الان بخصوص استنتاج ان الكلمة في التكوين هي شلم وبالتالي سيدنا ابراهيم
كان مسلما
النقاط البتؤكد صحة استنتاجي هي
1-اعتراف الموسوعة اليهودية
2-عدم صحة النص الماسوري كنسخة مرجعية (كل نقاط المداخلة السابقة)
3-الترجوم يعود للقرن الثاني الميلادي او الثالث على الاكثر
بينما اقدم مخطوطة للعهد القديم تنسب الى القرن العاشر على احسن تقدير
4-علماء النقد النصي اصبحوا لايفرقوا بين النصوص اللتي تسمى نصوص
رئيسية (سبعينية-ماسوري-سامرية) وبين مختلف التحريرات الاخرى
بمافيها الترجمات القديمة زي ترجومنا البنتكلم عنو هنا والنقطة دي مهمة
وياريتك تديها حقها من التفكير
بالعربي كدا العلماء ديل ماشايفين اي اساس علمي لتعاملكم مع الكتاب المقدس
بالنسبة لقبول او رد الاسفار والترجمات وبالتالي الايمان بما فيه.
5- الافكار الاخرى للاسلام مثل انه دين الانبياء ودين الفطرة اللتي فطر الناس
عليها معروف لبعض رجال الدين المسيحي واليهودي فبالتالي من غير المستبعد
ان يكون الاسلام مذكور في التوراة .
6- التقليد اليهودي المتبع في الترجمة (الترجوم)
انت طبعا طالب لاهوت وعارف انو ترجمة الاسفار الخمسة للتوراة
تتم بنطق المقطع بالعبري على المترجم ويقوم المترجم بترجمة المقطع ترجمة
حرفية فاذا كان جذر الكلمة محل الخلاف له نفس المعنى ومافي اختلاف في
الحروف وبالتالي النطق في العبرية والارامية يبقى احتمال
انو الكلمة مترجمة عن كلمة اخرى ضعيف
بالمنطق كدا كلمة عشان احولا من العبرية للارامية مامحتاج الا اني اعيد
كتابتها بي حروف ارامية البخليني اترجما بكلمة تانية مرادفة لها في المعنى شنو.
والكلام دا منطبق على الجذر شلم وتاميم.
اظن كدا الفكرة واضحه
بالنسبة للاية البتكرر الكلام عنها كل مداخلة والتانية
انت قلت كنت مسلم يعني تفسير الاية مفروض يكون واضح جدا بالنسبة ليك
بعدين الحاجة البتحاول تلمح ليها من ايرادك للاية دي تحديدا
والايات الاخرى المشابهة مامحتاجة للبحث عنها في التفاسير
كدي فكر في سؤال صديق عيدروس عن زنا المحارم بالنسبة للانبياء
في الكتاب المقدس اي اجابة علي السؤال دا حتى لو كانت مامنطقية
اعتقد انها كافية لنسف اساس الفكرة البتحاول تلمح ليها
بالنسبة لمداخلة عبدالله علي موسى ماتديها الواطة
وعشان ماتجي تنفي التاريخ زي ماعملت المرة الفاتت
وتقول انو كل الالهه دي ماف دليل علي انها كانت قبل المسيح
الفكرة الاساسية والمشتركة في كل الهه الشمس الوثنية
تتكرر كل عام قبل ان يوجد المسيح عليه السلام
|