اقتباس:
المشاركة الأصلية كتبت بواسطة عبدالعزيز خطاب
يا الجيلي معارفي في هذه الدنيا هم كواكب ومجرات ونجوم ووجهاء مجتمع. فيهم زملائي وفيهم أصدقائي وفيهم اهلي وسيرتهم تملأ المجالس التي لا تخلو من ذكر اسمي. لا ابحث عن شهرة ولا صيت ولقد تركت ما وهبنى له الله من موهبة اثقلتها بالعلم والمعرفة، وان كنت احمل هوس التلميع لكنت الآن ابعد من ان تخاطبنى بمثل ما تمثل لك.
|
الغريبة ياخطاب انو أصحابى والناس البعرفهم, لامجرات ولا نجوم..
شوفتا الورطة دى كيف(ناس وهم مضيعين لى عمرى دا ساكت)
يادوب كلامك دا نبهنى لضرورة معرفة الكواكب والنجوم..
أكتر زول قدرتا انو أصل ليهو على مستوى الفن وأتعرف عليهو, ياهو ناصر يوسف دا,
أما على المستوى الأكاديمى فاننى لاأطمح اكثر من تعرفى على الاستاذ الشفيف الدكتور بابكر عباس..
والله ياخطاب ليك حق,
هسه زول مغمور زيييى كدا البجيبو شنو مع النجوم والمجرات ووجهاء المجتمع!
أمسحا لى فى أى ملف, بس طلع ود الحاج برا..
أصحابى ياعبدالعزيز خطاب, فيهم (جونكية) سكان الاماكن العامة(محطات, مجارى)
أو اى فجة فيها تدفئة مجانية..
مشردون هم, لاأذهب اليهم حين أزورهم كى احمل لهم اكلآ أو أواسيهم..
بل انى أجلس اليهم فيربتون على كتفى, وأبكى وأصرخ أحيانآ وحدى, أو أصمت فيفهمون صمتى..
يتواصل