امــســـحي حــزن الغـيـمــة المــــــــالـــــــــــــح
قمرة
ونسمة تبرد جوف الليل
نجمة
وهمسة تغازل قيف النيل
لمحة
وخاطر
وكلمة تجاهد تغزل ليك
الوصف العاصي ما مابي يميل
من تلاك الالفة الدافية
من تالاي السفر الويل
من تالاك الوعد جميل
اتلاقينا
زي برقين في عز صباهم
سلخوا العتمة
وفي جوايا
بقوا فتيل
ندهتك :
اقيفي وامسحي حزن
الغيمة المالح
ودسي نداها
لامن يصفى الزمن الكالح
وشلتك فال
رغم الغربة الماسخة وهادة الحيل
ملتي علي
ولهجك حاني
وحالي رطب قنديل
( ما تتوصى...،
وانت مسافر
ما تتهشش
اركب صهوة خيل الكلمةالجامحة
شلتو غرامك جوة أمانة
،
وشلت قليبي معاك دليل.)
واتعاهدنا على حاجتين
عشق الأرض
وحفظ السقيا
ولون الالفة الزاهية وصادحة
|