[walid taha]

[إلتقينا فى مساء اليوم الثاني ..لا أدرى إن كان محض صدفة ام غير ذلك غير أنى كنت أدرى ان كل شئ إستحال الى بهاءٌ عظيم ..سارت نحوى وهى مسرعة بعض الشئ قائلة : ناس سميرة هسه جايين أنا إدقدمتا ليهم عشان نتلاقى كنت عارفة انوحألقاك هنا ..أها عايز تقول لى شنو؟ قبال ما يشوفونا إتكلم ....كنت أحسها تحبس انفاسها المتسارعة و كانها تخشى ان تفضحها
كانت تترقب وهى تنظر الى شفتى خروج تلك الكلمات التى ادركت كنهها منذ ذاك اليوم ..لم يسعفنا الوقت فقد بانت "سميرة" وإحدى رفيقاتها ..
لم نترحك قيد أنملة رمقتنا "سميرة " بنظرة لا تخلو من مكر وإن كانت تحاول إخفاء ذلك بإبتسامة خرجت رغماً عنها..قالت لى : أهلااااااان كبف الحال...صافحتنى ..ثم أدارت النظر الى "نوال " التى كانت تقف بلا حراك . . قائلة : "نوال " مالك فتينا ؟
لم تنتظر رد من "نوال" وقالت متابعة : تعال اتونس بكرة معانا نسوى ليك (قُراصة) حنقعد فى ضل النيمة ولا بتخجل؟.ولا يمكن ما بتريد (القُراصة)-(متلعثماً ) :لا..لا باكلها ولاى
وهمست لنوال على غفلة من رفيقاتها
(أوّع تدخلى يدك فى الحطب تانى ..أنا ما داير اى قراصة لو بتعملى كده)-خلاص كويس ..حاضر ما بدخلها بس حتجى ؟
أومأت براسى
صافحتها فى ود وكذلك فَعَلت ...



..يتبع