[رأفت ميلاد]

المشاركة الأصلية كتبت بواسطة نزار حسن علي

عزه السودان
تحايا واشواق

يا سيدي زفه المولد في مدني حكايه فعلا وعادل ود بهيه كيف تاريخ لا ينسي انا يا سيدي ناس عمتي جيران ناس جكسا وناس عادل ود بهيه اولاد عمتي ناس سيف شطه وكمال شطه كده تكون وصلته انا ود خالن وهم اولاد عمتي وحضرته كم زفه للمولد ويا حليل مدني يا عزه السودان اقول ليك حكاية عندي اولاد خالي مرتاحين ابوهم قال ليهم نمشي الاجازة لندن قالوا لابوهم ماشين مع نزار مدني ما ماشين لندن قلته ليهم انا بوصلكم مدني وارجع امشي لندن ومن لندن بجيكم في مدني

نزار أنت شارب شاى بلبن .. ياخ قالوا ليك عازة مرة ما راجل

تعرف قصة أولاد خالك دى ذكرتنى أخوى سليمان الله يرحموا .. طلعت ليهو بعثة لروسيا يدرس هندسة .. مشينا المطار عشان نودعو فجأة أختفى .. نكوس فيهو لامن الطيارة طارت .. أبوى ما أدى أقوال ومافى زول قدر يقول قدامو حاجة .. بعد خمسة يوم نادانى وقال لى أمشى شوف أخوك .. براحة طلعت وأنا عارف بلقاهو وين .. لقيتو ليك مبسوط وأمورو تمام .. قلت ليهو ده شنو العملتو ده .. قال لى (ياخ فى زول يسيب مدنى ويمشى موسكو)