إزيك يا الرشيد / ومعليش الترحيب بيك جا متأخر شويه..
مرحب بيك ، وشرفت الديار..
------
نعم الحاجه الأشرت ليها دي موجوده ، والمسئول عنها الأول والأخير البيئة الشكلت وعي زي .. الوعي الذكوري البيطريركي البيدي ل ( آدم ) زمام المبادرة حتى في مسائل بتتعلق بالمشاعر الإنسانية..
البيمنع شنو إنو المرأه تعبر عن حبها للزول البتريدو! كائن بيشاركني البسيطة دي ، وبمقدار ما بحس هو برضو بيحس ، لو خشت فيني ( وهمة ) إني متفوق عليها بايولوجياً وبالتالي أي مبادرة مفروض تجي مني بكون مخطئ وعالمي الناجرو من مخيلتي ده مفروض يتغير..
المشكلة في تقديري إنو المرأة بحد زاتا متقبلة الوضعية دي..
وضعية إنها تكون متهيئة للإستماع من الرجل ، لأنها ( كيًفت ) نفسها على إنها ما تبادر..
وكيفت نفسها على إنها تكون مستمعه جيدة ، وآلياتها ما بتتعدى الإيماء ، والإبتسامه ( البالجمبه ) وغيرها من الأدوات الفقيره إللي نحن ساهمنا بشكل أو بآخر في تدهورا..
بشجع أي علاقة تبادر فيها المرأه بحبها للرجل ، أو العكس..
لأنو المرأه عنصر مهم في المجتمع ما ممكن تغفلو.. بل مفروض تكون حريص عليهو ، وعلى نموه الوجداني والمعرفي والحقوقي..
----
شكلي شت بره الخط.
|