[رأفت ميلاد]

المشاركة الأصلية كتبت بواسطة الرشيد اسماعيل محمود

شاب يظنه الناس عجوزاً، أوّل ما لاقاني بادرته قائلا: يا دكتور ما عرفتني صاح؟ أنا الرشيد، حينها التفت لعكود قائلا: عاين دا بالله؟ قال ما عرفتني قال!!، ثمّ التفت إليّ قائلا: ياخي أنا من شناتك دي عرفتك، تقول لي ما عرفتني؟!!
بادرته بضحكة: يا دكتور ياخي أنا قلت يمكن بعد السنين دي اتغيرتَ وبقيت وجيه شوية، فردّ علي قائلا:
لالا، إنت زول أصيل وملتزم بمبادءك، أصلك ما بتتغيّر!
ثمّ التئم جمعنا علي طاولة قهوة حبشية بمكانه العامر. يتحرك بخفة ورشاقة لا تتناسبان وعمره الذي يقول به الناس (وتُقرأ الحُسّاد). زول ونّاس وحكّاي، إدّعي أنه أصغر عمراً بكثير من رأفت ميلاد وفتحي مسعد، ذاكراً أنّ الفرَقة الزمنية بينهم كبيرة. إحتفي بيَ كثيراً، وكان مُصرّاً علي أنْ أبقي معه لأيّام ولكن الزمن لم يكن يسمح بذلك. خرجنا منه بيقين أنّ بابكر مخيّر ليس (زول جميل)، بل أكثر جمالاً.

تعرف يا الرشيد من ناحية أصغر مننا دى ما كضب فيها .. العمر ده ما بحسبوهو بالسنين .. غايتو أنا ركبى البايظات ديل محملو المسئولية بالمشاوير القرضنى فيها ديك

ياخ ما تجينا هنا كان نلقى لينا سطرين من كتابتك السمحة دى ترفع لينا معنوياتنا