[طارق الحسن محمد]

المشاركة الأصلية كتبت بواسطة بابكر عباس

سلام كيشو
أمير المؤمنين قال لي: الترابي دا أحسن واحد بفكر فيكم انتو الكفار ديل
قفشة مضادة!!
لو فعلا الشريعة الاسلامية كالعلوم الطبية، كان بختنا!
لانوالعلوم الطبية علوم تجريبية تعتمد علي النتائج و ممكن تنقلب عليها 180 درجة بالتجريب،
لكن علم الشريعة علم جامد الناس الاسسو ليهو فصلوهو بحيث يصعب الخروج منه بجديد..
شنو البمنع نغير شروط الفقهاء ديل؟
التجربة قدامك واضحة و برهنت سقوط ولاية الأمر علي المرأة
ما دام الحديث مصدر من مصادر التشريع ليش نحن ما نستنبط و نستنى الفقهاء ديل!
وريني واحد من الفقهاء ديل ممكن يحل المشاكل الاجتماعية المكومة في السودان دي؟

أقول ليك حاجة:
أنا بي معرفتي المحدودة دي، أعلم من الفقهاء الأربعة بمشاكل و تعقيدات مجتمعي الإحتماعية..
إنت ليش دايرني أشيل مشكلتي و أقيسها علي أحكام الناس ديل؟ بعد داك أوديها للنجار أو الترزي يفصل زيها عشان أجي بعد داك أختم عليها حسب المذهب المالكي أو الحنفي.

اسئلة كبيرة وكثيرة
تنتظر اجابتك
يا كيشو
وابدا ردك على مبر
وانت نازل
راجنك