الموضوع: أوراق..
عرض مشاركة واحدة
قديم 01-10-2010, 10:29 PM   #[9]
سمراء
:: كــاتب نشــط::
الصورة الرمزية سمراء
 
افتراضي

اليوم الاول من اكتوبر 2010

لا ادرى ! ولكن تداخل وتشابه تفاصيل حياتى لم يترك لى مساحه لمعرفة او فرز ايام الله !
ولكن لنجعل من كل حركة مسمى يرادفها ..

كعادتى فى الاستيقاظ مبكرة لصلاة الصبح ، بعيون مغمضة ، وبقية احلام تزازى
امامى ..حتى لكأنى اغوص فى داخله ولا اكاد اميز بين صلاتى فى حلمى !
ام خارجه ...
ثم العودة مرة اخرى الى النوم فى اطئنان بانى فى اجازة من (صوت البورى) لعربة العمل
وهذه المرة اكون غد غيرت مكان نومى فى مكان اكثر هدوء حتى لايزعجنى احد ، واصوات باعة (سمك اخزان ) حاجه تمام
وعلينا جاى الطماطم البلديه من الخدرجيه !! جنس كضب عليهم !! قال بلديه قال !

استيقظته لاداء فروض (قراصة الجمعة ) المعتادة ، ومناكفه القطط فىالمطبخ- احيييييييييي من لياقتهم !!
اليوم بالنسبة لى كان (بايخ) بوخ حلة كوارع نص النهار ماعارفه السبب شنو بالظبط !
بس حسيت فيهو بنوع من انواع الفراغ المقيت ..وكره اصوات الاخرين !
والانزواء بعيد عن الجمهرة الاسريه وتجاذب اطراف الشمارات والحديث من من حولى ...

اها بعداك جيت اكابس الفرد فى سودانيات

بس اهم حدث تققيبا فيهو .....جانى اتصال من زول بايخ ولايووووق اسمو مبر
عرفته انو فى الخرطوم ليهو اسبوووووووووووووووع !!
سامعين يابورداب الخرطوم ؟ اسبووووووووووووووووووع بالتمام والكمال ونحن ماناقشين !!
عموما ....بس !!



التوقيع:
غيرنا التوقيع عشان النور قال طويل 
اها كدة كيف ؟
<img src=images/smilies/biggrin.gif border=0 alt= title=Big Grin class=inlineimg />
سمراء غير متصل   رد مع اقتباس