[جيجي]

اقتباس:سجمان
وحاتك زمناً دونك..
كان ممحوق..
حتى المطرة ..
الكان جات فوق بيتنا
تصب ساعتين..
وبرضو وحاتك
ما بت حوق..
المخلاية وسعف الكسرة..
الشادوف الفوق واطاتنا..
يبسن تب..
كالحنقوق..
والنقاع المن يوميين
يابس قِد..
ما بلت حلقو
شوية رشة..
يزورو نشوق..

التاية تساسق..
بين الدانقة..
وبين قاطوعا..
تعاين فوق..
مو هامّيها صبيب المطرة..
وُلُو هاميها غلاوة العيش..
وعواسة الكسرة..
بلا طايووق..
ولا قرقدّا الليهو سنين
ما ضاقلو مشاط..
والكركار موجود في السوق..
بس هاميها مجيك
آآآآآآآالتومة..
تزيلي هموما
وتمسحي عنها..
تعب الشوق..

اقتباس:
المشاركة الأصلية كتبت بواسطة جيجي
ابعدني من كل البشر
ابنيلي في جواك سكن
حصني بشوقك دروع
ابنيلي من الريح مصاد
رقدني جنب روحك هناك
افرشلي من حنك رياش
عوذني بحبك امان
هدهدني بكل الشجون
لوليني في جواك امل
حجيني بيك
وريني كيف الدنيا كانت عاملة فيك
علمني سر الامنيات

-- -------------