[الرضي]

اقتباس:

المشاركة الأصلية كتبت بواسطة بابكر عباس
يا أخي دي، حجة مردود عليها، ممكن عادي يكون بنو أمية أو عباس حبوا يدخلوا الناس الجامع طوال الوقت؛ عشان ويخلوا لهم الملعب السياسي.
يا أخي، صلاتي الظهر والعصر ديل، بجعلن اليوم كلو عبادة وبتعارضن مع وقت العمل؟
ما زلت غير مقتنع بإجاباتك! كيف ربنا يقول للرسول مباشرة (في المعراج): صلي خمس صلوات ويرجع يرسل ليهو: "أقم الصلاة طرفي النهار وزلفا من الليل"؟؟
لو خمسة أخير من ثلاثة، كان يخلين لينا علي الخمسين!

سلام بابكر ... وأنت بتدخل في نفس المشكلة التي رمانا فيها الخوارج من السلفية وجماعات السنة ... وهي أعتبار القرآن الكريم هو الله سبحانه وتعالى ... يعني هسع لو أنا كتبت ليك أمر قلت ليك فيهو أمشي الخرطوم .. وبعدين قابلتك وقلت أمشي الخرطوم وأم درمان .. تقول لي أنا أتبع ما تكتب وليس ما تقول .. ما بقوم برفدك طوالي.

بعدين أنت نسيت الآية التي تقول: ((أَقِمِ ٱلصَّلاَةَ لِدُلُوكِ ٱلشَّمْسِ إِلَىٰ غَسَقِ ٱلْلَّيْلِ وَقُرْآنَ ٱلْفَجْرِ إِنَّ قُرْآنَ ٱلْفَجْرِ كَانَ مَشْهُوداً )) الإسراء 78 .. وجاء في تفسير القرطبي لكلمة (دلوك) (أنه زوال الشمس عن كبد السماء؛ قاله عمر وابنه وأبو هريرة وابن عباس وطائفة سواهم من علماء التابعين وغيرهم.) وهذا التفسير هو الأقرب لأن كلمة دلوك من التدلي فالشمس ترتفع في كبد السماء ثم تتدلى نحو الغروب ... وهذه تشمل صلوات الفجر والظهر والعصر .. يعني حل ليك مافي.
الآية الأولى للتذكير:
((وَأَقِمِ ٱلصَّلاَةَ طَرَفَيِ ٱلنَّهَارِ وَزُلَفاً مِّنَ ٱلْلَّيْلِ إِنَّ ٱلْحَسَنَاتِ يُذْهِبْنَ ٱلسَّـيِّئَاتِ ذٰلِكَ ذِكْرَىٰ لِلذَّاكِرِينَ)) هود 114 .