ياخ والله كيفتيني يامنال..
من أمس الفكرة دي راودتني عن نفسي.. وغلّقت الأبواب وقالت هيتَ لك..
لولا أن رأيت أن أتريّث قليلاً.. كمحاولة للفهم.. ومافهمت حاجة..
وصحي ليه بيتفرع بوست من وحي آخر..؟؟؟؟؟
سجلت قبل كدة يا منال في منتدي فيهو عدد المشاركات بترقيك وتبقيك
رتبة.. يعني تصل مية مشاركة بيدوك نجمة.. ماعارف 500 مشاركة نجمتين
وهكذا وهكذا.. في ناس كانوا عُمَدا وعُقدا ولواءات عديل.
رجعت لمشاركاتهم.. لقيتها كلها عي شاكلة "حكم وأمثال وبرجك شنو وووو..إلخ..
أيِّ موضوع والسلام.. إن شاءالله تقول "الليلة جدادتنا بيّضت".. موضوع 
وبما إنو مداخلاتك بتتحسب ليك مشاركة، فبالتالي إمتلأ المنتدي بعبارات "تسلم والله.. إبداع.. شكراً ياجميل.. بارك الله فيك.. وإلخ..
يعني مافي أيِّ نقاش، مافي إضافات، البجيك في البوست حقك، بيكون هدفه أوّلاً إنو يضيف لرصيده مشاركة جديدة، فما بيجتهد حتي للدخول في صلب الموضوع، وممكن يكون ماقراهو أصلا.. خليت المنتدي ومرقتَ.
معليش مرقت خارج إطار موضوعك.
التعديل الأخير تم بواسطة الرشيد اسماعيل محمود ; 27-07-2011 الساعة 11:48 AM.
|