سلام بتاعكم
النتيجة النهائية ، فوزنا نحن القراء بقراءة نقدية معتبره ، وفوزنا بمشاركين من الجزائر ومصر والعراق .. التحية والتقدير لكل من شارك في صناعة التجربة دي سواء بالمشاركة أو بإبداء الرأي ، والتحية والتقدير للأخوان الفي اللجنة الفنية على إقتطاعهم وكت من زمنهم في سبيل إنو يحركوا الواقع الثقافي.. سعدت بالتعامل معاكم ، وأعفوا لي ملاحقتكم
بالذات إنت يا أمير ، وبأسف لكل مشارك نصو ما إستوفى شروط المسابقة.. وبتمنى إنو في البوست ده ، الناس تفرتق النصوص الما إستوفت الشروط ، وبأسف للمره التانيه للأخطاء إللي شابت التجربة ، وتحديداً إغلاق البوست قبل منتصف الليل.. تاني لكن ما بساهر المسابقة الجايه من الساعة إتناشر بالضهر بجر سلكة الباب
أما بعد :
الجدول التحت بيوضح ترتيب الفائزين وفقا للدرجات.. وفي تقديري كل المتسابقين فايزين.. فايزين بإنو كسروا حاجز الخوف من الكتابة ، فايزين بإنو وضعوا بصماتهم في تأريخ سودانيات ، وفي تأريخ العمل الثقافي في السايبر ككل.
يلاحظ إشتراك عدة نصوص في درجة من الدرجات.. لذا وجب التنويه لإنو ترتيب الفائزين البيشتركوا في الدرجات جا بشكل عفوي
ألف مبروك للفائزين ، ومزيد من التقدم والنجاح
----------------
ملحوظة : إعتقد إنو خيار تبيان تعديل الموضوع ما بيظهر هنا..
حأقوم بتعديل المداخلة ، بنقل النتيجة النهائية بقصد إعادة مراجعتها مره تاني .