[أحمد طه]

المشاركة الأصلية كتبت بواسطة ابومشعل

الاستاذ احمد طه
كل سنه وانت طيب
يا عزيزي من يدين من ؟؟؟؟
ومن يعاقب من ؟؟؟
ومن يحاسب من ؟؟؟

والتي هي بالاحمر في تعليقكم على ما كتب بابكرعباس ، نسبيه ، ولا توجد عليها ممسكات حسيه او شواهد مادية ، لكنها المسئولية الاخلاقية .

والله - تعالى وتجلى - وانا وانت وبابكر عباس وكثيرين اخرين لا نعرفهم يبصمون بالعشرة على ادانة قوش بما فعل بالكثيرين ، واخر الشواهد ما اقول ادنة قوش لنفسه وبعظمة لسانه عندما طلب من ضحاياه ان يعفو عنه .
رحم الله حميد فقد كان بعيد النظر عندما - جاءه - قوش يتذكى .
تحياتي

أبو مشعل سلامات و كل سنة و انت طيب

غايتو يا إنت ما قدرت توصل كلامك كويس يا أنا فهمي تقيل ، و بيني و بينك أنا مرات مخي بيربط خاصة في الحر الحاصل دا ، مثلا

والتي هي بالاحمر في تعليقكم على ما كتب بابكرعباس ، نسبيه ، ولا توجد عليها ممسكات حسيه او شواهد مادية ، لكنها المسئولية الاخلاقية .

كيف لا توجد شواهد ؟!
ياخي يكفي إنو صاحب المنبر دا (خالد الحاج)عليه رحمة و رضوانه أحد شهود بشاعة التعذيب في جهاز صلاح قوش الأمني !!

بعدين

رحم الله حميد فقد كان بعيد النظر عندما - جاءه - قوش يتذكى .

دي برضو ما وقعت لي ! فهلا تفضلت بقليل من الشرح