[imported_منال]

المشاركة الأصلية كتبت بواسطة الرشيد اسماعيل محمود

ياخ والله كيفتيني يامنال..
من امس الفكرة دي راودتني عن نفسي
وغلقت الابواب وقالت هيت لك..
لولا ان رأيت ان اتريث كمحاولة للفهم
ومافهمت حاجة..
وصحي ليه بيتفرع بوست من وحي اخر..؟؟؟؟؟
ياخ احييييييك
سجلت قبل كدة يامنال في منتدي فيهو عدد المشاركات بترقيك وتبقيك
رتبة..يعني تصل مية مشاركة بيدوك نجمة..ماعارف 500 مشاركة نجمتين
وهكذا وهكذا..في ناس كانوا عمدا وعقدا والوية وعييييييك.
رجعت لمشاركاتهم لقيتا كلها عي شاكلة حكم وامثال وبرجك شنو وووو..الخ..اي موضوع والسلام..انشاءالله تقول الليلة جدادتنا بيضت..موضوع
وبماانو مداخلاتك بتتحسب ليك مشاركة فبالتالي امتلا المنتدي بعبارات تسلم والله..ابداع..شكرا ياجميل..بارك الله فيك..والخ
يعني مافي اي نقاش مافي اضافات البجيك في بوستيك بيكون هدفوا اولا انو يضيف لرصيدو مشاركة جديدة فما بيجتهد حتي للدخول في صلب الموضوع وممكن يكون ماقراهو اصلا..خليت المنتدي ومرقت.
معليش مرقت برا موضوعك.

الرشيد لا لا ياخ جوه الموضوع
يتفرع بوست من بوست اخر لمن يناقش فكرة جاءت من موضوع البوست
او النقاش و الحوار جاب محاور متشابكه زى مشاكلنا و فكر صاحب البوست يفرد ليها مساحة

طيب قبل نصف ساعة تقريبا دخلت و حسبت خمسة بوستات بتاريخ اليوم لعضو واحد
مواضيعا شنو
نتفق على انو مع حقو يفتح بوست و يناقش و يكتب الدايرو كلو
لكن عدد بوستات قدر ده ليه ؟؟؟
ركز فى بوست و خت العندك و التانين بتموك

اطرح و اقسم و اكتب و ناقش ماف زول بحجر عليك
لكن برضو فكر انو فى ناس تانين كتر القرايه بى ترهقهم

لقطتا فكرة من البوست اوكى اكتب اشارة للبوست التانى
عشان نكون معاك فى الموضوع
و نعرف النقاش ده اتولد كيف؟؟؟

الرشيد بركه المنتدى ده مافيهو دبورات الا فى نجمات كده فى البوستات بترقش

لكن صح مرات بتدخل تقرأ و تعجز عن تكتب سطر و لا حرف تقوم تسلم و تشكر برضو بدتى دفرة البوست وصاحب البوست لو ما محتاجه ليها بتكون فى عدد مشاركتك

لكن بالجد استعجب من وين بتكون القدرة على متابعة البوستات الكتيرة دى
وانت ما ملزم انك ترد لى اى زول - لكن برضو ما بى تابع بوستيك
ولا بتجى تكب كلامك و ما مهم

وتانى هو الوقت الممحوق ده بخليك تكتب كيف؟؟؟


كدى نعرف حاجه