سلام عليكم
عبدالمنعم الطيب
قدر ما حاولت اعاين للحكايه دي من وجهة نظرك ما قدرت, يعني الماتو من نيران المؤتمر الا وطني فى مناطق التهميش مراحيم والماتو من نيران الجبهة قتلى؟؟؟
ووريني ياتو يوم فى تاريخ السودان الحديث ما مر من غير نيران فى الخلافات السياسيه؟؟؟؟؟ ونحن بلد الحرب الأول فى العالم وشايلين وسام اطول حرب فى افريقيا وتقول لي النار حدث جديد؟؟؟؟
وبالنسبه لدرب التغيير والثوره والهتاف اللي اساساً غير وجع الكرعين ما جاب للشعب حاجه فالجبهة فى خطاباتها بتناشد قيام ثوره جماهيريه قبل ما القوات تصل الخرطوم تلافياً للأضرار الممكن تحصل لو الحرب جات المركز.
الأستاذ شاهين محمد سليمان عنده جمله لذيذه طوالي بتتردد فى رواياته (ايام الإيمان بالشعب الغير مؤمن) تأمل فيها عزيزي وحتلقى انو الشعب راحت عليه المعلمه زمان, كلنا ضد النار والحرب بكل مسمياتها بس صدقني السودان وصل مرحله اخر العلاج الكي.
وجد حيكون كي مؤلم والله يستر علينا.
طارق كانديك
نفس الشي
حسين عبدالجليل
نفس الشي
لنا جعفر
نفس الشي, تسلمي شديد ويديك العافيه
فتح العليم الإمام
نفس الشي
بابكر عباس
هنا انا اتفق معاك, وكل خوفي من إفرازات الجهويه الضخمتها للناس حكومه الطمام الوطني, تخيل البحصل فى دارفور من حريق وموت واغتصاب يكون حاصل علي مدني وشندي والخرطوم, ليه لأ ما فى نظرهم هم ديل السبب, بس ياريت القيادات تكون واعيه للحته دي وتحاول تطلع منها, يكون همها بس ولاد الهرمه ديل.
تحياتي واحترامي للجميع
|