[اشرف السر]

الزمان: اوائل التسعينات، القرن العشرين
المكان: 24 القرشي- رئاسة امتداد المناقل في مشروع الجزيرة- غرب المناقل وشرق معتوق والدويم

الموضوع او الحبكة او النكتة دي سمعتها قبل كدا.. بس الفرق انها حصلت لي.. في حياتي الواقعية





الحالة: العبد لله - اشرف السر - معلم متطوع في مرحلة الاساس

الحالة الحرجة: التلميذ: "يوما"
"يوما" سادتي اصوله من جبال النوبة، ولد، ونشأ وترعرع في 24 القرشي، تلميذ ذكي في كافة المواد، ورياضي بارع في مناشط الرياضة.
نظام المدرسة 3 حصص ثم فسحة الفطور، ثم بقية اليوم

المشكلة:

يوما بعد الفطور بجي المدرسة نايم تب، "لط" على قول العلماء

كنت حينها معلما متطوعا،، لاحظت ما يجري ولكن تغاضيت عنه، لعلمي بأن 24 القرشي تضم السودان كله من شرقه لغربه ومن شماله لجنويه..

وصل الامر لمدير المدرسة فاستدعى والد "يوما"

- ولدك دا، بجينا الصباح تمام ومية في المية، بس بعد الفطور بجينا سكران ومطين، وريحتو مريسة، الحاصل شنو؟ لازم التلميذ دا يكون منضبط!!

- يا هدرت (ياحضرة) الناظر، "يوما" دا ما يفطر؟ ولا شنو يعني!!!؟