[فتحي مسعد حنفي]

المشاركة الأصلية كتبت بواسطة مها عبدالمنعم

اذكر كنت ابحث بالصدفه في النت الواااسع دا عن شغله بتخصني رايحه وحين قمت بكتابة اسمي قام ظهرت لي استاذه فائزه بجائزة الطيب صالح للروايه هنا في المنتدي دا والله تعالي اعلم فبقيت اخش اقرا سرا بس عجبني انه مافيه مشاكسات وماعارف القصص الفي المنتديات تبع لاقيني في الشارع وكذا فورا دخلت عملت ايميل اسمي كذا صفتي كذا وتم قبولي هنا قبل فترا قرييييييييبه انبسطت لمن لقيت بعض اصحابي هنا وشويه شويه بديت احس انه والله زي الشغله دي فيها شلليات وشنو كدا المهم قلت اكيد بتتوهمي يابت شنو دا بس ياجماعه والله انا ضائعه جدا في شنو والناس هنا ماله كل ماتدخل محل تلقي الحربو مدوره كمان كان غلطانه اكون غلطانه والله تعالي اعلم

ضايعة كيف يعني وانتي عندك أورطة أصدقاء هنا ولا يعني أنا ما مالي عينك
ياخ احنا لاقينك وين عشان نتجاهلك؟؟؟ أسمعي شوفي هنا كان الحكاية زي ما بتقولي شللية ودي ما حقيقة اعتبريني أنا وشلتي شلتك وكان ما عجبناك بنشلتك..وبنجيب ليك كمان ايمان سولارا وانصاف ..
المهم انتي لازم تفرضي نفسك وانتي كاتبة موهوبة ودي ما دايرة اتنين تلاتة بس لازم تواصلي الكتابة والعربية الجديدة لازم في الأول تتسلك وبعدين ممكن تسوقيها عادي واعتبري روحك هسة في طور التسليك..
مرحب بيك يامها..