابة ومتيمة بشخص محدد
والشخص ده (مممكن يكون متيم بيها برضو) ماقادر يبوح ليها..
هل البت بتمتلك الجرأة لذلك؟؟
وهل يتقبل الولد ذلك دون ان يغتر زي ماقالت سمراااء؟؟
او يصنف البت بالخفة وووو..
انتي بكلامك الفوق ده جاوبتي بصورة غير مباشرة
علي انو كان الولد مافهم عنو وفي ستين كمان..
الفي البر عوااااااام
ودي برضو تخريمة:

بالمناسبه عايزة اقول ليك حاجه الكورلا زاتها بقت عربيه شعبيه

شعبية بحري..

خربت لي مزاجي جد