[الرشيد اسماعيل محمود]

المشاركة الأصلية كتبت بواسطة عبداللطيف النقر

[align=right]

لا أشك مطلقا بحرية الكلمة والنقاش -- اذا كان النقاش يقود الى حقيقة -- ولكن ان يكون النقاش هو لمجرد النقاش بدون الوصول الى محصلة نهائية للموضوع فهو نوع من العبث والمهاترة -- والاولى ان يكون هناك نهاية للموضوع تقوم بها ادارة سودانيات لانها الاقدر على ذلك --
[/align]

النقر سلامات..
انت كدة بتشك في حرية النقاش..
وبعدين ياخي الحقيقة البيأدي ليها النقاش(اي نقاش) البيحددا منو..؟؟
والمحصلة النهائية لأي موضوع البيحدد قيمتا منو..؟؟
ياخي الحاجات دي كلها غير مطلقة ولا ثابتة..
وحتي الحقايق ياعبداللطيف ما مطلقة في ذاتا..يعني البتشوفو انت حقيقة احتمال
انا شايفو غير كدة..ولا شنو..؟؟
انت بتحاكم في الاخرين من منطلق رؤية ذاتية..
وكدة حتتعب كتير لأنو الناس توجهاتو بتختلف عن بعض..
ومفاهيم الناس وثقافاتهم وتوجهاتهم الفكرية..منجزاتهم الثقافية متمايزة
للحد البعيد..
يعني اراء الاخرين تظل اراءً مقدرة وماممكن انت تسقط نظرتك الشخصية
علي موضوع زول وتسميهو عبث بالتاريخ..وتطالب الادارة بأنها توقف العبث ده بداعي
انو الموضوع ليس من وراءه فائدة مرجوة ونقاش لا يفضي الي شيء..!!!
عندك حجة قارعو بيها ماعندك تتحمل نتيجة قصور المنطق حقك براك.
إفتراض:
لو جا زول وقال ليك برأيك ياعبداللطيف..ماهي المحصلة النهائية والفائدة المرجوة من البوست
خاصتك (لفت نظري)..؟؟
ردك حيكون شنو..؟؟
وابقي طيب.