عارف يا ناصر يا اخوي
اي زول في الدنيا دي ماعنده مانع انه النناس تكون اصحابه وحبايبه
لكن عشان اختلاف المفاهيموالثقافات والنوايا
لازم انت تكون محاط بمفاهيمك انت وثقافتك انت ونواياك الجواك
عشان كدا اي زول مفروض يكون عنده خيارات وباوندريز
ويجبر الناس على احترامها
لكن الزول من غير حدود بيكون في السهلة ساي
انت قائل الحكمة في بناء الحيط والسواتر دي شنو
ولا قائل الحكمة في الابواب والنفاجات دي شنو
مش من الحرامية الممكن يسرقوك خصوصيتك وحاجاتك كلها
ف المفروض انه دايما تكون في وقفة مع الروح
عشان تعرف انت وين وبتعمل في شنو والا الزول بكون زول ساي
بعدها بتجي مرحلة التعايش من خلال احترام الخيارات دي
وبعد كدا مادام انت زول عندك خياراتك البتثق فيها وقناعاتك المليان بيها
بعد اد بتبقى كما يقال
واثق الخطوة يمشي ملكا
وصدقني مشي الملوك دا وانت مرفوع الراس مش عشان الثقة بس كمان عشان تخطي الحقد والحسد والاقاويل وكل انواع السوء التي هي اكيد في مرتبة اقل من مستوى البصر
وعشان كمان تحتفظ بالجمال الجواك مايقع منك تحت الاقدام البائسة
لك مودتي
|