[الفاتح]

المشاركة الأصلية كتبت بواسطة الرشيد اسماعيل محمود

سلام يا السيّد المشرف،،
ما عندي معلومة عن الطريقة الاتكونت بيها اللجنة الفنية السابقة، لكن بتخيّل لي المفروض تكون في شروط معينة مفروض تتوفر في الشخص الراغب في الانضمام للجنة المعنية، وليس إيناس الكفاءة فحسب. أو علي أقل تقدير الناس تقوم تزكي أسماء بعينها بتشوف إنها ممكن تفيد حال انضمامها للجنة الفنية، عن نفسي شايف الإخوة:
أسامة الكاشف
النور يوسف
مُحسن خالد
خال فاطنة
ممكن يكونو (حال موافقتهم) ضمن اللجنة الفنيّة للنقد والتشريح والتقييم بالنسبة للنصوص.
عموماً:
دي خطوة مهمّة جدّاً في طريق إنو الناس مش تحفز الآخرين، بل حتي تعمل علي تسويق واجهة سودانيات الأدبية بشكل مميّز.
شكراً ياخي علي نمرة 4 القايم بيها دي، دة شغل زي الورد.

أهلين يا الرشيد..
الآلية الإتكوًنت بيها اللجنة الفنية في 2009 كانت عبر الترشيح ، وكانت في لسته مكوًنه من كم نفر تم ترشيحهم ، لكن ما إلتزموا بكل أسف ، وإضطريت لتأخير ضربة البداية ، وإعلان النتيجة كم مرًه.. إلتزم منهم شخصين فقط هما العزيزين أسامة الكاشف ومعتصم الطاهر.
فخوفاً من تكرار التجربة الفاتت إقترحت مبدأ المبادره..
على كل : إذا الناس هنا إتفقت على جدوى الترشيح بدلاً من المبادره حناخد برايها.. بس ياريت إنو الناس تلتزم.
--
التحية لعينك الشوًافه الإلتقطت ( أسامه الكاشف ) رغم عدم علمك بتجربة 2009