[فتحي مسعد حنفي]

أمي قالت الفايق بهمز أمو..ياها دي الفياقة ذاتا..
يا عبد اللطيف كلامك فيهو كتير من الصح انت طمستو بانفعالك وحورت فكرتك بايدك وخليت الناس يفهمو عكس الانت قاصدو..وكالعادة شرحت وجهة نظرك بالهجوم علي الغير..
كلام أحمد طه مثلا أنا ما عجبني وفور دمي لكن كبتا الغضب الجواي وما رديت عليهو عشان عارف غيري حيرد وعشان عارف انو المنتدي ما فيهو انجليز عايزين يمجدو غردون ويقولو انو اتكتل غدر وظلم..وكلام الناس هنا بيختلف من واحد لي التاني والانجليز لي يوم الليلة معقدين من السودانيين لكن بيحترموهم..والنقاش ياخ كان عن الفيلم ما عن التاريخ.
احنا كتلنا غردون وختينا راسو علي أسنة الرماح وهم عملو جمجمة المهدي طفاية وعشان يغيظونا ختو لينا تمثال غردون فوق جملو وتمثال كتشنر فوق حصانو في الخرطوم علي الهواء الطلق واحنا ختينا جبة وحربة جوة بيت الخليفة..يعني التاريخ ختيناهو تحت المخدة ونمنا وشخرنا.. يازول ما تهيج وتزعل نفسك ساكت والما عاجبك كلامو رد عليهو وما تجمع الناس عشان في ناس كتار من رأيك انت وصلت ليهم راس الصوت وختيتم مع المغضوب عليهم وبدل ما تكسب تأييدم كسبت زعلم منك وما داير أقول عداوتم عشان هنا مافي أعداء وأهو صاحبنا الكوز بدر الدين قاعد وسطنا وليهو نفس الحقوق وعليهو نفس الواجبات.وسيد المنتدي كان ما عاجبنا كلامو بنديهو علي راسو وما حصل في يوم استغل موقعو ورفد ليهو عضو عشان اختلف معاهو..
بعدين انت ياخ بدل ما تزعل من أعضاء سودانيات حقو تزعل من ناس هي لله هي لله البقو زي شيالين الحقيبة وقاعدين يزورو في الحاضر مش التاريخ..
روق يازلمي